غلا الفشق????

[صياد المزارع]

السلام عليكم ورحمة الله وبركاته


مايخفاكم أسعار الفشق وارتفاعها من اكثر من خمس شهور واحنا نسمع ان الاسعار
راح تنزل ولا شفنا شي

السبب ان الناس راضيه عن هذي الأسعار وتشتري ولا تقدر تقاطع انا معك انها سوق سودا
لكن ما توصل ان اشتري الصندوق ب3600
واذا حصل شي رخيص ب3200
.????
واغلب الناس الحين صارت تعرض وتبيع شوازنها بسبب الارتفاع
وقسم التصاريح شغال تنازل
وانا متأكد شغفك لصيد وممكن تدفع في سبيل انك تطلع لكن ماراح تكون طلعتك مثل اول

لكن ما اقول الا حسبي الله ونعم الوكيل

[الشيخ الظريف]

ربما لقلة الصيد والا التضخم شامل للفشق وغيره زيادة اسعار البترول نكبه لنا نعيم على جيراننا

[هارون97]

لاصيد وغلا اسعار لو تركوه الناس نزل

[شمالي و الهوا غربي]

الحل هو بدل ان اشتري صندوق اتشتر (دستتين فقط ودبر الرمي
واختصر فقط على الشي اللي يسوى , ولكن اغلب الناس فيها غبا
همه يومه فقط
ليش الضحك على بعض وتحصل المستفيد يقول اشتر قبل مايرتفع اكثر’ويجيك المسكين مطبق .

كم مرة قلنا ان الغلا هذا فرصة للصيادين العاقلين ان ينظموا حالهم
في تدبير الفشق والصيد’ وخلوا الجهلة ياخذون دورهم؟

[تربة الشمال]

اناء مع كلام اخوي شمالي والهواء غربي كلام سليم

[صياد المزارع]

المشكله ان صار رميك اكثره طيار
اكيد بترمي اكثر من دستتين
هذا غير لو وافقت كبه

لكن السوال هل الفشق بينزل سعره ولو نزل سعره
هل البياعين بيتقيدون بنزول السعر ولا بيعجبهم الوضع
لان فيه ناس تشتري بسعر الغالي هذا

[تميم2222]

ياجعل من سبب هالغلا. يسد فيه عرق. وسط قلبه

[المتلولس]

الحل هو بدل ان اشتري صندوق اتشتر (دستتين فقط ودبر الرمي
واختصر فقط على الشي اللي يسوى , ولكن اغلب الناس فيها غبا
همه يومه فقط
ليش الضحك على بعض وتحصل المستفيد يقول اشتر قبل مايرتفع اكثر’ويجيك المسكين مطبق .

كم مرة قلنا ان الغلا هذا فرصة للصيادين العاقلين ان ينظموا حالهم
في تدبير الفشق والصيد’ وخلوا الجهلة ياخذون دورهم؟
كلام سليم...

[تميم2222]

الكلام السليم انها تفتح المحلات.نظاميه وتبيع بسعار الشركه الام. حالنا مثل حال الدول المجاوره اما الاستغلال. وضحك علئ البشر. هذا شي لايرضي الله ولا رسوله الناس ماتبي الا الحق. والعدل. وبس

[شمالي و الهوا غربي]

انا حلمت ان احد تجار الفشق يبي يرحم الناس وينزل من السعر.خخخخ
ياناس افهموا وعوا
المستفيدين لان يتنازلون عن السعر المغري وسيزيدون.
وانتم تتسابقون على الشرا وسوفى تاصل الدسته ’ل 250.
وانا اتمنى الدسته تاصل 500 على اساس ننسى شي اسمه بس لعب ودبل واستانس؟!
ارم جرجس هربس وكل ماشافت عينك.
والحل الوحيد ثلاثة في واحد / توفير مال ’وتوفير للصيد ’ ومحافظه على موترك’’
وخل عديم الوعي وكثير المال يدهر حتى يطفر وهولا قلة.
وبعد كذا رايح كل شي يتوفر.,
وصدقوني دستتين تكفيك موسم كامل فقط مع التوفير
وشوفة جول مغري وهادي بعد . او ايجاد غدا. هذا من واقع تجربه.
وغير ذالك لاحد يكثر الشكاوي والتولول’

[شباب 11]

والله كلام الأخوان سليم 100%

خذ بعقل وووفر على نفسك وهذولي

اللي دخلوا مجال هواية الصيد ولاالهم فيه

رايح يدقون ريوس وعسى في الأمر خيره

[صياد المزارع]

الله يزينها

[عون الخوي]

