ماهو افضل جهاز لاسلكي...

[almobd3]

بسم الله الرحمن الرحيم
انا ابي اسألكم عن افضل جهاز لاسلكي من جميع النواحي
من ناحية السعر المناسب
من ناحية قوة الإرسال
من ناحية قلة الخرابات
== الجهاز استخدام شخصي على خفيف ==

[آل علي]

ايكوم 2100 يمدحه وسعره 1100ريال تقريبا

ونتظر اهل الخبره

[حايرالقلم]

صح ايكوم 2100 مضبوط ميه بالميه لكن لما تشتريه ركب فوقه مروحه كبيره للتبريد على الجهاز لاتركب صغيره

[بريد5]

خذلك ICOM 2100

من ناحية السعر فهو سعره 1000 ريال ..

من ناحية الارسال يعتبر ارساله معقول ..لان فيه اجهزة اقوى منه ارسال مثل ICOM 8000 و ICOM 2200

من ناحية قلة الخرابات وقوة التحمل .. فا انا اشهد انه جهاز تكرفه ولايقول شي حبيب

واذا بغيت تشتريه رح لمحلات معروفة بالاجهزة لاني انا رحت كذا مرة قبل العيد

لقيت ايكوم 2100 وسعر 900 ريال :confused:

انا استغربت قلت وراه رخيص قال صيني :D

بس رح لمحل شملات بالمرسلات اظمن لك واحسن بعد

[almobd3]

طيب وش الإختلاف بين
ICOM 2100
و
ICOM 8000
و
ICOM 2200
غير الإرسال
وهل فرق الإرسال كبير
وكم سعر كل جهاز

[الطبيب]

الفرق بين الاجهزة اللي ذكرته الارسال والمواصفات ...!!

بالنسبة للأيكوم 2100 يعيبه انه مافيه مروحة تبريد .... وسماعته تحت ...وإرسالة ضعيف .... 55 واط

أما الايكوم 8000 ففيه مميزات كثيرة مثل السماعة قدام جنب الشاشة وواضح صوته ... يجي فيه مروحة شد بلد يعني أبعد عن الترهيم ....وأهم ميزة فيه .... قوة الارسال .... 75 واط .... !!

أقول هذا الكلام من واقع تجربة .... لكينوود القديم .... والايكوم 2100 والــ 8000

وارتحت من استخدام الــ 8000

أما الــ 2200 ما أستخدمته ولا أعرف عنه شي ...!!

هذا والله أعلم

والسلام ختام

[بريد5]

almobd3

ياهلا والله

شف الفرق زي ماقال اخونا الطبيب بين 2100 و 8000 ..لكن ..

اللي سمعناه من الاخوة ان 8000 يصلح ثابت يعني اوضح لك اكثر .. ماينفع للسيارة وللبر لانك بالسيارة كل مارحت بتركبة

بعدين لاوصلت للديرة فكيتة ودخلته للبيت .. مع الوقت بخيرب عليك لانه حساس ..

غير الكلام هذا .. انك منتب لاقي بالسوق ياباني 100% اللي موجود صيني تقليد

اما بالنسبة لـ 2200 نفس مواصفات 2100 لكن الارسال 65 واط وفيه مميزات لاكنها ماتحضرني

[almobd3]

طيب الحين الي معه 2100 يقدر يستقبل من 8000 ويرسل له << لاتضحك لأني مالي خبرة بالأجهزة الاسلكية

[aziz2727]

ايكوم 8000
ولو سمح لي الاخوا الاجابه على السئوال
طبعا" يمكن للي معه 2100 يرسل ويستقبل من 8000 او اي جهاز آخرى على نفس التردد

[almobd3]

طيب الحين انا استبعدت ICOM 8000 لأنه حساس
لاكن وش احسن ICOM 2100 ولا ICOM 2200
وليه
وكم يفرق السعر بينهن
واذا مافيه كلافه احد يشرح لنا طريقة الإتصال بين الأجهزة
يعين لو شريت جهاز وابي اكلم واحد ثاني معه جهاز
كيف اكلمه
يعني انا وياه نحط نفس التردد ونسولف
طيب اذا كنت انا وواحد نسولف مافيه احتمال ان واحد يجي يدخل عرض معنا؟؟؟
واسف على الإطالة
ومشكور اخوي بريد5 ولا يهونون باقي الأعضاء

[بريد5]

لاكن وش احسن ICOM 2100 ولا ICOM 2200




هلا والله اخوي ..

شف طال عمرك انا فريت السوق لين ماقلت بس لاكن جا واحد من راعي المحلات ..

يقولي خذلك الحين 2100 وابعد عن 2200 ...!!

انا استغربت قلت له ليش ..؟

قال اللي بالسوق صيني اما 2100 بتلقا ياباني مية مية
.
.
.
اما بالنسبة الاتصال فهي سهلة جدا ..

وهو عبارة عن ترددات وموجات كهرومغناطيسية

يعني فرضنا انك تروح لتردد مثلا ..: 145.000

يجي خويك ويحط نفس التردد اللي ذكرنا .. ويكلمك وتكلمه ..;)

وذا جا وحد وحط على نفس التردد .. يستطيع يسمعك انت وخويك ويقدر يدخل معكم ..

