مشورتكم يا إخوان عطل ميكانيكي ( دخان ازرق )

[علوش1]

السلام عليكم ورحمة الله وبركاته

اسعد الله اوقاتكم بالفرح والمسرات

عندي اكسبلور 2006 استخدام

امس شفت فيه دخان ازرق مع الشكمان

اذا طول الموتر وهو واقف وشغال ..

ادعس له يطلع دخان ازرق لمره واحده ..

بس بعد كدا يختفي الين اوقف مره ثانية

مع المشي مافي اي مشكله لا دخان ولا غيره

رحت الورشه وقالوا جلد بلوف ولازم تغيرها ..

بتكلفة حوالي 2000 ريال ..

وفك مكينه ورفعها من مكانها قلت أسأل اهل الخبره في الموقع ..

هل هي فعلا تحتاج فك المكينه واخراجها من مكانها او فيه طريقة ثانيه بدون فك مكينه ..


وفقني الله واياكم لكل خير ..

[علوش1]

وهل فعلا الدخان من جلد البلوف ؟

[التمسساح]

اذا يدخن بعد مايوقف وبعدها ينقطع الدخان جلد بلوف

[mando2002m]

جلد صباب يحتاج الى تغيير يمكن فك المكينة او فك البلوك العلوى فقط

[الاشهب 507]

أنا عندي جلد البلوف رايحه فيه والحمد لله مافيه دخان بس فيه تفتفه بصيطه مع البرد في بداية التشغيل وهي ماعليك منها. تمشي اقل شيء 5 سنوات وبعدين تفك المكينة على شيء. دافه
أجل لو موترك ماشي 700 الف زي موتري وش بتسوي أنا موتري الحمد لله موتري ماقد فك.
بعدين تراه دخان خفيف مايضر
وش عليك منه يدخن من راسك امزح لاتزعل
محبكم الاشهب 507

[علوش1]

التمساح

نعم يدخن لمن يطول وهو واقف بعدها ينقطع

:


:

ماندو 2002

جلد الصبابات هي نفس جلد البلوف ؟


:



:


الاشهب

ههههههههههههههههههههه

حسبي الله على عدوك شكلك اشهب واقشر

وراك زعلان هد اعصابك ترا الدنيا ما تسوى الله يسعدك

ما شاء الله ع موترك ..

بس الخراب يولد خراب قلت الحق عليه قبل تكبر المشكله ..

[الاشهب 507]

صباح الخير
علوش انت شكلك مدلع موترك
كلامك صحيح لكن يمشيك اقل شيء 5 سنوات
إذا سرة تحس بفضاوه في المكينه ودخان زاد ذيك الوقت
بكيفك تخيره ولاتخليه
واسف على الاطاله وهذى كلم المكنيكي
وانا ممشيتني 6 سنوات بدون مشاكل ولله الحمد
الاشهب 507

[علوش1]

اخوي الاشهب

مسائك ورد

بس الموضوع مش موضوع دلع ..

بس هالمشكله ممكن تؤدي الى توظيب مكينه لاقدر الله ..

والاكسبلور توظيبه مكلف حسب ما سمعت

فأنا ابي اتفادا التوظيب ..

[ريثان الرياض]

السلام عليكم ورحمة الله وبركاته




وعليكم السلام ورحمة الله
اسعد الله اوقاتكم بالفرح والمسرات
واوقاتك
عندي اكسبلور 2006 استخدام امريكي


امس شفت فيه دخان ازرق مع الشكمان


اذا طول الموتر وهو واقف وشغال ..


ادعس له يطلع دخان ازرق لمره واحده ..


بس بعد كدا يختفي الين اوقف مره ثانية


مع المشي مافي اي مشكله لا دخان ولا غيره


رحت الورشه وقالوا جلد بلوف ولازم تغيرها ..


بتكلفة حوالي 2000 ريال ..
لايهمونك
وفك مكينه ورفعها من مكانها قلت أسأل اهل الخبره في الموقع ..
هل هي فعلا تحتاج فك المكينه واخراجها من مكانها او فيه طريقة ثانيه بدون فك مكينه ..
ركز معي زين
رح لمحلات بيع وصيانة الدبابات البانشي وقل لهم عطنا زيت ياماها اللي يخلط مع البنزين لونه ازرق سعره 30ريال واذا صار عيار البنزين الربع عب الزيت بتانكي البنزين وفلل السياره بنزين 95 وامسك طريق سريع 50كم رايح جاي بسرعة 120كم بعدها وقف وخل السياره تشتغل من 15 الي 30 دقيقه ثم خل واحد معك يدوس بنزين اذا طلع الدخان فمعناته يحتاج تغير جلد بلوف


اخوك
ريثان الرياض

[الاشهب 507]

طيب شف سو تنضيف بخاخات وثلجه وشق وش يصير
يكلفك 50 رييال بس اشرط عليهم ان مادة التنضيف تكون اصليه
واذا ما نفع سو فحص شامل بلكنبيوتر ويطلع لك كل شيء
الي تعرفه ولي ماتعرفه يطلعون لك حتي اذا فيه جني يطلعون اسمه و وين ساكن ومن اي عايله
الاشهب 507

[علوش1]

الاخ ريثان
مالقينا الزيت الي تقول عليه ..
بس اخدت بترومين علبتين اصلي ..
وبجرب الطريفه هدي الليله ان شاء الله وارد لك ..

:

:

الاشهب

بنجرب طريفتك بعد ما اجرب طريقة الاخ ريثان

[SGL]

أخوي علوش بترومين زين بس خذلك علبتين وبنزين أحمر ب20أو25وصكه خط بسرعة100أو120
ملاحظة راح يدخن معك الموتر بسبب الزيت المضاف مع البنزين ومايختفي هذا الدخان إلا بعد مايخلص البنزين المخلوط وتعبي بنزين ثاني وجلد البلوف مالها تأثير تقدر تمشي فيها سنين ماتضر مامنها خوف وعطوك العلم الأعضاء سابقآ:good2:

[علوش1]

بيض الله وجيهكم ما قصرتو يالربع ..

حطيت علبتين بترومين وطبقة كلام الاخ ريثان والاخ sjl ..

والان مافيه دخان حمدلله ..

[علوش1]

بسم كم يستمر مفعول الزيت هل يطول ولا بس ايام معدوده ويرجع الدخان ؟