المساعد الشخصي الرقمي

مشاهدة النسخة كاملة : شوزن ونشستر sx3


القناصk
08/12/2013, 11:09 PM
السلام عليكم ورحمة الله وبركاتة
أسعد الله مساكم / صباحكم
أفيدوني لا هنتم هل الونشستر sx3 أفضل من البيكال من ناحيت المكده والظغوط سوى فيبر أو خشب

الله لا يهينكم

وشكراً
القناصk
08/12/2013, 11:25 PM
أفيدنا الله يرضا عليكم

وكم تسوى حالياً
بوااردي مطير
09/12/2013, 02:17 AM
الونشستر افضل بكثير من ناحيه الرمي وسرعة التدبيل وبعد تتحمل ويدلك عليها فارق السعر بين البيكال والونشستر
حر النداوي
09/12/2013, 10:23 AM
مافيه مقارنه
الونشستر بالحييييل طيبه وافضل من البيكال
صياد المزارع
09/12/2013, 12:33 PM
الونشستر أفضل من البيكال بكثيررر
خفيفه الوزن وسرعة تدبيل وطولها ٣٢ إنش
لكن البيكال ٣٠ إنش ووزنها ثقيل شوي وتتحمل الكد
تربة الشمال
09/12/2013, 01:46 PM
الونشستر أفضل من البيكال بكثيررر
خفيفه الوزن وناء افضلهاء علئ البيكال
هاجد2000
09/12/2013, 08:33 PM
الونشستر طيبه جدااا مافيه مقارنه بينها وبين البيكال وسريعه جداا وتتحمل الى ضغط 56 جرام

وتجي شد بلد مخزن ثمان والتاسعه ببيت النار وللاسعار ارسلي خاص لان قوانين المنتدى ماتسمح

بعرض الاسعار .
القناصk
09/12/2013, 09:20 PM
شاكر لكم سرعة الرد الله يرضا عليكم دنيا وآخرة

لكن فيه حسب ما أطلعت علية من خلال البحث ٣٠أنش سوبر ماغنوم المخزن يأخذ خمس وفية ٣٢أنش ماغنو المخزن ثمان
السؤال هل ٣٢ ترمي من ٣٢ جرام إلى ٤٠ جرام
وهل ٣٢ أنش تسوق ورميها حار مثل ٣٠ وإلا معلومتي خطأ
علماً إني آخر ظغط أرميبه ٣٦ بغض النظر عن نوع الشوزن
القناصk
09/12/2013, 09:29 PM
وهل هي بلجيكية أم أمريكية بالمختصر عطونا العلم لا هنتم
هاجد2000
09/12/2013, 11:47 PM
شاكر لكم سرعة الرد الله يرضا عليكم دنيا وآخرة

لكن فيه حسب ما أطلعت علية من خلال البحث ٣٠أنش سوبر ماغنوم المخزن يأخذ خمس وفية ٣٢أنش ماغنو المخزن ثمان
السؤال هل ٣٢ ترمي من ٣٢ جرام إلى ٤٠ جرام
وهل ٣٢ أنش تسوق ورميها حار مثل ٣٠ وإلا معلومتي خطأ
علماً إني آخر ظغط أرميبه ٣٦ بغض النظر عن نوع الشوزن


ال 32 ترمي مسافه اكثر من ال 30 شي معروف اصلا في جميع الاسلحه كل

ماطالت الماصوره كل ماصار مسافة الرمي اكثر وكما قلتلك الاكيد ان ال 32 لاتعديها

56 جرام وكذلك ال 30 وانا حالياارمي ب ال32 ضغط 40 ممتازه جدا وتنظيم

وسرعة حذف وترى كل فشق يفرق . بالتوفيق لك
صياد المزارع
10/12/2013, 12:28 AM
الأصل امريكي
لكن براوننق اشترت اسهم في ونشستر وصارت تصنع في بلجيكا وفيه موضوع في المنتدئ بهذا الجانب
وكلها شركات عريقه والله اعلم
ابن كديميس
10/12/2013, 02:38 AM
الفرق بين البيكال رخيصه وعمليه واثقل وزن بس تحرص بتنظيفه وقطاعه متوفر ورخيص لكثر مستخدميه والونشستر ازين منه واجود جهاز ونظام واغلا و قطاعه اندر من البيكال واغلا وتشكاته متوفره الا اذا كنت قريب من وكيله قطاعه موفر عنده والفرق يبن الخشيب والفيبر الخشيب ازين شكل والفيبر كد ويتحمل والونشستر زي ماقلت فيه سوبر مقنم ثلاثه انش ونص وطول 30 وثلاثه انش مقنم وطول 32 انش وال32 انش و30 رميهم كلهم زي بعض الطول مايفرق فيهم لانهم ماصورته تشكات والمجرب يعرف الكلام ذا بس تختلف بركادة التصويب والطول يرجع طابع نفسي عند البعض والونشستر والبراوننق واحد كلهم يصنعون خط انتاج واحد ونظامهن واحد ومواصيرهن نفس بعض الجدد والبروننق يصنع بس مواصير 32 انش للعرب فقط ولا بالغرب ماينتج لهم مواصير 32 انش ولا معترف بموقعه ان فيه طول 32 انش والمصنع بلجيكا للونشستر ماعندي خلفيه عنه بس الاصل الشركة في امريكا و البراوننق مصنعه بالبرتقال وهذا بموقعهم ولافيه خط انتاج من بلجيكا بتاتا مع انه يطبع عليه بلجيكامصنع fn تسويق .
عون الخوي
10/12/2013, 07:58 AM
الاخ اللي يبي يعرف حقايق ونشستر sx3
راجع خيمة ادوات الصيد البري
في موضوع يغنيك بعون الله عن كثر الفلسفه اللي مالها لزوم.. اسم الموضوع
رابطة ملاك الونشستر سوبر sx3
ولو تكتب الاسم في باحث قوقل افضل. .
واستفيد بمعلومات صحيحه وموثقه والونشستر امريكية الاصل وتصنع في بلجيكا.
وشركه عريقه مثلها ماهي في حاجته اسم بلجيكا عشان تسوق لبنادقها..
راجع رابطة الونشستر افضل من ان تسال ويجيك فيلسوف عليمي
تميم2222
10/12/2013, 12:54 PM
ياخي وش جاب الثرا لثريا. ونشسسسسسستر شيخه البنادق. في الرمي. واسرع جهاز في بنادق ام خمس. الئ وقتنا الحالي. وتقول. روسيه.
ابن كديميس
10/12/2013, 04:00 PM
ياخي وش جاب الثرا لثريا. ونشسسسسسستر شيخه البنادق. في الرمي. واسرع جهاز في بنادق ام خمس. الئ وقتنا الحالي. وتقول. روسيه.