صبحكم الله بالخير

يالربع بيديكم تغيير اسعار الفشق.. يالربع الفشق يباع عندنا بأسعار خرافيه الدسته فالخارج تعادل 30 ريال كسعر متوسط
وعندنا دبلها 6 مرات واكثر. . وهذا سببه نحن نشتري بالسعر اللي يقوله التاجر وهذا غير منطقي ياخوان اقطعوا الفشق مانشتري بهذا السعر لين يرجع بأسعار معقوله ولا صندوق فشق ب 3400 ليش وش هالاستغلال بكذا حتى الهوايه تنكره والصيد اللي هذي تكاليفه مابه بركه
انا انادي لكل القنوص من خلال هذا الرد التوقف عن شرا الفشق بهالاسعار خلوها تقعد في نحورهم مانبي نصيد بالشوازن بنصيد بالشبكه ونمسك الصيد حي وباقل الخساير
وخل الكاكا يكاكي عند راعيه..
يالربع قاطعوا الفشق الفشق فالكويت رخيص جدا لايغركم الكلام من احد واللي بيتاكد يتصل باي وكيل بالكويت ويعرف السعر
هالتجار اكلونا وطمعهم وجشعهم لن يتوفق وكل موسم الموردين بيوقفون السوق ويقولون مااقدرنا نوفر فشق والمستودعات مليانه
لا تاخذون من هالاكاذيب.. الحل خلوا فشقهم لهم مانبيه
هونا من الصيد واللي يقول دراهمي واجد وبشتري بكيفه لكن لابد من التعاون والله ان يجيك التاجر يقول تعال خذ بس ...

ياينزلون الفشق بأسعار معقوله ولا يشبعون بفشقهم السودان قريب اصيد واجيب صيد من كل الطيور المهاجره ومايكلفني 10000 ريال يعني قيمة 3 صناديق
تكاتفوا يالربع تكااااااانفوا والله لتعينون خير

[albikal]

يعني على كذا مافيه رمي طيار وجماعي خلاص صيد الاستهبال .
كلِ يصيد لوحده وعلى قده حاله بعيدا عن الهياط والتباهي’ وتنفيذ الفشق’على الفاضي.
قال اي قال هواية ماصبر عنها؟! هو بالحقيقه العقل مضروب!

[الدسك 039]

السلام عليكم ورحمة الله وبركاته

الحل عندي يد بيد لاحد يشتري لين تصير 1000 ويرجع زمان اول الدسده تاخذه 70

[مخاوي العريس]

إن شاء الله الدسته توصل 500 , صحيح إنها غالية لكن يبدأ الواحد ما يصيد الا اللي يأكله
مهو يتعلم الطيار , يروح يفتك بهالأرواح ويتركها , وينسى إنه راح يسأل عنها يوم القيامة
والله تروح لبعض الأماكن تشوف طيور ميته , يوجعك قلبك منها ,, هذا هدهد و هذي بطة وهذا غرنوق وهذا خاضور ,,, ويقولن ليت الفشق يرخص
بس الحمد لله مع الغلا خفت بعض هذي المناظر ,, وإن شاء الله إنها تنتي والناس تتوعى
لأن اهم شئ هي الوناسه مهو العدد أو التصوير

[تساهيل1]

ازين ليته
يوصل 300 للدسته
عشان اللي مسوي راعي قنص
يجلس بمزرعته
ولا يأذي خلق الله


والله يزين الحال

[اعشق تفاصيلك]

ياخوان انا من راي المقاطعه او الاقتصاد

[albikal]

إن شاء الله الدسته توصل 500 , صحيح إنها غالية لكن يبدأ الواحد ما يصيد الا اللي يأكله
مهو يتعلم الطيار , يروح يفتك بهالأرواح ويتركها , وينسى إنه راح يسأل عنها يوم القيامة
والله تروح لبعض الأماكن تشوف طيور ميته , يوجعك قلبك منها ,, هذا هدهد و هذي بطة وهذا غرنوق وهذا خاضور ,,, ويقولن ليت الفشق يرخص
بس الحمد لله مع الغلا خفت بعض هذي المناظر ,, وإن شاء الله إنها تنتي والناس تتوعى
لأن اهم شئ هي الوناسه مهو العدد أو التصوير
من بوئك الى باب السما وتاصل الدسته 550 على شاني اقبوا الخمسين زياده.

تدرون ليش نتمنى ذلك لان الناس مو متعاونه والا كان يوم زاد السعر توقفت الناس عن الشرا او على الاقل خففت منه’ ولكن كل مازاد السعر زاد هبالهم.
ومن اجل هذا نتمنى الزيادة,

[تاشفين خالد]

لا غالي ولاشي الصناديق اقل من 3 تاخذ 1

[ابن كديميس]

اول 70ريال وغالي ولا فيه ناس تشري زي اليوم بهبال واذا ماوصل 500 رخيص لانك مانك شاري وترمي فالهواء وبعدين اذا مارميت بالشوزن على شي يستاهل خساره الصيد فيها .

