الفزعه نوينا مقناص جنوب افريفيا وحابب استفسر [الأرشيف]

لحظة وداعي

09/12/2013, 10:31 PM

السلام عليكم ورحمة الله وبركاته

توكلنا على الله ونبي مقناص جنوب افريقيا وابي المشوره يالربع
والاسعار وكل التفاصيل اول رحله

احنا 4 اسخاص وممكن نزود 5
كم التكاليف واسعار بعض الطرائد الكبار مثل الكودو وغيره

العاتق

28/02/2014, 01:29 AM

موفق خير..
اقدر افيدك باللي اقدر عليه ابشر ولا يهمك
اولا التذاكر ب 2150 حاليا من جده لجوهانسبيرج على الخطوط السعوديه
ثانيا اذا كنت بتصيد الكودو والطرائد الكبيره يسمونها تروفي وسع جيبك ونا خوك.. اذا ما خانتني الذاكره الكودو سعره حول 1500 دولار للواحد والنيالا حول 2800 دولار
اما اذا على غزلان الامبالا بيطلع تقريبا من 1000 الى 1200 دولار للشخص في 5 ليالي
طبعا لابد قبل كل شي تنسق مع صاحب المحميه وبيعطيك الاسعار واذا وافقت عليها تحوله عربون ويرسلك خطاب دعوه عشان تقدم على الفيزا..
طبعا التكلفه الاجماليه تقريبا مع التذاكر والأكل والشرب والتمشيات خلال اسبوع ما تقل عن 10 الف ريال هذا بالنسبه لي...
فيه اشياء كثيره لابد تكون في الحسبان.. الصيد ممتع في جنوب افريقيا لكن يحتاج لترتيب واعداد .. اللغه ضروريه عشان تقدر توصل المعلومه ومتطلباتك..هذا اللي عندي في الوقت الراهن.. ان شاء الله اكون افدتك ولو بجزء بسيط وتحت الخدمه في اي وقت