اسعار قدر الضغط تيربو باخشوين من الوكيل

[نقى بنبان]

السلام عليكم
الاخوة الافاضل.... كل عام وانتم بخير
مررت بجوار معرض باخشوين على طريق الملك عبدالله, واحضرت لكم اسعار قدر الضغط الالماني تيربو:

12لتر مع مقياس الضغط 750 ريال
9لتر مع مقياس الضغط 722
6لتر مع مقياس الضغط 608
4لتر مع مقياس الضغط 525


12لتر بدون مقياس الضغط 684 ريال
9لتر بدون مقياس الضغط 675
6لتر بدون مقياس الضغط: لايوجد
4لتر بدون مقياس الضغط 495

بتاريخ الجمعة 5\10\1427

شكرا للجميع

[google1]

الله يعطيك العافيه

مجهود تستحق الشكر عليه

[نمر بن حثلين]

بارك الله فيك

بس الاسعار نار
عطي الله السيف ب50 ريال ومشي حالك

[sal7]

الحين لا طبخت بالتيربو هذا يبي يطلع الرز نثري ولا وشو
وش يخليه غالي إلى هالدرجه و الله على كلام نمر بن حثلين
غير الصيني لا تدور

تحياتي لك يالطيب

[نواف 100]

لاوطلع صيني جديد مثل الاماني وبدون يد الى تاخذ حيز بالثايه ورخيص ب55 ريل ودمتم

[الرهدن]

أخ نقى بنبان00
انحش من باخشوين اللي ذكرت00
غالي00غالي00غالي00
إذا بغيت أرخص سعر رح لمحل بشارع الوزير اسمه الكمال جنوب عمارة العزيزية وتشوف الفرق00
وإذا ماأعطاك السعر المناسب راسلني على الخاص لأني زبون خاص عندهم00


.

[نقى بنبان]

شكرا اخي الرهدن

الوكيل مسوي تخفيض 5 %
وسمعت من بعض المحلات ان هناك اصلي وشيء يجي من الامارات،
وحماية المستهلك كما تعلم عندنا الله بالخير.
لو تورد حمير(تكرمون) من الصين وتكتب عليهن خيول عربية جدهن كحيلان, محد ردك بهالبلد، وتبي تلقى من يشتري، بس خفض السعر شوي عن الخيول:) .

تأكد دائما من ان مااشتريته يساوي قيمته التي دفعتها
تحياتي

[الرهدن]

تقول00 غفرالله لك ولكل مسلم00
تأكد دائما من ان مااشتريته يساوي قيمته التي دفعتها00


كذا زعلت الرهدن :no2:
يالله عاد وش يرضيه :confused:





.

[hamad_alsaad]

ياجماعة الخير كنكم حاقرين الفنس. للمعلوميه الصين تصدر للعالم الغربي وصناعت الصين افضل من الغرب. صح النوم. الصين دولة عظمى وانصحكم لاتشتري الإ صيني ارخص واجود. مثل اليابان من زمان يوم منتجاتهم رخيصه.

[الرهدن]

أخي حمد00

لكن أغلب التجار الجشعين هل تتوقع إنهم يجيبون لنا الصيني الأصلي00
خصوصآ إذا كان بعضهم تجاري ;)


.

[هواوي]

والله يا شباب اشتري من يهودي ولا اشتريمن صيني

والله ما شفت احد يكرهنا زي الصينيين بشكل عجيب جدا جدا
ولهذا يستحيل ان يصدرون لنا شي زين والاهم المعدن ربما يكون خطير ومسبب للامراض ومنطقيا نفس الشي واحد بالف والثاني بستين ريال ؟؟ اكيد فيه فرق شاسع ومهم

انا شاري تيربوا وعندي سيب الفرنسي وصراحه الزين قيمته فيه
وبرضه جاني هديه وواحد صيني السيف وزوين ولكن ما اضمن المعدن حقه

الصين رديئ دائما ومن واقع تجربه ولا احد يستطيع ان يقول غير هذا فالامثله كثيره جدا جدا جدا

[نقى بنبان]

كل شيء إلا زعل الرهدن

حفظك الله....... وش يرضيك؟؟

وتراي ماقصدت شيء من العبارة, الا معناها المباشر.

[kaaaatm]

يا شباب لا تزعلون الرهدن تراه غالي علي

[الجندي2005]

لو نصه ذهب ما صاركل هالغلا انحـــــــــــــــــــــش

[أبورهف]

والله يا شباب اشتري من يهودي ولا اشتريمن صيني

والله ما شفت احد يكرهنا زي الصينيين بشكل عجيب جدا جدا
ولهذا يستحيل ان يصدرون لنا شي زين والاهم المعدن ربما يكون خطير ومسبب للامراض ومنطقيا نفس الشي واحد بالف والثاني بستين ريال ؟؟ اكيد فيه فرق شاسع ومهم

انا شاري تيربوا وعندي سيب الفرنسي وصراحه الزين قيمته فيه
وبرضه جاني هديه وواحد صيني السيف وزوين ولكن ما اضمن المعدن حقه

الصين رديئ دائما ومن واقع تجربه ولا احد يستطيع ان يقول غير هذا فالامثله كثيره جدا جدا جدا
كلامك عين الصواب وبعض هالكواتم غير الأصلية تراه ينفجر

الله يحفظنا وإياكم ويكفينا الشر

آمين

[ابو سمر]

شكرا لك أخي الكريم وما قصرت الله يعافيك ..

كأني شفت صيني وارد السيف كأنه جيد ويصلح للبر لأن الغالي حسوفة على البر والمطبات ..