والحال مثل البنت ماله مصونة..................الحل:خيشةباب....حله:ابوفايز

[ذيب الفقارة]

السلام عليكم ورحمة الله وبركاته

صباح الخير

لغيز صباحي خفافي

..............

ياويش بنت والنسب صوب رجال.......رجال في كل بيت تاجدونه

والبنت و الرجال ياطيب الفا ل ........تنقال للي في المكاتب ترونه

ماسد فجوة و العمل تمشية حال........والحال مثل البنت ماهي مصونة

[ابو ماجد 2]

صح لسانك مختارنا
نشاط وحيويه الله يزيدك من فضله
محاوله
قضابة قش
وهي تقال للذي ماسك خانه ولا له اهميه

[ذيب الفقارة]

صباح الخير فارسنا

أبو ماجد

رمعة قوية وتصب في نفس القالب لكن

لا يزال لغزنا طليق

تحياتي

[هاوي عبث]

http://www.7ozn.com/uploads5/46f41387349241161.jpg (http://www.7ozn.com/)


صبحكم الله بالخير والرضى
حبيت اصبح عليكم ولا الرمعه ماتحضرني والبركه بالفرسان
علهم يذكونه وتفتك من فلسفتي :D

[بلاكوتا]

السلام عليكم ورحمة الله وبركاته
صباح الخير
لغيز صباحي خفافي

ياويش بنت والنسب صوب رجال.......رجال في كل بيت تاجدونه
والبنت و الرجال ياطيب الفا ل ........تنقال للي في المكاتب ترونه
ماسد فجوة و العمل تمشية حال........والحال مثل البنت ماهي مصونة

وعليكم السلام

صبحك الله بالنور والسرور

والله يرزقنا بالبنت المصونه الملتزمه اللي تصير مثل جمس الهيئه قدامي :D

طيب الله فالك

يقال مركون

ويقال كنه عفش مطلقه :D

[ذيب الفقارة]

صباح الخير أخي الغالي

أبو عبد الرحمن

نورت متصفحي كعادتك نور الله وجهك

والله إن تواجدك في أي صفحة يجعلها مشرقة

تحياتي وتقدير واحترامي

[ذيب الفقارة]

صباح الخير أخي الغالي

بلاكوتا

تفكير جيد

لكن البنت المطلوبة هي المنسوبة للرجل

وليس العكس

تحياتي وتقديري

[راعي العجراء]

هلابك يابو عدنان
هلابك ياعصابة راسي
فقاعه صابون

[ذيب الفقارة]

صباح الخير أخي الغالي

راعي العجراء

فعلا المطلوب ( فقاعة صابون )

لكن من نوع ثاني

تطلق على شخص محددة صفاتة في اللغز

تحياتي وتقديري

[راعي العجراء]

طيب ياعم ابو عدنان
ربطة خوص
لايحلت ولا يجمع حصى يعني خبكعي
ماء حار لا قهوه ولا بهار

[ذيب الفقارة]

هلا أخي الغالي

البنت المطلوبة لاخلص شغلها يحذفونها مثل ليفة الدلة لا صار مامنها فايدة

والرجال مثلها لانتها يرمونه ( لاحظ شغله مثل شغل البنت )

وعندئذ يقولون : ( فلان ......... )

تحياتي

[راعي العجراء]

علبة ببسي تلقيمة الشاهي او القهوه

[راعي العجراء]

يقول بن شريم
مثل السراج بعارض البيت حطوك = واذا انتهى لازمك حدا الربع طفاك

[ذيب الفقارة]

ها الرجال ياما عانيت منه يوم تراجع الدواير

تلقاه حول الباب وهوما عنده سالفة ماغير ...........

عندنا في الغربيه يقولون عنه ...........

[راعي العجراء]

بس مطبــــــــخ

[ذيب الفقارة]

بس مطبخ ...... رفعتوه شوي البس يحصل شيء لكن هذا ولاشي

هههههههههههههههههههههههههه

حنا عندنا شيء ثاني

تحياتي

[راعي العجراء]

هذا يابوعدنان
حصاة ارزاح لاتنشال ولا تنزاح

طيب ياعم اسطوانة غاز لافضت لازم تعبيها

[راعي العجراء]

يريصي غار ماغبر يطقطق ولا عنده احد

[ذيب الفقارة]

اليوم يوم الشياب

وان شاء الله يجينا خبر سعيد ونقيم الافراح

ونقول لك ألف ألف ألف مبروك

وانا أشهد إنك تستاهل أزود

ما بعد صدت المطلوب

تحاتي

[ناصر العلي]

وعليكم السلام ورحمة الله وبركاته

سلمت ياأبوعدنان

وصح لسانك

ماتصير

ليفة مواعين

[badr2003]

صح لسانك
محاولة
مزهرية

لفظ يقولونه ( مزهرية ) للي ماله شغل ولا مشغلة

[دروب المقناص]

السلام عليكم
نقول
علبة كبريت
وشكراً

[راعي العجراء]

اجل يابوعدنان مترع على الكرسي تقول بقشة دلاله وماعندك احد
رنعه
فرشة او وطايه باب

[عطري]

و عليكم السلام و رحمة الله و بركاته

صح لسانك أبا عدنان

بحاول أصير نص شايب :

فلان مثل الزينة لا يهش و لاينش.

