المساعد الشخصي الرقمي

مشاهدة النسخة كاملة : تكفون أهل الخبرة في الهدرز


Alwagdani
14/12/2013, 02:52 AM
السلام عليكم ورحمة الله وبركاته يالربع شريت بترول ربع سلق ومركب عليه هدرز وإذا مشيت في خط طويل ينقص الزيت حول من نصف علبه الي علبه وسمعت ان الهدر له دور في ذلك والسرعة من 120 الي140 تكفون الي مر عليه اوعندة خبرة يفيد الجميع الله يعطيكم العافيه
بدددر
14/12/2013, 11:40 AM
وعليكم السلام أنا الي اعرفه ان الهدرز اذا فكيته ينقص الموتر اما اذاكان مركب متوقع ويفدونك الاخوان
أبو الوليد 14
14/12/2013, 12:40 PM
الهدرز إذا تداعس على الموتر اكيد بينقص
زيادة العزم والنشاط له ضريبة ..
خل رجلك باردة على الموتر فترة وإذا بغيت تسرع مثلا من 100 إلى 130 ادعس على خفيف حيث الموتر ما يكون شاد
وخبرنا وش يصير معك
هدرز الوكالة موجود عندك ؟
التعـ King ـديل
14/12/2013, 12:56 PM
النقص اقل من نص علبه طبيعي في السرعات العاليه والخطوط الطويله ويزيد مع الهدرز

انت اذا مشيت خط طويل وبسرعه عاليه لا تشيك على الزيت الا بعد مايوقف الموتر ويبرد وشف وقتها كم النقص اذا ربع او نص علبه طبيعي اما اذا اكثر هنا مشكله لانه بتزيد مع الوقت
حاميش
14/12/2013, 08:26 PM
الهدرز ما ينقص الزيت

الزيت ينقص لثلاث أسباب :
1- شمبر ضعيف .
2- جلد بلوف ونقصها ضعيف مره ودخانها الصباح بدري أو بعد وقفه طويله ويروح .
3- المبخر حق الزيت نقص بدون دخان .

وأتمنى تخبرنا وش يصير معك علشان نستفيد وتيستفيد الجميع
فرفور بريده
14/12/2013, 08:33 PM
ماله دخل الهدرز ياخوي .. حتى المواتر بلد فيها هدرز ولا تنقص

الهدرز التعديل فرقه عن البلد اطول ولايحشر الحراره بالمكينه فقط .. ويزيد احصنه

الهدرز قطعه خارج المكينه + الهدرز موصل مع الشكمان

نقص الزيت ماله اي دخل بالهدرز

وحاميش كلامه سليم
العنابي 616
14/12/2013, 09:30 PM
صار لي مركب هدرز سنتين و لا لاحظت أي نقص
ابونبيل
15/12/2013, 06:24 AM
الخدرز ينقص الزيت حتى بالمواتر الجديده طبيعي خاصه اذا تجلد الموتر وفيه سيارات معينه معروفه بالنقص بالهدرز او بدونه
راعي الرود
15/12/2013, 02:09 PM
انا كان معي التيما 6 سلندر و عليها هوائيات هدرز فلتر كت باك و كان فيه نقص زيت و الموتر وقتها كان جديد

فكيت كل القطع و رجعت الموتر بلد و الحمد لله ولا شفت اي نقص لين بعتها

هذا شيء صار معي والله أعلم ممكن حالتك تختلف عني
bo azez
15/12/2013, 09:31 PM
حبايبي كلن يعد ما واجه
معي باترول 90 عليه هدرز ينقص مع الخط الطويل 1000 كم علبة
وشرينا شاص جديد وبعد مامشى عشرة الاف كيلو ركبنا هدرز ورحت عليه 1000 كم نقص علبه
طبعآ كل ما سبق على سرعة فوق 160

انا مقتنع ان الهدرز مفيد لكن ينقص الزيت مع الخط الطويل واعتبر ذا طبيعي جدآ
فلا تخاف النقص مع الهدرز والسرعة طبيعي جدآ
Alwagdani
16/12/2013, 04:12 AM
الله يعطيكم الف عافيه وشاكر للجميع التفاعل مع الموضوع انا شريت الموتر مستخدم ومعه الهدرز راكب فيه لونه احمر نفس لون الاقزوز الي ملاحظه الموتر عزمه مشاء الله شي عجيب ولا يوجد به تدخين نهائي بس المشكله في نفص الزيت والمشكله الثانيه ان العداد حق الزيت واقف ماادري كم مشيت عليه لاكن تقريبا من 2550الي3000 كحد اقصي
Alwagdani
16/12/2013, 04:17 AM
والي يعرف حل للعداد حق الزيت وش الحل ووين اقدر اصلحة يدلني الله يجزاه خير او وين اقدر احصل عداد جديد غير الوكاله مريت ورش الكهربائية كلهم مابيشتغلون يقولون غير طبلون كامل طبعا هاذا الكلام في الطائف
bo azez
16/12/2013, 03:01 PM
أنا من رأيي تستعمل زيت موبيل ون العلبة بـ 38 ريال طويل الأجل تمشي عليه لحد عشرين الف كيلو كحد أدنى فقط تابعه اذا نقص زد الزيت للمستوى الصحيح وانتبه للزوجة حتى توقع انك مشيت عشرين الف واعتقد هذي تقدر لها للانسان العادي بالستة شهور يقطع عشرين الف كيلو بعض الناس يزيد وبعضهم ينقص
وفالك التوفيق
4x4ofroad
16/12/2013, 11:02 PM
معي فتك وبعد ماركبت الهدرز صار ينقص بالخط الطويل