حر فارط ؟؟؟ !!!

[تمياط]

السلام عليكم ورحمة الله وبركاته
مسمى يطلقه الصقاره مؤخرا حر فارط
هل هذا نوع تسويق للطير ام هو غش الغشيم
بان يطمر الطير يومين ويفك له حمامه امام المشتري
ثمن لاشراه الاهو لا فارط ولاهم يحزنون
كيف اعرف ان الطير مطمر او لا

[عابر الموج]

خل راع الطير يعلفه اليوم بعد ان يصيد حمامته واشرط عليه يوم غد هد له حمامة اذا طرحها سلم من الحمام القوي وماشغلت جهاز التتبع اشتره على حسب اتفاقك مع راعيه هل صائد ام معلم اوماشاف شي اما انه منقز عن العلف صعب تعرف ذلك على قولتك مطمر تحياتي

[محمد المساعد]

من العادات العامه بطيور هي (المرش)اعزكم الله جميع

اذا كشف برقع الطير وهد وهو مامرش او انتفض يكون احتمالية انه مطوف ٧٠٪


واسلم طريقه لقطع الشك كما افادك اخوى /عابر الموج

[راكااااان]

يأخي سؤالك غريب شوي اكيد بيطمر طير اجل يعلفه وهده !!!!!وشي ثاني دام انه لحق اذاكان مطمره ولا لا فهذه جناحه طيب حيل الفارط صيدته ماتعدا 500متر اله هو معلقها اما سبوق يطرد مسافه لاكن يلحق وطير الحاق الي هو طويل نفس مع صيده يطرد مسافه طويله لاكن مايحل عن صيده ،،،وبتوفيق

[النداوي HZ2AF]

مشكور أخوي تمياط على طرح هذا الموضوع
وأثراء المنتدى بالنقاش الهادف المفيد

[(هزاع)]

وعليكم السلام ورحمة الله وبركاته
اشكرك على طرح هذا الموضوع
تطمير الطير يعني ان لايعطى علفته في وقت عشاه ويطمر ذلك اليوم ليوم اخر وقد تطمر الحرار والجيره ليوم او يومين اذا كان الطير في مرحلة صقارته
اما تطميره لاجل بيعه على مشاهد الطيار فهذا غش ويستطيع الصقار معرفة الطير المطمر احيانن
الطير الذي يطلق عليه فارط السبق يقاس بطياره ولصقاره الدور الاساسي بذلك من خلال انتقاء الطيرعند شرائه وحش
ومن ثم جرد الطير وتعليمه على الصيد وترغيبه والصقار المتمرس يراقب الطير من يكفخ من الدس ويستطيع بفضل الله ثم بما اكتسب من خبره بالتعامل مع الطيرلتطوير قدراته
والصقر بطبيعته الذي خلقه الله عليها صياد ماهر ويتدخل الانسان بطتوير مهاراته او افسادها
اما ان تطميره بيعطيه فرط طيار فما اعتقد ان الطير لاطمر بيسير فارط طيار ولاكن بيحرص على ان يصيد ولكن هل امكانيت جناحه بتساعده ام لا
ترجع لجناحه هل جناحه وصملته طيبه ام لا
موضوع يستحق التقييم

http://www.mekshat.com/pix/upload03/images124/mk17809_12222bg2.gif http://www.mekshat.com/pix/upload03/images124/mk17809_12222bg2.gif http://www.mekshat.com/pix/upload03/images124/mk17809_12222bg2.gif http://www.mekshat.com/pix/upload03/images124/mk17809_12222bg2.gifhttp://www.mekshat.com/pix/upload03/images124/mk17809_12222bg2.gif

[البرنس الليبي]

يا اخوان بارك الله فيكم وغيركم المعلم ....الحر ان طمرته يوم او اكثر اللي يطير وجناحه قوي واضح لكن الردي حتى لو تطمره ماهو بلاحق ...على العموم اللي عنده حر جناحه فارط انا سامح له يطمره يومين او ثلاثه بس يلحق الحمام السوادي ويبشر بالسعر اللي يرضيه .

