المساعد الشخصي الرقمي

مشاهدة النسخة كاملة : حراره الفتك على السرعه العاليه


4x4ofroad
15/12/2013, 12:32 PM
السلام عليكم
اسعد الله اوقاتكم
عندي يالربع مشكله بالحراره وياليت تفيدوني وراح اعطيكم التفاصيل
قبل اسبوعين تقريبا هربت عندي طبه الماء وانا بالبر وحطيت عليها معجون هندي وسكرها والامور طيبه واستخدمت الموتر اسبوع وبعدها دخلته ورشه وغيرت الطبات وغيرت الماء وحطيت ماء متسوبيشي وماء مقطر ووقفت الموتر بالبيت كم يوم
طلعت عليه قبل يومين وانا اتجاكر مع احد الشباب وتطيح عيني على الحراره الا وهي على النص خففت السرعه وراحت اتش ووقفت وخليناه يبرد
مالكم بالطويله رجعت للورشه قال سيخ الرديتر سيخه وغير بلف جديد وغسل السلندر وفعلا الرديتر طلع مسكر
خذيت الموتر وجربته حرارته ممتازه الى ال170 تبدا ترتفع اوصل الى 190 وهي قبل النص وتثبت ماعاد تزيد بس مو طبيعيه ومعناه بالنفود بيبهذلني
اختلفو العلماء وناس قالو طرمبه ماء وناس قالو لا هذا كلتش مروحه وناس قالو الحراره اللي جاته من قبل تعبت الراس وهو السبب
وانا مادريت من وين ابدا ولا ودي اخسر على الفاضي
افيدونا يالخبراء واصحاب التجارب
sgl2002
15/12/2013, 05:18 PM
اتوقع والعلم عند الله مشكلة موترك بتماتيك المروحه


في حاجة يغفلون عنها الناس اللي هو في الباترول اذا خرب تماتيك المروحه يصبح به فضاوة ولايشتغل مع السرعات العالية اذا احتر الموتر

لكن وهو واقف وش زينه
abo yusef
15/12/2013, 05:20 PM
السلام عليكم
اسعد الله اوقاتكم
عندي يالربع مشكله بالحراره وياليت تفيدوني وراح اعطيكم التفاصيل
قبل اسبوعين تقريبا هربت عندي طبه الماء وانا بالبر وحطيت عليها معجون هندي وسكرها والامور طيبه واستخدمت الموتر اسبوع وبعدها دخلته ورشه وغيرت الطبات وغيرت الماء وحطيت ماء متسوبيشي وماء مقطر ووقفت الموتر بالبيت كم يوم
طلعت عليه قبل يومين وانا اتجاكر مع احد الشباب وتطيح عيني على الحراره الا وهي على النص خففت السرعه وراحت اتش ووقفت وخليناه يبرد
مالكم بالطويله رجعت للورشه قال سيخ الرديتر سيخه وغير بلف جديد وغسل السلندر وفعلا الرديتر طلع مسكر
خذيت الموتر وجربته حرارته ممتازه الى ال170 تبدا ترتفع اوصل الى 190 وهي قبل النص وتثبت ماعاد تزيد بس مو طبيعيه ومعناه بالنفود بيبهذلني
اختلفو العلماء وناس قالو طرمبه ماء وناس قالو لا هذا كلتش مروحه وناس قالو الحراره اللي جاته من قبل تعبت الراس وهو السبب






وانا مادريت من وين ابدا ولا ودي اخسر على الفاضي
افيدونا يالخبراء واصحاب التجارب




شغله وشغل المكيف وهو واقف وشف الحراره الاجواء برد بس مح الحمل راح يبن لك هل فيه حراره موطبيعيه
امسك الليات هل فيها هوا
بيبن لك الطرمبه من التشغيل فيه بلف انتظر لين يحمى وافتح غطا الرديتر انتبه على وجهك
شف المويه تدور ولا لا
الله يدلك
ابوسند9
15/12/2013, 09:18 PM
وعليكم السلام
اخوي
معليش الحين يوم غيرت طبلات المفترض سويت تسييخ وفكيت طرمبة المويه بخمس دقايق وشيكت عليها .لانك بكذا راح تفك الاديتر مره ثالثه وخسائر بخسائر
على العموم نرجع للمشكله

