تسجيل الدخول

مشاهدة النسخة كاملة : صحبة الكواكب


ملك القصائد
14/12/2013, 02:03 AM
في خاطري شي من مدّه وابا اقوله = ماهمّني ردّت الفعل وعواقبها

الروح في راحت الحرمان محموله = ماهو من اليوم من مبطي متاعبها

مالي ومال الذهب لاصرت ما انوله = ياما من الناس ما نالت مطالبها

عندي سوى اكسب رهن والا اخسر الجوله = اعنّف النفس بالقوه واعاتبها

لاعسعس الليل واضفى ضافي سدوله = عيني صحبها السهر والنوم حاربها

كل المحطات بالارسال مشغوله = وانا المجرّه تسامرني كواكبها

غريب وانظر وجيه الناس مجهوله = واصد والناس مختلفه مشاربها

ديارهم موحشه بالجن ماهوله = ورقط الافاعي تكاثر في مضاربها

انا وضيف القصيد لحالنا دوله = انا ملك عرشها والضيف حاجبها

اصارع الوقت واصبر واطرد فلوله = وغيوم الافراج في رجوى سحايبها

الوقت يرقص على الهامات بندوله = والناس يعرف خفاها من تجاربها

رجال بأفعالها بالخير مجبوله = وصلت مجال الفخر من فوق واجبها

ورجال بحظوظها بنعوش منقوله = ياليت رد الجزا تنتف شواربها

قولو لوجه الفلس بشته مهو طوله = وعظامه اللي نقلها مات صاحبها

بعض الاشده من الصفصاف معموله = تضحك عليه البشر لاطاح ر اكبها

بعض المقابر من الحيين منزوله = وقبرهم مابعد رزّت نصايبها
ملك القصائد
14/12/2013, 02:04 AM
افزعوا لنا كبّروا الكتابه ونسقوا القصيده ولا هو امر عليكم ولا تهونون
هاوي عبث
15/12/2013, 10:05 AM
في خاطري شي من مدّه وابا اقوله
=ماهمّني ردّت الفعل وعواقبها
الروح في راحت الحرمان محموله
=ماهو من اليوم من مبطي متاعبها
مالي ومال الذهب لاصرت ما انوله
= ياما من الناس ما نالت مطالبها
عندي سوى اكسب رهن والا اخسر الجوله
= اعنّف النفس بالقوه واعاتبها
لاعسعس الليل واضفى ضافي سدوله
=عيني صحبها السهر والنوم حاربها
كل المحطات بالارسال مشغوله
=وانا المجرّه تسامرني كواكبها
غريب وانظر وجيه الناس مجهوله
=واصد والناس مختلفه مشاربها
ديارهم موحشه بالجن ماهوله
= ورقط الافاعي تكاثر في مضاربها
انا وضيف القصيد لحالنا دوله
=انا ملك عرشها والضيف حاجبها
اصارع الوقت واصبر واطرد فلوله
= وغيوم الافراج في رجوى سحايبها
الوقت يرقص على الهامات بندوله
= والناس يعرف خفاها من تجاربها
رجال بأفعالها بالخير مجبوله
=وصلت مجال الفخر من فوق واجبها
ورجال بحظوظها بنعوش منقوله
=ياليت رد الجزا تنتف شواربها
قولو لوجه الفلس بشته مهو طوله
= وعظامه اللي نقلها مات صاحبها
بعض الاشده من الصفصاف معموله
= تضحك عليه البشر لاطاح ر اكبها
بعض المقابر من الحيين منزوله
= وقبرهم مابعد رزّت نصايبها
هاوي عبث
15/12/2013, 10:08 AM
صح لسانك وسلمت كل بيت بقصيدة جعلك سالم
ملك القصائد
15/12/2013, 03:17 PM
صح لسانك وسلمت كل بيت بقصيدة جعلك سالم





اخي الكريم مشكور وبيض الله وجهك 0 اخر شطر (قبورهم ماهو قبرهم )ياليت تعدله

والمعذره اشغلتك .. لك تقديري وجزيل شكري