فيصة عصيفيره بالدبدبه راحت الحقوها

[بدوي نمبر ون]

السلام عليكم
صراحه ترددت كثيراً في كتابة هالموضوع ولكن والله حرام
فياض سدر راحت وانتهت مابقا الا مواقعها بالذاكره واسماها فقط
يالربع قبل امس رحت للدبدبه وهي معروفه يمكن للكثيرين منكم ومريت فيضة اعصيفيره
قلت بسوي غداي انا واعيالي واتذرا عن الهواء بحدا اشجار السدر
لكن شفت شيٍ يغث ويعمس ويحزن صراحه
تعرفون فيضة عصيفيره لقيت فيها راعي اباعر والبل لاعبتٍ بالفيضه لعب
اما اغصان مكسوره ولا ماكوله يالربع جذوع الشجر مكسره ومجمعه جنب وايت الماء
بالله شرايكم
الدبدبه يمكن 70 كيلو طول بعرض ماتلقا فيها شجره غير هالفيضه ولا الاشجار المزروعه عند ابأر المياه
وش اسوي صراحه حرام تنتهي هالفيضه بفعل راعي البل هذا

[النمر]

المفروض تبلغ البلدية او الجهات المختصة في نظر هذه الاماكن لان الصراحة حرام تزال مثل هذه المواقع الطبيعية

[أبو جراح11]

ههههههههههههههههههه
يارجال ماحولك أحد عندنا روضة كانت من أفضل الأماكن البرية
اليوم صارت (( مراغة بعارين ومليانة دمن وقردان ))

[بدوي نمبر ون]

ياحرام
يالربع فكرت اروح لسوق البل واعلمهم عنه
اغديهم يكلمونه ولا يطلع واحد يعرفه
بالله شرايكم ؟
انا محتار ولا ودي اشوف هالفيضه اللي لها ذكريات
تروح وتنتهي
ارجوكم ابي جواب شافي