المساعد الشخصي الرقمي

مشاهدة النسخة كاملة : السلق في اي عمر يلحق الارنب


طلو
27/10/2006, 06:32 AM
يا شباب افيدوني

اختلفت مع واحد من الشباب يقول انها تلحق من 6 شهور وانا اقول تطرح مع السلق

ممكن اما تلحق صعبه وش رايكم في اي عمر ممكن ان السلق يلحق الارنب
العجمـي
27/10/2006, 01:51 PM
انا الي اعرف انها من 9 شهور الى سنه تطرح الارنب النوع الطيب منها وصحته ممتازه
اما من 6 الى 7 شهور تلحق مع السلق بس اذا حده السلق ممكن انها تطرحه وهذا نادر جدا
العجمـي
27/10/2006, 01:53 PM
وانا اخبرلي سلوقي قبل اسمه فردان لحق الارنب وطرحه في الحجره ( ارض صلبه وتكثر فيها الحجاره ووعره ) وكان عمره 7 من الى 8 شهور ولكن كان طويل حيل
وانشالله استفدت
ال معلى
27/10/2006, 01:57 PM
والله على حسب خبرتي القصيره

انه على حسب بنية السلوقي وجسمه ومن سته شهور
شعوان السعدي
27/10/2006, 02:13 PM
مساكم الله بالخير جميع , كيف الحال
والله ياطويل العمر بالنسبة للسوال فانا اقولك ان الارانب ماهيب وحدة والسلق كذالك ماهيب وحدة فعندك ارنب الرملة وخاصة رملة غنيم والسحمة ما يلحقها الا سلوقي دون سلوقي وخاصة الجحل وهذي ما يجيبها الا الجرو السبوق والي قد تعدى السنة وزود والسلق ماهيب وحدة فالسلوقي الي جرمه وافي وبنيته تمام يلحق وهو صغير اما الي جرمه اقطم يتاخر شوي
اما بالنسبة بشكل عام يهد الجرو الي كمل 7 شهور مع امه على الارنب ويطرد معها وتطرح معها ونادر ما تطرح الحالها الا اذا كانت الارض وخيمة لان الارض الوخيمة(القاع الي ماهيب مسس ولاهيب مدهال للابل )دائما ارنبها ماهيب سبوق وادنى ما طيحها ويقدر يلحقها الجرو اذا كان جيد اما ارنب العبل والحاذ والهرم والحمض (الرمث) وارنب الشنان والغضا ترا دائما مايلحقها الا السلوقي التام والسبوق ولكن بعض الجرا تطرح وعمرها 9 شهور و8شهور ولكن تطرح مرة ومرة تفرط
اما بالليل وعلى كشاف فمن السهل انها تطرح وتصيد
هذا وسلامتكم
شعوان
حرف العين
27/10/2006, 02:27 PM
السلام عليكم ورحمة الله وبركاته

بلنسبه لسوالك يابونايف

بلنسبه للضاريه فهي تصيد وتلحق قبل الذيخ اللي بنفس العمر وبلنسبه لستة شهور من العمر انا اشوفها مناسبه وعادية جدا جدا انه الاسلقه تصيد الارنب فيه ولدرجة انه انا حضرت لمهد على وعل والسلق الموجوده كان عمرها سته شهور وعددها 5 تقريبا وطرحوه بشوف عيني وكانت المسافه تقريبا كيلو ونص ولاكن كله يرجع للتدريب من الصغر وزرع روح الحداده في الجراء.
العتيبي %
27/10/2006, 06:13 PM
تلحقه بس اذا صفت////صرت الارنب يا قف ما يكمل عدي
ابو تمام
27/10/2006, 06:40 PM
السلقه تطرح الارنب وعمرها سبع شهور
والذيخ يطرحها من تسع شهور
طلو
28/10/2006, 02:09 AM
يالربع شكرا علا ردودكم ولاكن انا استصعب اني اقنص للرمله بسلق عمره 6 شهور لاكن ماقول ان ما فيه سلق بيلحق بها العمر بس اقول وش هالسلق الي بيلحق ووش اصله
السمح
28/10/2006, 02:19 AM
نرجو التزام الأدب في الردود يا شباب ..



حتى يستفيد بقية الأعضاء والزوار الكرام من هذا النقاش الجميل .



تحياتي
طلو
28/10/2006, 02:29 AM
ياربعي ياخواني ما له لزوم يكون بيننا اي شي يكدر الخاطر وشكرن يأخي العجمي و ال معلا واخي شعوان السعدي يعني ان الاصل له دور

في طيب السلوقي واخي حرف العين ماقصرت وفعلا الحي يحييك والميت يزيدك غبن واخي العتيبي لا صرت احيانا تقعد السلق الكبار والشكر لابو تمام

والي عنده معلومات لا يبخل علينا

وللمعلوميه اطيب كلب لحق الارنب عندي من عمر سنه وشهرين
وشكـــــــــــــــــرااا
القـــناص
28/10/2006, 04:57 PM
من 9 شهور فما فوق
مطيري نجد
28/10/2006, 05:55 PM
.

.....................................





عدلت المشاركة من قبل السمح
حرف العين
28/10/2006, 06:12 PM
.

.....................................





عدلت المشاركة من قبل السمح
مطيري نجد
28/10/2006, 06:16 PM
.

.....................................