هذا تقريبا الشرح المجمل ....

[almobd3]

هلا والله اخوي ..


شف طال عمرك انا فريت السوق لين ماقلت بس لاكن جا واحد من راعي المحلات ..

يقولي خذلك الحين 2100 وابعد عن 2200 ...!!

انا استغربت قلت له ليش ..؟

قال اللي بالسوق صيني اما 2100 بتلقا ياباني مية مية
.
.
.
اما بالنسبة الاتصال فهي سهلة جدا ..

وهو عبارة عن ترددات وموجات كهرومغناطيسية

يعني فرضنا انك تروح لتردد مثلا ..: 145.000

يجي خويك ويحط نفس التردد اللي ذكرنا .. ويكلمك وتكلمه ..;)

وذا جا وحد وحط على نفس التردد .. يستطيع يسمعك انت وخويك ويقدر يدخل معكم ..

هذا تقريبا الشرح المجمل ....

مشكور اخوي
يعني مافيه خصوصية...
يعني ما اقدر اسولف انا وواحد بدون مايجي احد يدخل علينا
طيب اذا دخل احد عليان اعرف انه فيه احد على نفس الموجه؟ ولا لا

====
طيب الحين ايكوم 2100 يثبت بالسيارة
طيب فيه يدوي؟
طيب اليدوي كبر الجوال ولا كيف
وهل اليدوي نفس مميزات الثابت؟
وياليت تتحملنا شوي لأنه مالي خبره ابد ابد ابد وانشاء الله استفيد منك

[بريد5]

مشكور اخوي
يعني مافيه خصوصية...
يعني ما اقدر اسولف انا وواحد بدون مايجي احد يدخل علينا
طيب اذا دخل احد عليان اعرف انه فيه احد على نفس الموجه؟ ولا لا

====
طيب الحين ايكوم 2100 يثبت بالسيارة
طيب فيه يدوي؟
طيب اليدوي كبر الجوال ولا كيف
وهل اليدوي نفس مميزات الثابت؟
وياليت تتحملنا شوي لأنه مالي خبره ابد ابد ابد وانشاء الله استفيد منك




بالنسبة للخصوصية .. ما اعرف عنه الا قليل وماقد استخدمته ..

وعلى ما اعتقد ان الجهاز الياسو يسويه

وبالنسبة تعرف ان فيه احد موجود ولا لا ماتعرف اذا كان بس قاعد يسمع

.
.
.
ويثبت بالسيارة

وموجود يدوي

لاكن يختلف عن مميزات اليدوي لانه اظعف ارسال بواجد

ومداه تقريبا 10كم

وحجمة تقريبا زي كذا

http://www.icom.co.jp/world/products/land_mobile/V8_LM/icv8g.gif

[almobd3]

مشكور اخوي
لاكن كم سعر اليدوي...
===
وهل بالإمكان اني اذا شريت الي يثبت بالسيارة
اشري جهاز زي اليدوي يتصل عن طريق الي بالسيارة
يعني اذا نزلت من السيارة اقدر اكلم فيه << اعتقد الفكرة وصلت
ومشكور وماقصرت

[بريد5]

اانا ابقول اللي فهمت

سعر اليدوي 750 ريال

اما عن اللي يثبت بالسيارة تقدر تنزلة وتحطة بالبيت وتشبكة ايظا ..

[وقيان]

اانا ابقول اللي فهمت

سعر اليدوي 750 ريال

اما عن اللي يثبت بالسيارة تقدر تنزلة وتحطة بالبيت وتشبكة ايظا ..





بالنسبة لليدوي... لو ركبت على السيارة انتل نوعيته كويسة وقوي... كم ممكن اقصى مدى يقدر يوصله... وكم قيمة هالانتل....؟؟؟

يعني هل تقدر تضبط لك جهاز يدوي يوصل مداه 100 او 200 كم ؟؟؟

[بريد5]

.
شف ياخوي انا عندي جهاز V8 يدوي

ومركب عليه انتل سيارة من نوع دايموند التجاري بــ25 ريال ..:D

ورافعه فوق الخزان بقاعدة سيارة

المهم انا اكلم ناس ابعد عنهم تقريبا 30 كم او 25 كم

بس يقولون فيه امبي لليدوي يوصل تقريبا 60 واط

اكيد بيجيب فوق الخمسين كيلو بالراحة

[almobd3]

مشكور اخوي...
لاكن ممكن تقولي كم مدى الإرسال لك جهاز من الأجهزة التالية
ICOM 2100
و
ICOM 8000
و
ICOM 2200

[بريد5]

..

شف ياخوي هذا يعتمد على الانتل او الاستيشن ..

اللي مركبة ..

وفيه استيشن يوصل 150 وفوق

وفيه تقدر تراسل منه الشرقية .. اذا صار الجو فاتح ..

يطلع الانتل مسكت


لاكن اكيد ان 8000 يفوق عليهم كلهم

بعدين يجي 2200

همن عقبة 2100

[almobd3]

طيب كم سعر ICOM 8000
وهل استطيع اني اشبكة على الجارمن زي ICOM 2200

[بريد5]

..

