المساعد الشخصي الرقمي

مشاهدة النسخة كاملة : تحسين اداء باترول 95


مدرس بالغصب
16/12/2013, 01:20 PM
ماهي نصائحكم للباترول 95 مااقدر اركب عليه مكينة لكزس او فتك او غيرها
وش القطع الي تحسن اداء الماكينة الحاليه علما انها 4200 كربريتر يعني ابو كلب
من ماسمعت مثلا ديلكو الكتروني طرمبه فتك و..... وش نصايحكم
bo azez
16/12/2013, 03:06 PM
اللكزس غير مرضية بالبر مع كونها اقتصادية وسلسة وتتحمل والخيار الصحيح LS1 لكنها ذات قيمة مرتفعة
لكن جرب على الـ 4200 كانت معي ركبت هدرز ودبة رياضية واسلاك رياضية وبواجي رياضية وبليتين ميتسوبيي وفلتر رياضي ومراوح وفرارات أعطت نتيجة جيدة وكنت راضي عنها بالبر والاسفلت
مدرس بالغصب
16/12/2013, 04:35 PM
وش تكلف هالاغراض يابو عزيز
abo naser 1
16/12/2013, 04:59 PM
4500 ريال. تزود وتنقص لأفضل القطع جديدة

بعدها بأذن الله بيطربك وان كنت راعي نفود حطه بثقيل ب ٣ و ٤ و ٥. مايلحقك لا فتك بلد ولا غيرة
ولا تنسى الكفرات والجنوط الخفيفة
راعي الرود
16/12/2013, 05:38 PM
اضيف على اخوي ابو ناصر

ديلكو الكتروني مع الكويل و كلبليتر ايدل بروك وان شاء الله يطلع لك بعزم مُرضي :good2:
مدرس بالغصب
16/12/2013, 07:23 PM
هل الديلكو الالكتروني انواع ووش المناسب لي ووش سعره
abo naser 1
16/12/2013, 09:10 PM
الديلكو حق باترول كربريتر 4200 من 98 وطالع
بس السراحة لو تركب كل الاغراض المذكورة اشوف لو تبيع مكينتك مع مبلغ ها الاغراض ركب 4500 بخاخ وانطرب على بدي ٩٧ ونازل وكوارينه وقيرة افضلك
مدرس بالغصب
16/12/2013, 11:28 PM
يقولون ال4500 ماتفرق عن ال4200 الا بالسرعة التشغيل
والباترول ياكثر علله بدون ترهيم وشلون لو بترهمه
راعي الرود
17/12/2013, 02:43 AM
انت راعي مراقا ولا تمشي و قطع عروق على رواقه ؟

اذا مالك بالمراقا ترا الـ4200 وافيه بس تاكد ان المكينه صافيه و جرب عليه هدرز و ديلكو الكتروني بيتغير عليك الموتر للافضل

هذا موضوع واحد غير مكينته لـ4500 سير عليه

http://www.mekshat.com/vb/showthread.php?t=604028
][][زلفاوي][][
17/12/2013, 08:55 AM
حياك الله اخوي..

فيه مقوله "الضرب بالميت حرام" مكاين 4200 و 4500 ما صممت للتعديل الجامد وان عدلتها فانك بتخسر عليها واجد وادائها بيكون بالاخير غير مرضي يعني بتشتغل كامات وبساتم وكرنك وكهرباء وملحقاتها وبتوصل اخيرا لمرحلة ما يسمى بالاستروكر ونفس الحالة، هذا غير سوالف تيربو ما تيربو اذا كنت ناويها وبتتحمل الخساير وراها لكن هنا كلام غير وبتجي لمسالة انها بتكون مكلفة جدا وغير مناسبة للرحلات البرية والروحات والجيات..

لذلك انصحك ان كان معاك دراهم زايدة شوي :D او وفر مادي انك تدخل بالشغل الثقيل.. وهنا عندك..
- مكينة اللكزس.. اشوف ادائها حلو بالخطوط والسفر لكن بالنفود والمراقى يعني كنها 4500 نيسان ويميزها قطع غيار رخيصة وبشغلات كمبيوتر وبرمجة تطرب شوي..
- مكينة لاندكروزر 4500 من موديلات 2002 إلى 2006 أدائها ممتاز جدا على النيسان..
- مكينة لاندكروز 8 سلندر من موديلات 2001 إلى 2007 أداء خيالي لكن مكلفة وسوالفها مالي علم فيها..
- مكينة الفتك 4800.. غالية كبداية لكن خذ رجال وتقدر تطبق المكينة لحالها وبعد كذا تشتغل تعديل خفايف يعني فلتر هواء وهيدرز وان كنت بتتخصص شوي تشتغل على الدفرنسات والقير والبرمجة..
- مكينة Ls1 جبارة واداء يطرب المخ ان بغيتها هبال يومي والا استخدام عادي والآن شغلاتها تعتبر بسيطة لانها صارت اسرع خيار واسهل خيار وقطعها متوفرة عند اللي يشتغلون عليها..

معي نيسان 4500 وبعد تعديل وخساير وصلت لمرحلة اني اتركها واقنع فيها وكفاية خساير.. :)

اتمنى ان اكون قد افدتك واترك المجال لمن هم اخبر مني وافهم بالشغلة..
مدرس بالغصب
17/12/2013, 05:00 PM
كلامك كله صحيح يازلفاوي ولكن ماهنا زود دراهم:( قلنا نبي نتعبث بهذي الين الله يرزق
مدرس بالغصب
18/12/2013, 04:47 PM
عطونا زود الله يزيدكم من فضله
مدرس بالغصب
18/12/2013, 10:45 PM
كخطوه اولى ماهو التغيير الذي سألاحظه عن تركيب الديلكو الالكتروني افيدونا
NissaN 1990
18/12/2013, 10:59 PM
كخطوه اولى ماهو التغيير الذي سألاحظه عن تركيب الديلكو الالكتروني افيدونا


معي باترول ربع 1998 ستاندر مكينة 4200 كربريتر ديلكو إلكتروني من وكالته عزم ممتاز وخفة نفس مقارنة بالديلكو العادي كان معي موديلات 90 و 91 و92 و 93 و 95 بصراحه مو مثل موتري هذا بالخط يطق ال ١٨٠ وهو مرتاح
مدرس بالغصب
19/12/2013, 11:26 AM
98 يجي 4200؟؟
احسب بس الشكل القديم