المساعد الشخصي الرقمي

مشاهدة النسخة كاملة : استشارة: باترول الجديد XE ( استاندر) وﻻ ﻻندكروزر GX ( هدد )


abu.abdallah
13/12/2013, 02:09 AM
بسم الله الرحمن الرحيم

السلام عليكم ورحمة الله وبركاته

حياكم الله إخواني الكرام

الحقيقة إني محتار وبغيت أشاوركم..

نويت إن شاء الله أشتري سيارة جديدة لكني محتار:

1- نسيان باترول الشكل الجديد، فئة XE الاستاندر، ما أعرف من مواصفاته إلا أنه 320 حصان 8 سلندر، وواحد قالي أنه مايجي إلا قير عادي!

2- تويوتا ﻻندكروزر وارد اليحيى، فئة GX الهدد، 6 سلندر ونش فتحة دفلوك، قير أوتوماتيك طبعاً


أنا حدي آآآخر شيء 180 ألف..

وش رأيكم؟
وإذا فيه أحد يتأكد لي مت مواصفات الباترول وقيره هل يجي تماتيك وﻻﻻ؟

وأنا الصراحة راعي بر، أيهم أفضل من ناحية القوة بالبر والممشى والاستهلاك من ناحية قطع الغيار وصرفية البنزين؟

ﻻهنتوا
ابوميس الحلوه
13/12/2013, 03:26 AM
خذ باترول الجديد ولا تتردد عن تجربه

Sent from my SM-N9005 using Tapatalk
وااضح
13/12/2013, 03:31 AM
كلها ممتازة لاكن اخذ لاندكروزر
المميـز
13/12/2013, 03:48 AM
:

الـ 6 سلندر تويوتا لاتقربه ...
عليك بالـ 8 سلندر تويوتا او نيسان

:
أبو الوليد 14
13/12/2013, 04:52 AM
الباترول حلو
ان كانك تقدر تاخذ 400 حصان اقل فئة فلا تتردد اللي يجي جنط 18 ومراتب مخمل

الاند إذا جايز لك انحش عن ال6 سلندر ما يمشي
خذ 8 سلندر سواء كان جي اكس او جكسار
الله يوفقك
باوزير
13/12/2013, 07:19 AM
النيسان القير العادي في مستوى ال٤٠٠ حصان الاتوماتيك في القومة
مكيفين و ثلاجة و سيارة واسعة و الصف الثالث ينطوي بمستوى الارض
و السعر حول ١٦٥ الف و الباقي ركب بطارية و خزان و ليتات و الي تبيه
راعي الرود
13/12/2013, 10:07 AM
نعم الـXE مايجي الا قير عادي

اذا ماتبي القير العادي مالك الا اللاند بس ترا السته سلندر يالله يشيل نفسه خصوصاً باللاند بما انه موتري و سته سلندر ما انصحك فيه

اذا ماعندك مشكله مع القير العادي خذ الباترول لكن بيجي يوم تعافه اذا انت بالرياض التماتيك عز و راحه
ortiga
13/12/2013, 10:41 AM
استخدمت تويوتا ﻻندكروزر 6 سلندر و أنصح فيه لأن ال8 مبالغ بسعره
التعـ King ـديل
13/12/2013, 12:55 PM
عن تجربه النيسان لو انه قير عادي افضل من التويوتا

على فكره موتري هدد 13
abu.abdallah
14/12/2013, 02:42 PM
جزاكم الله خير ما قصرتوا

لكن أنا رجال مايهمن العزم قد مايهمن "الصبر والتحمل"