[ابو وافي00]

السلام عليكم ورحمة الله وبركاته
أخوي / تمياط
الطير الفارط سواً طمرته أو ماطمرته راح يبين فعله في السرعه اذا هديته
والطير اللي غير ذلك لو تطمره شهر فعله هو هو


غير ذلك الصدق منجاه اذا طيري فارط بقول طيري فارط مايحتاج اطمره ولاغيره عشان
أمشي سلعتي




تحياتي:
أبو وافي..

[خالد العطااوي]

السلام عليكم ورحمة الله وبركاته

أخوي / تمياط
الطير الفارط سواً طمرته أو ماطمرته راح يبين فعله في السرعه اذا هديته
والطير اللي غير ذلك لو تطمره شهر فعله هو هو



غير ذلك الصدق منجاه اذا طيري فارط بقول طيري فارط مايحتاج اطمره ولاغيره عشان
أمشي سلعتي





تحياتي:

أبو وافي..


هذا الكلاااااااااااام يبو وافي ..
كفييييت وووفيييت ..

[alaaly]

السلام عليكم ورحمة الله وبركاته ،،،

السؤال غريب شوي وبعض الاجابات اغرب ، الطير موجب ولا معشا امس مسح ريش ولا مغديه بدري ؟؟؟

الطير هده قدامك وطرح حمامته وانت عينك ميزانك وكلا وصقارته اعجبك الطير اشتره ولا كلا وعنده حلاله،،

اجل بعد اشرط علي ان اكرمه في عشاه وقول لي هده على حباره مع طلوع الشمس ليه هو طير بيهد ومعزم على الصيده ؟؟؟ ما اظن كل طير يسويها

[مكشاتي سابق]

لولا اختلاف الانظار لبارت السلع

[دولاار]

السلام عليكم ورحمة الله وبركاته
مسمى يطلقه الصقاره مؤخرا حر فارط
هل هذا نوع تسويق للطير ام هو غش الغشيم
بان يطمر الطير يومين ويفك له حمامه امام المشتري
ثمن لاشراه الاهو لا فارط ولاهم يحزنون
كيف اعرف ان الطير مطمر او لا

عليكم السلاام ورحمة الله
مساك الله بالخير اخوي تمياط
وانا اخوك انت دخلت سؤالين بسؤال واحد
السؤال الاول انك بتشتري طير وراعيه يقول ان الطير جناحه فارط ثمن لين شريته طلع جناحه عادي ؟؟
هنا وانا اخوك على حسب البيعه اذا كانت البيعه في المدعى وهديت الطير وشفت جناحه بعينك
واقتنعت فيه وخذيته وبعد ماخذيته بااسبوع والا شهر طلع جناح الطير عادي فااتوقع ان مالك احقيه
ترجعه او تحاج صاحبه لاان الطير يوم جيت بشتريه هده راعيه لك وشفت مهده وكان بامكانك انك ما تشتريه يوم شفت جناحه عادي

اما السؤال الثاني ان الطير اذا طمرته بيختلف طياره وبيصير سبوق فااتوقع ان هالكلاام غير صحيح
جناح الطير مايتغير سواء طمرته والا ماطمرته لو ان الطيور الي جناحها عادي اذا طمرته صار سبوق فكان كل الصقارين طمرو طيورهم وصارت كلها سبوق
وبالعكس بعض الطيور اذا طمرته اكثر من يوم تردا جناحه بسبب الجوع

والله يبعدنا وياكم عن الناس الي تبيع ذممها سواء بالطيور والا غيرها

[عنيد]

نصيحه لا تبيع الا راعي نظر اما اللي يسمع بالفرط من الطيور تراه يغثه وهو اصل لم يرى في حياته طير فارط ولا يعي ولا يستطيع الحكم على الطيور الفارطه اما راعي النظر فيعرف ان هذا الطير بيطلع سبوق والا لا من اول هداده وهذي وجهة نظري واذكر كثير من الطيور شريناه وبعناها ولم تطرح الحمام اللي فك لها لكن الطير طيب بييييييييييييين