عدلت المشاركة من قبل السمح





شكلكم تبون الموضوع يقفل !!
طلو
29/10/2006, 02:49 AM
ارفعوها يالربع وخلونا بالارنب وعمر السلق الي يلحقها
ال معلى
29/10/2006, 09:58 AM
الله يهديكم وبس

الرجال ينشد والي

يبي يسولف ويستهبل

يدور له مكان ثاني

تراء الاسئله الي زي كذا

تعطي معلومات للزوار والاعضاء مفيده

وشاكر لك طلوووووووووو
راعي منوه
29/10/2006, 10:27 AM
يعتمد على طبع السلق وتدريبك له
وعندي واحد عمره 4شهور ويطرح
جربوع النهار مع جرو عمره6شهور
الروقي..2
29/10/2006, 05:38 PM
والله اذا كان السلوقي طيب من 6 وفوق
hunter1
29/10/2006, 06:05 PM
اخواني ...... الجروه الطيبه ومن سلاله طيبه تلحق ألارنب في النهار بعد 7 شهور . أما الجرو ما يلحق ألا بعد سنه......... بارك الله فيكم.
راعي الوفلا
30/10/2006, 03:40 PM
اخي العزيز/طلووو

اولا كل عام وانت بخير وجميع الأعضاء بخير

بالنسبه متى تطرح السلقه فهذي تختلف من سلوقي للثاني حسب اصله ونوعيته

أنا كانت عندي سلقه وفلا اي من النوع الأريش والله العظيم طرحت في عمر ثمانية شهور وقنصت السودان وهي ماكملت السنه طبعا أرانب

والدور الاساسي يرجع للتدريب الجيد

هذا والله أعلم

لك جزيل شكري واحترامي

أخوك / راعي الوفلا
مطيري نجد
31/10/2006, 09:53 AM
الله يهديك يا خونا حرف العين
حنا جينا نبي نستفيد
اذا عندك شي مفيد ولا توكل الله لا يهينك
حرف العين
31/10/2006, 12:02 PM
يامطيري نجد ليه انا داخل بيتكم تقولي توكل على الله.

وبعدين وشو الاستفاده اللي بتستفيدها لا انت براعي سلق ولا حاجه ولا تدري وين الله حاشرك .

واتمنى اي موضوع اطرحه تشارك فيه لانه ابي مواضيعي يكون فيها مهرج مثلك يضحك العرب عليه هههههههههه.

وشكرا
سبسي
31/10/2006, 02:56 PM
يا رياجيل اقصرو الشر
الموضوع مايستاهل يخوي اذا
بغيتو تضاربون تضاربو على المسنجر
هذا منتدى سلق مهب منتدى مضاربات
حرف العين
31/10/2006, 02:57 PM
يارجال انت لو ابوك فيه خير كان علمك تتكلم مع الرجاجيل لاكن الحب يظهر على بذره وترى مايردك الا اصلك الردي يابياع الكلاب.
طلو
31/10/2006, 04:31 PM
فعلا ياشباب ان السلق يلحق من بدري اذا كان من سلاله اصيله وحصلت واحد فعلا راعي سلق يهتم بها ويدربها صح

واشكركم يا ربعي علا الردود الجميله الي استفدت منها

ورجائي الخاص ياشباب فكونا من الكلام الي يسبب حزازيات بين الناس الانسان الفاهم المحترم يستاهل التقدير والانسان الي يقل ادبه فهو علا نفسه والعاقل خصيم نفسه
حرف العين
31/10/2006, 06:51 PM
ما اقول الا عسى ربي يهديك ويردك لعقلك ويبعدك عن الحرام اللي سفك بعقلك.
المنصوري 11
31/10/2006, 09:03 PM
السلام على خواني الغاليين #
اشحالكو يا شباب واربكو بخير
اشكر خوي طلو على الموضوع الممتاز والمفيد
واحب اني اشاركو الموضوع
خوي طلو بالنسبة للسلقة الي تجيب 3 جراوة واقل جروها يقنص الارنب من عمر 7 شهور وفوق اما السلقة الي تجيب لك اكثر عن 4 و5 جراوة ما يلحق جروها الا بعد ل9 لان الي تجيب 3 تكون بنيتها زينة ولكن حسب ماقال خوي بوعقاب (شعوان الله يذكره بالخير ) الارانب موب وحدة ,وصدقه عندنا ارانب الغابات ما فيه سرعة ويلحق ولكن ارانب القعايد الربع الخالي ماظنتي يلحقها الجرو بوسبعة شهور
ونتمنى لخوان الباقين يشاركون
يا شباب نحن كلنا اخوان والعرب كلهو فيهو خير والكلام الي ماله فايدة ولا له داعي خلوه بعيد
خوي مطيري نجد الشغلة كلها ترا معرفة وسوالف وتبادل خبرات
والكلام الجانبي يا خوي الغالي ماله داعي
خوكم ومحبكم بومبارك المنصوري
طلو
01/11/2006, 01:34 PM
بيض الله وجهك يالمنصوري 11
العاطفي
02/11/2006, 08:31 PM
اخوي طلو عندنا جروه 4وتلحق الارنب وتصيدها
بس الارنب الي يجيبونها من السوق البحريه
ههههههههههههههههههه

وانا اقول مثل ماقال اخوي اطلوو وانا بنفسي مجرب من 9 شهور يقنص الارنب البريه
بعيد المساري
03/11/2006, 08:25 AM
السلام عليكم ورحمة الله وبركاته

شكرآ لك أخي العزيز أبونايف على مواضيعك المتميزة

بالنسبه لموضوع السلق متى تلحق؟؟؟
تجد أخي العزيز أن السلق تلحق عندما يتم عمرها 6 شهور
سوآ للذيخ أو للذاريه

ولكن!!!

تجد أن الذاريه يبين سبقها من عمر9شهور!!

أما!!!

الذيخ لاتحكم على سبقه قبل الـ2 سنتين!!

هذه وجهة نظري

والى الأمام أخي طـــلـــو دائمآ وأبدآ

دمتم لما سالمين


أخيكم ومحبكم في الله
بعيد المساري
طلو
03/11/2006, 04:55 PM
مشكورين علا الردود الجميله والمفيدهه