نحيحيل الوادي
09/12/2013, 02:08 PM
[
FONT="Comic Sans MS"] السلام عليكم ورحمة الله وبركاته
في احد مقانيصنا خرجنا في ربيع يهول العقل في جهة شرق مكه وتعرفون الربيع تقنص طول النهار
فالجبال ما عليك من ضما ولا شمس بتنا اول ليله -اللي هي ليلة الخميس - وسرت علينا صبا بارده
تكفخ الليل كله ما هنتنا بالنوم اصبح الصبح ولا كل واحد على عيونه مثل الضباب من السهر
والغبار(وان كان خفيف) المراد هاك الايام كانت عزومنا قويه ومأملين بالله ثم بالصيد اللي كان
متوفر(وبران وقهد وان كنا ما نرمي القهد الا في النزول) وبعد مأملين في نومه سريعه في ضل داجي
المهم الصبا ما فكتنا الصباح كله وعرفنا ان الصيد يفتح الله
كل واحد دور له فيه(ضل) وخزن نوم( اذا اكلت بصل اشبع بصل)
اجتمعنا كلنا بعد العصر عند السيارات (طبعا مافي غداء) وصلحنا القهوه والشاهي وقمت انا
ورحيمي وقلت خلونا نشتري تيس ونتعشى ترا الجوع غدى بنا قالو تم
رحنا بعد محلنا بشوي عند هاك العزبه (الوحيده ) وهرجنا السوداني قال ابشرو شوفو الشبك عندكم
دخلنا الشبك وليا هاك التيس يطامر مطامر تقول ضبي قلنا والله هذا البطران هو المضبوط مسكناه
ثلاثتنا
بالقوه ولاه يبينفقع من الشحم بكم يازول ترانا جيرانك(تلطيف جو) قال كلمه واحده500 وكان
السعر زايد هاك الايام100ريال المهم شريناه وذبينا راسه وكفتناه فالقدر ورمينا الكرش(الله يغفر لنا)
وقعدنا نلعب ورقه ورحيمي مدمن ورقه( وللاسف هو اللي يطبخ) ما يقوم يناضر فالعشاء الا بعد
تعب المهم جهز العشاء وحطيناه فالصحن
واول لقمه ولا طعم العشاء تقل مطبوخ بقاز
هذا ايش يا عبدالله قال والله مدري ونقوم اللي يشم الملح واللي يشم كيس الرز واللي يشم الماء
ياناس من وين جا هالقاز
المراد الرز ما ينذاق واما اللحم دفيناه بالقوه (الجوع كافر) الا الكبد سبحان الله تقول غامسها بقاز
قال واحد من الشباب والله انه شارب قاز الفانوس كله
الصبح جري علي السوداني
ايش هذا يازول بايعنا تيس شارب قاز
قال يا اخوان سامحوني والله ما دريت الا بعد المغرب
قلنا مسامحينك يالحبيب ( طبعا بعد اخذنا تيس ثاني بدل اللي يشتغل بالقاز)
ودمتم بخير
[/FONT]
FONT="Comic Sans MS"] السلام عليكم ورحمة الله وبركاته
في احد مقانيصنا خرجنا في ربيع يهول العقل في جهة شرق مكه وتعرفون الربيع تقنص طول النهار
فالجبال ما عليك من ضما ولا شمس بتنا اول ليله -اللي هي ليلة الخميس - وسرت علينا صبا بارده
تكفخ الليل كله ما هنتنا بالنوم اصبح الصبح ولا كل واحد على عيونه مثل الضباب من السهر
والغبار(وان كان خفيف) المراد هاك الايام كانت عزومنا قويه ومأملين بالله ثم بالصيد اللي كان
متوفر(وبران وقهد وان كنا ما نرمي القهد الا في النزول) وبعد مأملين في نومه سريعه في ضل داجي
المهم الصبا ما فكتنا الصباح كله وعرفنا ان الصيد يفتح الله
كل واحد دور له فيه(ضل) وخزن نوم( اذا اكلت بصل اشبع بصل)
اجتمعنا كلنا بعد العصر عند السيارات (طبعا مافي غداء) وصلحنا القهوه والشاهي وقمت انا
ورحيمي وقلت خلونا نشتري تيس ونتعشى ترا الجوع غدى بنا قالو تم
رحنا بعد محلنا بشوي عند هاك العزبه (الوحيده ) وهرجنا السوداني قال ابشرو شوفو الشبك عندكم
دخلنا الشبك وليا هاك التيس يطامر مطامر تقول ضبي قلنا والله هذا البطران هو المضبوط مسكناه
ثلاثتنا
بالقوه ولاه يبينفقع من الشحم بكم يازول ترانا جيرانك(تلطيف جو) قال كلمه واحده500 وكان
السعر زايد هاك الايام100ريال المهم شريناه وذبينا راسه وكفتناه فالقدر ورمينا الكرش(الله يغفر لنا)
وقعدنا نلعب ورقه ورحيمي مدمن ورقه( وللاسف هو اللي يطبخ) ما يقوم يناضر فالعشاء الا بعد
تعب المهم جهز العشاء وحطيناه فالصحن
واول لقمه ولا طعم العشاء تقل مطبوخ بقاز
هذا ايش يا عبدالله قال والله مدري ونقوم اللي يشم الملح واللي يشم كيس الرز واللي يشم الماء
ياناس من وين جا هالقاز
المراد الرز ما ينذاق واما اللحم دفيناه بالقوه (الجوع كافر) الا الكبد سبحان الله تقول غامسها بقاز
قال واحد من الشباب والله انه شارب قاز الفانوس كله
الصبح جري علي السوداني
ايش هذا يازول بايعنا تيس شارب قاز
قال يا اخوان سامحوني والله ما دريت الا بعد المغرب
قلنا مسامحينك يالحبيب ( طبعا بعد اخذنا تيس ثاني بدل اللي يشتغل بالقاز)
ودمتم بخير
[/FONT]