شهر العسل في سويسرا كم يكلف لاهنتم نصيحتكم

[صياد الجبل]

السلام عليكم مساكم الله وصبحكم الله بالخير والسرور


ابي اسئلكم شهر العسل في سويسرا كم يكلف المده تكون بين 20 يوم و 30 يوم يعني شهر .


كم تكلف اذا الواحد يبي ياخذ مثلا افخم شي او واوسط شي او واقل شي


وهل تتوقعون 20 يوم في سويسرا ممله وكثيره او الافضل انوع يعني مثلا 10 ايام سويسرا و 10 ايام النمسا وش رايكم .


انا والله ماعرف ولا شي وابيكم تنصحوني وش افضل الشركات السياحيه وكيف راح يكون التخطيط والتنظيم معاهم سواء من الاقلاع من السعوديه وحتى الوصول الى سويسرا والفندق والتمشيات هناك والاماكن السياحيه . وافضل الاوقات الي الواحد يروح لها يعني مايكون فيها سياح بكثره او زحمه ويكون الجو زين والفنادق واسعارها سواء 5 نجوم او 4 نجوم . يعني انا والله معرف ولا شي ولا قد سافرت ابد خارج السعوديه... حدي الديره :D..


ابيكم ترشدوني وتعلموني على كل شي بالتفصيل الله يسعدكم والافضل الواحد يروح هناك وهو مرتب كل شي وعارف كل شي صغير وكبير .



لاتحسبوني معرس ولا على وجه زواج هههههه بس ابد في تالي هالليل وانا اقلب في اليوتيوب واشوف سويسرا والنمسا و قلت خلني اشوف واتصفح وما راح القى افضل من اخواني في مكشات بالفزعه الطيبه والنصيحه والاستشاره


والافضل الواحد يروح هالديار مع حلاله زوجته كشهر عسل


......


دعواتكم لي ولشباب المسلمين بالزواج واكمال نص الدين


تحيتي لكم