والله سعرة الان ما ادري لاكن يمكن 1000 ريال

او 1150

ومن ناحية القارمن الظاهر على حسب علمي لا

[الكونترولCONTROL]

طيب الحين انا استبعدت ICOM 8000 لأنه حساس
لاكن وش احسن ICOM 2100 ولا ICOM 2200
وليه
=================================
يا اخوي ترى الجهاز 8000 حساس للي يستعملون الجهاز محطة و يزيدون قوة ارساله
و يكثرون تنقيله بين الاستراحات !!!!!!!
اما الاستعمال الأمثل لما صنع له ف 8000 هو افضل جهاز

[المراجل]

والله الصراحه أنا عندي جهاز أيكوم 2200 بس أحس انه احسن من 2100 بس اللي عنده خبره عن هذي الاشياء يخبرني الله لايهينه

[المراجل]

ممكن تفيدوني يا أهل الخبره

تراني متحمس

ارجو الرد السريع

[النداوي HZ2AF]

ايكوم ثمانية آلآف وما جاك عندي
من واقع تجربة ولايوجد مقارنة
ومن يقول انه حساس او كثير الخراب ما عنده سالفة
و اتحدى ان كان يقول هذا الكلام من تجربة او سابق خبرة
لكن على ذمة يقولون يعني اشاعات ما لها اي اساس من الصحة
بل الثمانية الاف يتحمل ويصبر اكثر من 2100
وانا مجرب الاثنين وكارفهم كرف ويومياً تقريباً

اخوك ابو عبدالله

[قير عادي]

الفرق بين الاجهزة اللي ذكرته الارسال والمواصفات ...!!

بالنسبة للأيكوم 2100 يعيبه انه مافيه مروحة تبريد .... وسماعته تحت ...وإرسالة ضعيف .... 55 واط

أما الايكوم 8000 ففيه مميزات كثيرة مثل السماعة قدام جنب الشاشة وواضح صوته ... يجي فيه مروحة شد بلد يعني أبعد عن الترهيم ....وأهم ميزة فيه .... قوة الارسال .... 75 واط .... !!

أقول هذا الكلام من واقع تجربة .... لكينوود القديم .... والايكوم 2100 والــ 8000

وارتحت من استخدام الــ 8000

أما الــ 2200 ما أستخدمته ولا أعرف عنه شي ...!!

هذا والله أعلم

والسلام ختام

نفس الشى استخدم اكثر من جهاز لقيت ان الـ8000 يجمع بين اكثر من ميزة ،،،، لكن يعيبه انه لا يتحمل العبث في البرمجه ،، يعني لا تعبث به كثيرا

[النداوي HZ2AF]

نفس الشى استخدم اكثر من جهاز لقيت ان الـ8000 يجمع بين اكثر من ميزة ،،،، لكن يعيبه انه لا يتحمل العبث في البرمجه ،، يعني لا تعبث به كثيرا


أي برمجة ؟ .
برمجة الـ 8000 هي نفسها برمجة الـ 2100 ولا يوجد هناك اي فرق

أخوكم ابو عبدالله

[بو خليفه]

اشتر 8000 جيد بس ملاحظة أشتر الأصلي قيمته في حدود 1100 ريال و يعطي 75 واط و يوجد به مروحة من أصله للتبريد
2100 يعطي 55 واط
2200 يعطي 65 واط

[تبوك]

دام انك مبتدي توكل علي الله وخذايكوم 2100 ومع مرور الوقت راح يكون عندك خبره اكثر ولاتنسي انك تركب المروحه له

[الرهدن]

قاعدة /
كل ماغلا الجهاز وصار نادر أبلشك بغلا قطع الغيار00 هذا على إفتراض إن القطعة تجدها وأصلية :confused:
وش الحل ؟
خذ مثل اللي مع أغلب الناس00


.

[أبو دمعه]

وشنهو اللي مع أغلب الناس يالرهدن ؟

[فلان بن فلان]

كل الاجهزة ممتازة ولا يوجد شركه مصنعه للاجهزة اللاسلكيه يابانيه تصنع شئ غير جيد ولكن الاجهزة وما تمتاز به..
جهاز الايكوم 2100 ممتاز 55 واط يصلح مع الباور1100
2200 جيد 65 واط في البدايه ارساله قوي اذا في راجع تظرب قطعه الارسال والاستقبال 900السعر
الايكوم 8000 ممتاز في الارسال والاتسقبال 75واط لا يصلح مع الباور السعر 1100
الكونوود 261 افضل انواع الكونود ولكن لا ياتي منه الان ....
ارجوا اخذ الاجهزة من الوكلاء المعتمدين في الدوله في الرياض الوكيل للايكوم دار البوصله

[كبريت]

وين محلة دار البوصلة هذا؟؟

وهل تنصحني بالـ 8000 لان اللي عندي 2100 وبصراحة متخوف من كثر الكلام اللي اسمعه ولا ودي اخسر دراهم

علما باني راعي بر على خفيف يعني شتاء وبس...

ارجو الافادة