لأن سواقتي لك عليها -أجلد الموتر-

فأيهم أقوى وأجود وﻻ يتفكك خصوصا العضلات -المقصات والأذرعة-؟
ذيب زلفاوي
14/12/2013, 02:48 PM
http://haraj.com.sa/113264428/%D9%86%D9%8A%D8%B3%D8%A7%D9%86_%D8%A8%D8%A7%D8%AA% D8%B1%D9%88%D9%84_SE_%D9%85%D9%88%D8%A7%D8%B5%D9%8 1%D8%A7%D8%AA_%D8%AE%D9%84%D9%8A%D8%AC%D9%8A%D9%87 _%D8%AE%D8%A7%D8%B5%D9%87_%D8%A7%D8%B5%D9%81%D8%A7 %D8%B1_%D8%A7%D8%A8%D9%8A%D8%B6_%D9%88%D8%A7%D8%B3 %D9%88%D8%AF/



قير تماتيك وصدام الستي وسعر اقل من المعقول
ماجد الحايلي
14/12/2013, 03:22 PM
والله انا انصحك بالنيسان بس علشان الماكينة 8 سلندر
الستة سلندر ماتجمل ابد على الربع والشاص ياالله تقوم
بالواجب وتبي تاخذ GX هدد ستة سلندر اشوفها ماهي
مناسبة ابد
والامر اولا واخرا راجع لك ولظروف سواقتك
والله يبارك بك وبمالك وبحلالك ويدلك على الاصلح
والانفع لك
كم كيلو باقي
15/12/2013, 02:24 AM
مافكرت بالفتك (ألشكل القديم ) موديل 2014 ؟
نايس × كول
15/12/2013, 01:17 PM
عندك فتك 2014 4800 فتك قير تماتيك او عادي

او الباترول بطل الدروب فخر كل الجيوب

غير النيسان لا تشتري
راعي الرود
15/12/2013, 02:13 PM
جزاكم الله خير ما قصرتوا

لكن أنا رجال مايهمن العزم قد مايهمن "الصبر والتحمل"

لأن سواقتي لك عليها -أجلد الموتر-

فأيهم أقوى وأجود وﻻ يتفكك خصوصا العضلات -المقصات والأذرعة-؟


اذا رجلك حارة خذ النيسان بيطربك بخفه النفس و العزم لأن موتري لاند 6 سلندر تماتيك و يالله يشيل روحه بكل أمانه لكن مايهمني لأني مانيب راعي سرعه و امشي على رواقة

و التفكك و الهربدة مدري عنها ماجربته لكن أتوقع ماراح تعاني منها ان شاء الله لأن الموتر تغير عن اول من ناحية جودة وتقنيه

و من ناحيه العضلات اذا انت تطامر بشكل عنيف اللاند اتوقع افضل لك لأنه دفرنس خلفي و لا بيتاثر نفس الباترول لانه فليور .. مع ان الباترول بيكون اريح مركب بكثير بسبب الفليورات لكن على خبرتي البسيطه في الباث 2006 دايم يفحج و لازم كل فترة تروح تسوي وزن

هل مازالت المشكله هذي في الباترول او انحلت الله أعلم المجربين يفيدونك عنها
sgl2002
15/12/2013, 05:56 PM
النيسان الجديد حتى الآن ماشفنا اي مشاكل منه

وخصوصا بالمكينه الراسين اللي عليه صراحه ابدعت فيه نيسان

والتفكك هذي سالفه ماسكة مع الناس من عام 97


والمشكلة كل مارحت بر ماحصل الا بترولات مديلات 90 و 91 وباقي تكد للحين ونظيرها شبه انقرض
ابوسند9
15/12/2013, 08:16 PM
وعليكم السلام
جرب الاثنين قبل ما تشتري
لكن على العموم مافيه مقارنه بتتا البته بين السيارتين فرق كبييييييييير كبيييير
ABO AZZAM 123
15/12/2013, 08:28 PM
يالغالي جرب الموترين منت بخسران

بس اذا تبي الشور خذ نفس موتري هدد جي اكس 8 سلندر وارد البريمي شكله نفس هدد اليحيى يعني الشكل الخارجي ( استاندر ) ومواصفاته من داخل جدا رائعة الحمدلله ( قير توبترونك تماتيك + عادي + فتحة + دفلوك + انوار زينون + نظام مانع انزلاق + جنوط حديد ) بدون تخشيبة وبدون ونش وشاشة فقط
الونش بأركبه بإذن الله عند السليماني بالرياض والشاشة من أي مكان اقدر اركبها

استخر ربك والله يرزقك بالموتر المناسب لك .


