أين يوجد محل صيانة جوال الثريا [الأرشيف]

مشاهدة النسخة كاملة : أين يوجد محل صيانة جوال الثريا

كاتم الشكوى

16/12/2013, 08:51 AM

أنا من منطقة حائل
وعندي جوال ثريا خربان فيه الأي سي
هل فيه محل بحائل صيانة لجوال الثريا أو بالقصيم
أو بأي مكان
وفقكم الله وجزاكم الله خيرا
بإنتظاركم

كاتم الشكوى

16/12/2013, 03:48 PM

المشاهدات تعدت الاربعين
ولا زلت بانتظار الاخوان اللي عندهم خبر
اكيد اللي شاهدوا الموضوع محتاجين

مشوت الذيب

18/12/2013, 01:08 AM

في الرياض اكيد موجود
لان وكيل الثريا الفرحان موقعه بالرياض
ولو اعرفه كان وصفتلك
واعتقد انه فيه محل ببريده اسمه طائر الجوال اتوقع يسوي صيانه

عاد انت اختصر المسافه وابحث عن رقم الفرحان او طائر الجوال بقوقل واتصل عليهم وتأكد بنفسك

واتمنى اني اقدر اخدمك وتقبل اعتذاري

كاتم الشكوى

18/12/2013, 08:54 AM

aham707

01/02/2014, 01:52 PM

تبي من الاخر محد يب يصلح الجهاز انا شايفها بمحلات الجوالات خربان يرمونها مايعرفولها ابد الله يعاوضك

مشوت الذيب

10/02/2014, 01:57 AM

تبي من الاخر محد يب يصلح الجهاز انا شايفها بمحلات الجوالات خربان يرمونها مايعرفولها ابد الله يعاوضك

اختلف معك اخوي
مافي شي ماله صيانه
حتى الأوادم لهم صيانه
لكن قد يكون بعض الموديلات ما تتوفر لها قطع غيار
ولذالك اي جهاز تشتريه اسأل عن توفر قطع غياره في البدايه

تحياتي

صاحب حي

24/11/2014, 10:31 PM

كلش الا ها العلم ماله صيانة مرة وحدة

صاحب حي

25/11/2014, 04:53 AM

جهازي احط فيه الشريحة مايطلع علامة الثريا وش الحل ياالربع افيدونا ماجورين عن محل صيانة

صاحب حي

26/11/2014, 09:18 AM

جهازي احط فيه الشريحة مايطلع علامة الثريا وش الحل ياالربع افيدونا ماجورين عن محل صيانة

دعلو

26/11/2014, 09:33 AM

ممكن لم تفعل الاتصال الدولي تأكد من مشغل الشريحه

صاحب حي

26/11/2014, 12:24 PM

مفعل كل الانظمة والوضع سليم لكن مايستقبل الاشارة

hail_ksa

04/12/2014, 11:47 PM

مفعل كل الانظمة والوضع سليم لكن مايستقبل الاشارة

احتمال التغت الشريحه

في حال لم تمدد الخدمة قبل نهاية فترة الصلاحية يتم فصل الخط

وفترة صلاحية الخط (سنة)

4200

05/12/2014, 12:31 AM

[
SIZE="6"]اهلا وسهلا بالجميع
اتكلم عن مدينه الرياض في آخر 4 محلات من جهة الشرق بسوق الجوالات بالمرسلات يعملون صيانه لبعض أجهزة الثرياء لأنه مو كل الموديلات من الأجهزه متوفره قطع غيارها عندهم أتكلم عن الأجهزه القديمه مثل الاوربي والسويسري هذي يعملون لها صيانه اما الأجهزه الجديده مثل اكس تي و 2520 هذي عند الوكيل الفرحان
وصف شركه الفرحان
طريق الملك عبدالعزيز بأتجاه الشمال مع طريق الخدمه تتعدى قاعدة الرياض الجويه وتتعدى مبنى الجمارك وتتعدى شركة عذيب للاتصالات تجي على يدك اليمين [/SIZE]

abusaqer

05/12/2014, 03:26 PM

اما من ناحية بيع الجهاز بالقصيم تجدونة لدى محل ( أريج ) عند شخص يقال لة أبو عبدالله جوالة 0502179161
آمل ان اكون قد وصلت المعلومة للجميع والله يبارك في جهود الجميع

binmegin

07/12/2014, 08:19 AM

يوجد محل بالرياض في اتصالات الشمال اسمه (شمالات) عنده صيانه لكل الاجهزه حتى الثريا خذ رقمهم من النت ودق عليهم لانه اكبر محل لاجهزة المقناص وتجهيز سيارات المقانيص وبالتوفيق

صاحب حي

08/12/2014, 09:59 PM

شكرا للجميع
وديت الجهاز عند محلات الصيانة الي ذكرتو وقال عندك الايسيات خربانة ويقول اصلحه لك ب 250ريال ضمان سنة لكن الايسيات مستعملة والله يكتب الخير للجميع

مجالس الرجال

09/12/2014, 10:09 AM

مرت علي نفس مشكلتك مع تحديد النظام الفضائي بدون إشارة وبالنهاية بدلت الشريحة وضبط

صاحب حي

26/01/2015, 10:25 PM

رجع لي الجهاز عطلان اكثر من اول واخر الحلول بحط الجوال مع التراث الي بالملحق
مشكورين وماقصرتو والله يعوضني خير
تحياتي

خدمات الرياض

30/01/2015, 10:42 PM

نقدم خدمات عامة من الرياض ومن ضمنها خدمة اهل الصيد والكشتات اجهزة ادوات الرحلات من السنيدي او غيره او صيانة اجهزة في الرياض او اي شي تحتاجة ولا تستطيع ان تسافر وتخلصة نحن نقوم بدلا منك وبدون عناء المصاريف الزائدة مقابل رسم خدمة .
حسابي تويتر والانستقرام والفيس بوك ( n0544999877 ) او بالتواصل واتساب او الاتصال على الرقم

الحربي حاتم

15/03/2015, 07:42 AM

عندك دار البوصلة أظن يسوي صيانة