المساعد الشخصي الرقمي

مشاهدة النسخة كاملة : نرجوا الافاده عن قوارب الدرازي


تميم نجد 506
27/10/2006, 11:45 PM
نرجوا الافاده عن قوارب الدرازي :

1. مكان المصنع + رقم الهاتف.
2. معلومات عامة عن قوارب الدرازي.
3. افضل حجم + الماكينه المناسبه له.
4. أسعار جميع الأحجام.


وشاكرين لكم تعاونكم
kmsa_2002
29/10/2006, 11:56 AM
السلام عليكم ورحمة الله

اخي الكريم انا عندي طراد من الدرازي 23 قدم وماكينه ياماها 115 وبصراحه ممتاز وصلت فيه مناطق حداق تبعد اكثر من 50 كليو عن الساحل وما يسوي راش وثابت في الموج الخفيف والمتوسط وتصنيعه جيد وصلب وخفيف في التحميل والتنزيل.
لكن مشكلته ان الترييج " الاجناب" نازل شوي
وسار له عندي اكثر من تسع شهور
بالنسبة للسعر فانا شريته ب 42000 ريال طبعاً صب جديد وخزان البترول ياخذ 200 لتر
واعتقد سعره مناسب جداً
وان شاء الله اجيب لك رقم تيلفونه
حداق
29/10/2006, 11:22 PM
تحية طيبة وبعد : من واقع تجربه شراء وبيع قارب يجب ان تحدد مكان البحر اللي تريد الابحار فيه فمثلا الابحار في البحر الاحمر يختلف عن الخليج من حيث حجم موج البحر وبالتالي يختلف حجم القارب وحتى في الخليج يختلف فالجبيل والدمام بحرها اعلى موج من الخبر والعزيزيه ثم هل انت ممن يبتعد كثيرا عن الساحل او محدق السمك بعيد او قريب من الساحل :المهم انا اشتريت 25 قدم لبحر الخبر وكلفني حوالي 68000 ثم اتضح لي انه كبير جداا ومكلف المصاريف الصيانه والبنزين والزيت بينما يكفي 18 قدم مكينه 75 ،اما الدمام والجبيل اعتقد 23قدم وما فوقه يكون آمن بأذن الله والبحر الاحمر اذا كان محدقك بعيد فالمفروض لايقل عن 27 قدم وللمعلوميه الشراء مكلف والبيع بخساره اكيد اسأل مجرب عسى ان تستفيد من هلصراحه وبالله التوفيق
تميم نجد 506
30/10/2006, 06:59 AM
يعطيك العافيه اخوي kmsa_2002 على المعلومات الطيبه ماقصرت والله
بس اخوي اذا عرفت اي معلومه عن المصنع لا تنسانا
و قواك الله
تميم نجد 506
30/10/2006, 07:09 AM
اشكرك اخوي (حداق) ألف شكر على هذي الافاده ماقصرت

مع العلم انا راح استخدم الطراد في الخليج في مناطق مختلفه تبعد عن الساحل من 2 الى 10 ميل بحري

وقواك الله على هالمعلومات
كبير النواخذه
30/10/2006, 07:30 AM
اخوي كل اللي اقدر اقوله لك ان قوارب الدرازي من افضل القوارب الموجوده ولها مصنعين في البحرين
تميم نجد 506
03/11/2006, 09:29 AM
مشكووور يا كبير النواخذه

بس يا خوك اذا عندك رقم المصنع او عنوانه ماعليك امر تفيدنا فية
سنكرس
03/11/2006, 04:16 PM
السلام عليكم ورحمة الله وبركاته


الأخ جالكسي يسرني الرد على موضوعك ورقم مصنع الدرازي للقوارب في البحرين هو 17732771 وفتح الخط اذا كنت من الخارج 00973
واسعارهم معقولة وليست بالرخيصة مثل الي يحبه قلبك يعني مثلا الدرازي 27 قدم يطلع عليك 1800 دينار الي هي 18000 الف ريال.

أما ال 24 قدم يطلع عليك ب1100 دينار الي هي 11000 ريال جديد من غير خزانات مجرد كرسي وكابينى قيادة

لكن نصيحة ان نويت الدرازي اشرط عليهم التجربة وانه ما يجيب عليك راش اثناء المشي لأني سمعت ناس تقول أنه صبتهم تختلف يعني صب تطلع مضبوطة وصبة ثانية نفس النوع وتطلع مب ذاك الزود يعني ناس تمدح وناس تذم ولكن بشكل عام طراريدهم ممتازة وياخذله 3 اسابيع لتجهيز طلبك او اقل.
تميم نجد 506
06/11/2006, 01:02 AM
وعليكم السلام ورحمة الله وبركاته


يعطيك ألف ألف عافيه أخوي سنكرس على هالمعلومات الطيبة.
ابو احمد 2108
10/09/2011, 04:51 PM
ممكن احد يفيدنا عن قارب الدرازي كيف إستخدامه ويكون هو مالك بوت الدرازي بالسعودية وشكراً لكم
شاهين2007
10/09/2011, 05:50 PM
السلام عليكم
نسمع الشباب يمدحون ال 25
لكن الحق ينقال
الضاعن افضل مواد وتصنيع وفنشنق
مثلا الضاعن 26 افضل من الدرازي 27