أسعدك الله :)
سقم المعادي 1
15/12/2013, 10:07 PM
نيسان ولا تشاور ارخص و افضل مواصفات من الهدد و انشط و حتى الشكل تحس انك دافع على موتر يستاهل

طبعاً على اساس انك بتاخذ لاند 8 سلندر

اذا بتاخذ سته سلندر مافيها كلام خذ الباترول لو بدون قير ماينبغى بريال السته و شكلهم بيوقفونها على اللاند حتى بالسوق ماحد يبيه
أبوهادي
16/12/2013, 12:28 PM
وصلت 180 ألف وش بقي على 200
طق لك لاندكروزر 8 سلندر وعيش حايتك ياعم
][][زلفاوي][][
16/12/2013, 12:55 PM
التويوتا زين له اسمه ومكانته بالسوق وبين الناس لكن اذا بتاخذه مالك الا الـ8 سلندر غيره مافيه..
اما النيسان فلا غبار عليه موتر كد ومد ولا اعتقد ان فيه احد يشتكي من الفئة الجديدة منه..
واستخر الله قبل كل شيء.. وما يمنع انك تستاجر هذا يومين وهذاك يومين والتجربة خير برهان..
abu.abdallah
16/12/2013, 03:51 PM
بيض الله وجيهكم.. عز الله انكم ماقصرتوا..

الخلاصة:
- أجمع الإخوة على "الهروب" من الستة سلندر.. وأن الباترول أفضل.
- أجمع الإخوة على تكافؤ الباترول والاند الثمانية سلندر والبعض يفضل الباترول أيضا.

مقارنة السعر:

الاند سعره 230
الباترول 178

أعتقد ﻻ مجال للمقارنة ^___^

دعواتكم ..
ابوكشتات
16/12/2013, 04:50 PM
انا اييد الباترول واستخر الله قبل كل شي والله يوفقك لمتحبه وترضاه
اتجاه السحاب
16/12/2013, 06:01 PM
الباترول أفضل بمراحل
يكفيك الدبل 4 وضعيات والدفلك والقزاز مدبول والراحة
عكس التايوتا العزل فية سيء
الباترول الجديد الآن سعرة 165 تماتيك 8سلندر كميرا خلفية شاشة معلومات صغيرة
2013 أو تبي فتحة 175 تقريبا
واذا تبي 2014 فهو أفضل تقريبا سعرة 185 يختلف عن 13 الاصطبات الخلفية والوجهية والجنوط على ماأظن
ومبروك مقدما..
ابونبيل
17/12/2013, 12:20 AM
اللندكروزر 6 سلندر تماتيك ما ينفع خذ قير عايدي او دور لك لند 8 سلندر مستعمل ترا ال 8 عز وممشاه ممتاز جدا بالخط والبر
اما النيسان ما اعرف احد جرب الشكل الجديد لكن الي ماهو مجرب تخاف منه مع انه هو الجيب الوحيد حاليا الي يجي 8 قير عادي
أطلال نجد
17/12/2013, 04:25 AM
توكل على الله و اطلب تجربة الباترول قبل تشتريه و أن ما جاز لك أرجع على اللاند بس ٨ سلندر
الحيسوني-
17/12/2013, 07:51 AM
الـ gxr 2013 رقم ٣ ثمانية سليندر سعودي اخذه واحد من العيال قبل اسبوعين من معرض بالقصيم بـ 198 بطاقة وانا محصلة بمعرض الشورى بالرياض بـ ٢٠١ جاهز