[صياد المزارع]

حسب ماسمعت سبب الغلا قلة الفشق الي موجود بسوق
لكن لو توفر هل بيرجعون لسعر الاول ولا عاجبهم لعب في خلق الله

[قطاع الارماس]

:Dالسلام عليكم ورحمة الله وبركاته

المختصر المفيد:D

الفشق الرصاص غلاء:mad:

والصيد اللي عليه الكلام قل قل قل:eek: يعني فرصه الان الغلا اللي ماندري وش سببه نترك الصيد لنا سنه او سنتين ونتلها باام صتمه :D بعد مانرمي بها طيور:no2: قواطي وبس ;)



بصراحه والله البلد خلت من الصيد وعلى وشك مانري شي يتحرك وهذي كارثه والسبب الصيد الجائر الذي سببه لاجوع ولا حاجه مجرد التسليه ووناسه والتحدي مع فلان وفلان من يصيد اكثر :D:D



طرت على بالي فكره وفيها تسليه وناسه :D



نبدل البندقيه باكاميره ونصور الصيد ونحميه من الانقراض:good2:



وياليت يتبنا منتدى مكشات الحبيب باادارته واعضائه الكرام حمله لحماية الصيد من الانقراض وبحث سبل غير صيده وقتله وفي نفس الوقت يكون لاهل المقناص بديل :good2:



اسف على الاطاله بس احببت اشارك

تحياتي للجميع

[ابو محمد 50]

اليوم الجمعه رحت لسوق الجرده والقى على 170 الدسته ومشيت ما شريت صراحه غالي مره

[ابو شجاع]

حسب ماسمعت سبب الغلا قلة الفشق الي موجود بسوق
لكن لو توفر هل بيرجعون لسعر الاول ولا عاجبهم لعب في خلق الله

من اول موب يقل الفشق ينقطع مرة وحدة وتلقى الدستة بنفس القيمة مارتفعة ولا غلة

لاكن الله يفكنا من المتـمقـنــصين ابو كاميرا :mad: اللي يرمي اي شي يطير ويصورة ولاياكلة

عموما هالموسم ماظنيت بتلقون شي بالقيمة الاولة:( على حسب اللي اشوفة:no:

[القناص 212]

السلام عليكم انا مع كلام الاخ عون الخوي لازم المقاطعه والصبر حتي يتم خفض الاسعار الي شرا خلاص بس لا يزود وراح تلاحظ الفرق من اول شهر بس الموضوع يبيله صبر وتعاون من الجميع وانا اولكم من الحين بقطع الشراء

[ابن كديميس]

يارجال صندوق الفشق قبل كم سنه بقيمة ام حبه غألي غألي بوقته وام خمس ماتعدا العشره !!!!
و الان اللي كان بريال الان تدبل وهو ماهو ممنوع وا اشياء اساسيه مانستغني عنها بكل بيت اقربها الرز بكم بس نبي الرز ينزل والمواد الغذأئيه والباقي مافيه مشكل !!!! والصيد بالسنه فترتين و الموسم ماحد بيقنص الموسم كامل كل يوم وهو البر . يعني مابه خلاف لو تاصل الدسته 500وراح تذكرون كلامي باقي الى الان ماوصل كلمته غألي بس ماهو معناته نشري صناديق الاقتصاد والاعتدال بكل شي محمود .والله الوناسه بفلت الحجأج وخوت النشامى ماهو تدبيل ورمي وتبذير .

[مناحي الزهيري]

يا جماعة الخير والله ان الجشع صاب البشر بطريقة ماتوصف
وهذا الغلاء مدبر وليس لقلة المعروض بل لتشحيح السوق لجعل المستفيد مثلي ومثلكم يضطر يشتري بالسعر الغالي
ومن فضل الله انا عندي ما يكفيني ولكن يحزنني اللي بيشتري بهذي الاسعار
عندي لكم حل يااخوان ان شالله ينفعكم ويفيدكم ياهواة صيد الطيور ، سبق وان جربت ام خمس فوالله لم اجد اكثر منها اهداراً للذخيرة وانت لاتعلم فحاول تتجنبونها ما مثل ام حبة رميها مبروك وصيدها ما يفر جناحه بحول الله واوفر للذخيرة من ام خمس
ثانيا لا احد يفكر يشتري عالاقل كم شهر قدام صدقوني لو توقفنا عن الشراء كم شهر ليضطرون ينزلون الاسعار وترجع زي اول
واسال الله ان لايبارك في مال وحلال من كان سببا في ارتفاع الاسعار ودمتم