تميم انت تسب رميه sx3 بموضوع اخر احترم عقولنا .
تميم2222
10/12/2013, 09:48 PM
تميم انت تسب رميه sx3 بموضوع اخر احترم عقولنا .

يابن كديميس عقلك ضايع. رح شف وتاكد من اللي سب وارسل الرابط. ان كانك. صادق
هاجد2000
10/12/2013, 10:12 PM
الاخ اللي يبي يعرف حقايق ونشستر sx3
راجع خيمة ادوات الصيد البري
في موضوع يغنيك بعون الله عن كثر الفلسفه اللي مالها لزوم.. اسم الموضوع
رابطة ملاك الونشستر سوبر sx3
ولو تكتب الاسم في باحث قوقل افضل. .
واستفيد بمعلومات صحيحه وموثقه والونشستر امريكية الاصل وتصنع في بلجيكا.
وشركه عريقه مثلها ماهي في حاجته اسم بلجيكا عشان تسوق لبنادقها..
راجع رابطة الونشستر افضل من ان تسال ويجيك فيلسوف عليمي

هذا الكلام الصحيح بلافلسفه رح للرابطه والله معاك :)
ابن كديميس
11/12/2013, 09:19 PM
يابن كديميس عقلك ضايع. رح شف وتاكد من اللي سب وارسل الرابط. ان كانك. صادق

ايه عقلي ضايع ولاجاك رده علي :D
بس ليت الرجال قبل لايكتب شي يقراء (( ما يلفظ من قول إلا لديه رقيب عتيد )) وهو اللي يحاسب .ترى الهياط ماله سنع .
تميم2222
11/12/2013, 11:11 PM
ايه عقلي ضايع ولاجاك رده علي :D
بس ليت الرجال قبل لايكتب شي يقراء (( ما يلفظ من قول إلا لديه رقيب عتيد )) وهو اللي يحاسب .ترى الهياط ماله سنع .

اهايط هههههههههههههههه ياخوي انت قلت اني. سبيت البندق في موضوع. صح؟؟؟؟. جب. الرابط. طيب. اظن. ردي كافي. لاتكثر. ردود في الموضوع. الناس تبي تستفيد.
ابن كديميس
12/12/2013, 12:07 AM
/http://www.mekshat.com/vb/showthread.php?p=9801528#post9801528 (http://www.mekshat.com/vb/showthread.php?p=9801528#post9801528)

هذا كلامك بردك عن المكسس (ايه جربتها مع الستوقر اللي بعض الناس يحقرونها وكلنا. حاطين. تشوك ٣. وضم الستوقر احسن وترا براوننق وقفت عند الافلو)
وهذا ردك عن الونشستر (ونشسسسسسستر شيخه البنادق. في الرمي.)
طيب عطنا بعد تجربتك برمي الستوقر مع sx3 ؟

الونشستر sx3ماصورته نفس المكسس بالظبط واتحدى اي واحد جربهم ويقول الونشستر اطيب وقعه وزين من المكسس والااختلاف بس ان المكسس ازين مده بالجسر على الطير . ولاتنسى ياعزيزي SX3 برونق يصنعه بمصنعه FN وهو ونشستر مصلحتهن وحده والمكسس اخته بس يصنعه برتغال فروق بسيطه بينهم .
تميم2222
12/12/2013, 06:36 AM
هذا البلا الفروق البسيطه. محطت بسمعه البراوننق. لو محافظه. علئ. خط انتاجها في امريكا والبلجيك. كان. ما شفت هالفروق
طيب. ليه. جهاز الونشستر اسرع. من براوننق??? وليه هذي تصنع في البرتغال. وهذي لازالت تصنع في امريكاوالبلجيك. وهي علئ قولك انها. نفس المواصفات. ونشستر. تطور في سلاحها. انا كلامي واضح وقلت براوننق. وقفت عند الافلو ومكتوب عليها. بلجيك. . انا اجرب. واعطي وجهه نظري.... .وصاحب الموضوع .له الحق بالقبول او ارفض ترانا في منتدئ اهم شي لاتطلع من الموضوع. وعطني. الرابط اللي سبيت الونشستر. :D:D
القناصk
12/12/2013, 10:23 PM
أشكر الجميع على إثراء الموضوع


لكن من يفيدنا وهنا مربط الفرس هل الونشستر sx3 ٣٢ أنش لها قطاع في المملكة أكيد لا حسب ما سمعت من أصحاب الصيانة من يفيدنا أكثر
القناصk
13/12/2013, 10:45 AM
يالربع لها قطالع وإلا لا
تميم2222
13/12/2013, 11:26 AM
وكيلها. بالكويت محلات البوري بحي الفحيحيل وفيه. بالقصيم بالجرده بعض القطع. البسيطه