المساعد الشخصي الرقمي

مشاهدة النسخة كاملة : مكاين ياماها 130


ولد التوبي
08/12/2013, 02:21 PM
السلام عليكم ورحمة الله وبركاته

مرحبا يا أعضاء القروب أبغى مساعدتكم(من بعد إذن الإدارة) أحد يفيدني عن مكاين ياماها 130 توسترك أنا شايف لي مكاين ياماها130 وأبغى أركبهم على طرادي 27 قدم بس أبغى أحد يفيدني عنهم من جميع النواحي:السعر والأستخدام والصيانه وقطع الغيار والقوه....
وشكرا
بحر الكلام999
08/12/2013, 02:25 PM
اول مره اشوف 130 يماها يارجال تاكد شكلها 140
ولد التوبي
08/12/2013, 02:28 PM
هلا بحر الكلام مشكور على مرورك متأكد أنها 130 عندي الصور بس ما أعرف أرفقها مع الموضوع
صياد الخبر
08/12/2013, 02:34 PM
السلام عليكم


حسب موقع ياماها .. نعم كان هناك اصدار لمحركات 130 حصان ولكن انقطعت من خط الانتاج

ويذكر الموقع ان من 18 سنة لم يصنعو منها ..

http://www.yamahaoutboards.com/owner-resources/blog/pro-anglers/old-proud

المصدر


اخي الكريم

من واقع تجربة لقوارب حجم 27 - كل ما كبرت المكاين كل ما ارتاحن وارتاح القارب ب انسيابية وقوة تحمل ودفع .

27-2-200

الحجم 27
المحركات 200
العدد 2

جدا حلو لحمولة او اشخاص او مقابل موج وممشى

ما اسمحوا لك ب 200 فكر ب 150 وترا الفرق فقط الكاربريتر حسب كلام الخبراء


بالتوفيق
ولد التوبي
08/12/2013, 02:44 PM
مرحبا بك ياصياد الخبر مشكور على مشاركتك
بس المكاين موديلها حديث باحاول إني أنزل الصور
صياد الخبر
08/12/2013, 02:50 PM
السلام عليكم


مصدقك

ولقيت هالموقع ولكن لا يذكر موديل المكائن بسنة الصنع

http://www.yamahamarineservice.com/Pages/Outboard%20Engines/2stroke%20General/outboard_engines_2stroke_general_130betol.htm


والغريب بهذا الموقع غير مذكورة مكاين ال 140


http://www.yamahamarineservice.com/Images/Outboard%20Engines/2%20Stroke/General/130%20HP/130BETOL.jpg

بالتوفيق
بحر الكلام999
08/12/2013, 02:53 PM
130 حصان هي نفسها 140
ولد التوبي
08/12/2013, 03:24 PM
هي مثل هذه من مميزاتها إنها عكس


http://www.yamahamarineservice.com/Images/Outboard%20Engines/2%20Stroke/General/130%20HP/130BETOL.jpg
ماسيوم
08/12/2013, 06:40 PM
مساالخير
ماشاالله شكل المحركات موديل جديد الابوات ال27 كثيره عليها المحركات200 و150 بتكون عليها ثقيله من الخلف وبيشرب مويه معاك اذا زاد الموج عليك ممكن تتسببلك بمشكله اذا كان القرف شقيل ركب عليه ثنتين100 فور سترك بيكون ممتاز واقتصادي في البنزين واذا عزمت علا المحركات130 تاكد ان لها قطع غيار عند الوكيل لاتشتري وتنشب فيها نصيحه تقبل تحياااااااااااااااااتي
م/عبدالله
08/12/2013, 07:49 PM
وعليكم السلام ورحمة الله وبركاته



Yamaha 130 hp.wmv


http://im40.gulfup.com/pdNg2.jpg (http://www.gulfup.com/?c83gGY)


130 حصان راسين 4 سلندر 2 استروك محرك قوي هذه من المحركات التي جات من امريكا
مركبة على بعض القوارب وكتب عليها في الغطاء للمياه المالحه اتذكر ان احدث موديل جانا 1998
ولم تنتشر بكثرة وهي تعمل بنظام الابتوماكس الخلط الداخلي . الصديقة للبيئة
عندنا مالها سعر جيد عند البيع لعدم رغبة الكثير في استخدامها بسبب
نظام الخلط والفنيين يتجنبون مثل هذه المحركات
وهي حساسه وتحتاج انتباه للزيت باستمرار
لان بعض الاحيان قد يكلفك المحرك كامل اذا توقف نظام
الخلط .


بخصوص مقاس 27 قدم للقارب ماعلمتنا وش نوعه
في قوالب ثقيله وفيه قوالب خفيفة .. لاتستطيع تحديد
المحركات الا بعد معرفة مواصفات القالب الوزن والطول والعرض
لها دور مهم في تحديد المحركات




ان شاء الله اكون افدتك
سامي طاهر
09/12/2013, 01:03 AM
بسم الله الرحمن الرحيم

اللي اعرفه انها لامريكا : ) وليست لاسيا ومنطقة الشرق الاوسط . يعني بتتوهق في القطع .. ادخل شوف قطعها في الايباي وبتعرف :)

اسمع كلام الاخوان مية حصان :) مكينتين .. حلوة :) او انا انصحك لو تحب تكون مقتصد من ناحية البنزين والزيت .. عليك بال٤ ستروك اقتصادية واداء مقبول :)
ابو ريوف 422
09/12/2013, 06:46 AM
حياك اخوي من وجهة نظري ومن تجربه افضلك عدد ثنين مكاين 100 حصان يامها فور ستروك
لانها كربريتور وليست بخاخ وقليلة الاعطال وانا عني انصحك ب 100 حصان من ناحية السعر والتحمل وبنسبه للحركة العكسية ما تجي الا من 115 وفوق لمكاين يامها فور استروك لاكن ماتفرق معك لا في توازن ولا في ممشى لان الفرق بسيط وغير ملموس وتقبل مروري
ولد التوبي
09/12/2013, 12:16 PM
شاكركم على مروركم وردودكم
المكاين شايفهم في دبي وبالنسبة إلى نوع الطراد يا مهندس عبدالله درازي 27 موديل 2010
طيب أحد يخبر لي مكاين 115 أو 100 فور سترك