البلف اللي ركبت اصلي وكاله ونفس الرقم؟
يوم تدخل النفود وتطعس الحراره ترتفع بسرعه ؟
وهل مع الحراره العاليه تسمع صوت المروحه اي شابكه؟
اخيرا لو تشوف حد معك نفس سيارتك وتاخذ تماتيك المروحه وتجرب
4x4ofroad
16/12/2013, 12:32 AM
الله يجزاكم خير ياشباب
اللي غيرته يابو سند الطبات اللي بالسلندر او يسمونها الرقع او الهلل او الفلس اللي تجي نحاس
والبلف نفس رقم البلف القديم
وطرمبه الماء شغاله والماء يدور

اخوي ابو يوسف شكرا لمرورك
جربت شغلت مكيف وثلجت والحراره على خط الربع ممتازه الحراره فقط بعد 160 او 170

الغالي sgl2002
كيف اتاكد من كلتش المروحه
جربت لفيته والموتر طافي لفته مثل الطبيعي لاهو خفيف ولاهو ثقيل
وغير كذا يالربع فكيت غطى القربه اللى جنب المكينه وعبيته فل وقعد اناظر
لقيت فقاعات هوا تطلع باستمرار وخليته اكثر من 10 دقايق ومازالت الفقاعات مستمره
بديت اشك بالراس والله يعين
ابو فهد...
16/12/2013, 12:41 AM
فيه ليات عند اللهات والثلاجة نظفهن بالفتك دايم ينسدن ولا احد ينتبه لهن فيه واحد هنا نزل موضوع قبل فتره ونظفهنن وظبط
sgl2002
16/12/2013, 12:40 PM
اذا ارتفعت الحرارة وقف وافتح الكبوت وادعس بنزين

اذا حسيت بهواء قوي يهب عليك معناه التماتيك شغال

ادعس بقوه لين يوصل الضغط ٤

اذا استمر الهواء القوي ومافصل معناه شغال تمام

اما انه يكون الموتر حار واول ماتدعس بقوة ينقطع الهواء معناه خربان



وانت هز المروحه بيدك يمين ويسار اذا شفت فيه فضاوة فهو خربان
لفَاح
16/12/2013, 10:11 PM
السلام عليكم ورحمة الله وبركاتة اخوي هذي المشكلة صارت معي صيخت الرديتر وضبطت الحرارة ومع السرعة ترتفع وغيرت الرديتر وراحت الحرارة لاتدور ولاتغير
اخوك ابو صقر
سفاح رومنسي
17/12/2013, 11:14 AM
اخوي انا شاك في غطاء الرديتر غيره وشف وش يصير
طلال2009
17/12/2013, 11:24 AM
اخوي المشكلة بالاديتر مهوب اصلي فقط اختصار الكلام
4x4ofroad
18/12/2013, 12:47 PM
الله يحزاكم خير ياشباب
الغطاء مزبوط وبدلته مع موتر واحد من الشباب ونفس الشي
الرديتر اصلي
كلتش المروحه ممتاز
الحمد لله على كل حال المشكله طلعت من الراس وتم فكه ومسحه وصنفره البلوف واليوم الصبح استلمته ومن ابدع مايكون
وجزاكم الله خير
يالبى الهلا
18/12/2013, 01:10 PM
دائما النيسان اذا جاته حراره يرووح الراس اما لتويوتا ترووح الماكينه
4x4ofroad
18/12/2013, 02:18 PM
والله ياغالي على حسب الحراره
انا موتري قد جاته حراره اكثر من مره والحمد لله تعدي على خير
بس مو كل مره تسلم الجره
Binsaadno
18/12/2013, 05:35 PM
السلام عليكم شيك على الماي اذا ينقص فيه تهريب يا من البزات او من البيبات تاكد من بيبات الماي اللي على جهة اليمين فوق السلف
1 هذا في حال اذا كانت السيارة تحر و هي واقفة او لما تشد عليها
2 طبعا هذا كله بعد ما تشيك اكيد على الريديتر و المروحة
ميكا مكشات
19/12/2013, 09:06 AM
اقول اركد وامش 120 وتزين الحرارة
190 منتحر انت الله يهديك
4x4ofroad
19/12/2013, 11:57 AM
حياك ياميكا مكشات
المسئله مو مسئله منتحر وما منتحر
انا اسرع على الموتر عشان اختبره واعرف علته وغير كذا لو طعت شورك ومشيت 120 وماشكيت من حراره راح ادخل نفود واضغط الموتر وبتطلع الحراره
شكرا على مشاركتك والله يهدي الجميع