[فتى آلصفرآت]

الله لايوفقهم دنيا وآخره :(

[صياد المزارع]

من ناحيتي ماراح ادفع القيمه الكبيره لو اضطر أخذ ساكتون هوائية او ناريه
والشوزن اعقلها في المجلس منظر

[القنص عشقي]

السلام عليكم

الله فيه
والرزق على الله

مشترين مشترين غالي ولا رخيص
أخوكم صيادالقلووب

[صياد المزارع]

الله يقويك الين يوصل الصندوق ب٥٠٠٠

[تساهيل1]

السلام عليكم

الله فيه
والرزق على الله

مشترين مشترين غالي ولا رخيص
أخوكم صيادالقلووب



واضح انك تبيع او لك علاقه في بياعين الفشق
وتطبل لهم

[تساهيل1]

وابشركم
الفشق نزل تقريبآ 30 ريال امس مطلع على اسعاره

يعني الحمله الاخيره ادت نتايج طيبه
ونرجو الاستمرار واستخدآم الهوائيه

وبالتوفيق للجميع

[ابو شجاع]

وابشركم
الفشق نزل تقريبآ 30 ريال امس مطلع على اسعاره

يعني الحمله الاخيره ادت نتايج طيبه
ونرجو الاستمرار واستخدآم الهوائيه

وبالتوفيق للجميع


30 ريال ماأعتبرة نزول هالقيمة حقت مكاسر فى (2)دقيقتين

مانزلت ولاضنيت بتنزل والله يستر من اللي جاي بس شدو حيلكم الله يقوييييكم

حتى ان مانزلت يحسون ان معاد فية زبونهم الاولي اللي كل موسم طامر في وجهه

[مناحي الزهيري]

ان استمرت المقاطعة فصدقوني انها لتباع بعد الموسم باسعار اقل حتى من اسعارها قبل الارتفاع

[ابولفه]

علاج نزول الاسعار.

المقااطعه ...واذا ناوي تشتري. اخد اقل كميه..بدل صندق نص.او اقل.

المقااطعه ..

[Khaled1101]

هههههههههههه
حسيت انكم مكبرين المساله !
يا خوي العاقل خصيم نفسه
شفت الفشق غالي اتركه وروح
منت مجبور !
ومر الرميح ودق لك بقيمة الصندوق
85 فايروخ . و 27 ديانا
ورقد وكبر الوساده
وخل فشقهم لهم
من يوم حنا وراعين
نطرد القميري بالسكتون
والصفارا والدخل والسمان والضب خخخخ

يعني الحين تفندينا ما نبي نرمي الا بشوزن !

معلومه
الكويت اغلبهم ما معهم شوازن
ويستخدمون الساكتون الهواء
وانواع التفنن في الصيد
وانواع القنص
وهو يقدر يشتري اطلق شوزن باقل من 10 الاف
لكن ما عندنا في الجزيره صيد يستحق التعب والخساره

[Khaled1101]

معلومه حلووه ؛

هم غاثينكم ؟!
جايبين العله لكم ؟!

سسهل جدا !

دقو سلف وعلى الجرده
واواخذو معكم اعلامي
وخططو ان فكرت الفشق
ما عاد تصلح دائما
يا محلات مثل الناس والخلق
ولا جرده وغلا ولفة ذراع ما نبي

[رياح الشرق1]

للحد امس والصندوق بالقصيم على 3400وين نزل عقب 2100الضاهر اذا ما نزل لاخر رمضان عن ها السعر اتوقع انه يبي يشلع الدسته ل 200وازود وان شاء الله يتوفر الفشق وتنزل اسعاره لاول واقل

[صياد المزارع]

الله المستعان
كتبت هذا الموضوع قبل سنه ووقتها نتذمر من سعر الفشق المرتفع
والان ازداد سعره اكثر من قبل

[FJ3230]

زاد قيمته دبل الحين

[SZSZ]

انتم تطامرون وراء الفشق خلكم على سكاتين الرميح وزيد لان تنقصكم الخبره في الشوازن :)

[شقردي]

يا رجال ياليت يوصل الفشقة 500 ريال علشان نفتك من المبزرة
ازعجونا بالرمي على المزارع وكل طلحة في البر اغلب من يوسخها حقين المقناص تلقا كوم فشق مرمي على الارض
وبقايات صيدهم ومعلبات وقصدير ووساخة ....

[majdimata]

الاحتكار والطمع