[ابو ماجد 2]

طيب مختارنا
ساعة حائط
بالغالب لاقيمة لها من ناحية الوقت فتجدها غير مضبوطه ولم يغير حجرها

[ناصر العلي]

ماتصير

علبة مناديل

لاخلصت المناديل نرمي العلبة

[ابوماريا]

صح السانك يابو عدتان
وبيض الله وجهك
نشاط وابداع متواصل
ماشاء الله عليك وزادك الله من فضله

وش رايك

خيشة باب

[عطري]

ماتصير


علبة مناديل


لاخلصت المناديل نرمي العلبة




أحسنت يا دكتور ، هذه التي أفكر فيها و عجزت

اتذكرها ، مؤيد لك.

[ذيب الفقارة]

الإخوة الكرام :

د / ناصر العلي

بدر 2003

دروب المقناص

راعي العجراء

عطري

الفارس أبو ماجد

تعذرون الشويب على رده الجماعي

ولن أوفيكم حقكم لو كتبت لكل منكم صفحات وصفحات

والحل عند المثالي

تحياتي وتقديري لكم جميعا

[راعي العجراء]

صح السانك يابوعدنان
وصح السان ابو فايز على الحل
بس ماعرفت خيشة الباب يعني كيف الباب له خيش
من تحته او برا
ياليت التوضيح للفايده

[ذيب الفقارة]

كفوووووووووووووو كفوووووووووووووووو كفووووووووووووووووو

أخي الغالي المثالي

أبو فايز

نعم الحل هو :

خيشة باب

عندنا في الغربية يطلقونها على الانسان التافه

يخليه المسؤول حول الباب مثل سكرتير وما شابه له

لاجل يصرف المراجعين

ويقولون عنه خيشة باب وهي قطعة من الخيش توضع عند الباب

إذا كان فيه شق مثلا لحين إصلاحه ثم ترمى

طبعا يمكن بختلف المثل في بقية المناطق

تحياتي وتقديري

[راعي العجراء]

اجل يابوعدنان مترع على الكرسي تقول بقشة دلاله وماعندك احد
رنعه
فرشة او وطايه باب


شكرا لك على التوضيح
انا قلت فرشة اودعاسه الباب او الوطايه
ويمكن المسميات تختلف كما ذكرت

[ذيب الفقارة]

هلا أخي الغالي

راعي العجراء

كلامك صحيح

وكنت ناوي أنوه عن ذلك لكن أخوك مرهق اليوم

وكنت ناوي أقول إنها من أقرب الرمعات لكن راحت علي

فمعذرة

تحياتي وتقديري

[ابو ماجد 2]

صح لسانك
وكفووو كفووووووووووووووو
يابو فايز
وماشاء الله ابو فايز ان جبنا عن نجد وباللهجة النجديه حلهن وان جبتوا عن الحجاز حلهن
ومن لطيف ماوجدت عن المثل التالي
( خيشة باب ترد الكلاب )
هو لسان حال من ابتليت بما لا فكاك منه . وتطلقه المرأة تأسياً حين تلام على الزواج من دنيء .
00000
وعندنا يقال
باب خيش
ويقصد فيه اللي ماله مسد

[ناصر العلي]

سلمت ياأبوعدنان

وصح لسانك يالغالي

وكفووووووو ثم كفوووووووو

ياأبوفايز

ولله درك يالغالي

وبيض الله وجيهكم جميع

تحياتي و تقديري

[ابوماريا]

كفوووووووووووووو كفوووووووووووووووو كفووووووووووووووووو

أخي الغالي المثالي

أبو فايز

نعم الحل هو :

خيشة باب

عندنا في الغربية يطلقونها على الانسان التافه

يخليه المسؤول حول الباب مثل سكرتير وما شابه له

لاجل يصرف المراجعين

ويقولون عنه خيشة باب وهي قطعة من الخيش توضع عند الباب

إذا كان فيه شق مثلا لحين إصلاحه ثم ترمى

طبعا يمكن بختلف المثل في بقية المناطق

تحياتي وتقديري

كفوووووك الطيب يابو عدنان
وبيض الله وجهك
على هالنشاط والابداع المتواصل
ماشاء الله عليك

دمت مبدعا نشطاً

[ابوماريا]

صح لسانك
وكفووو كفووووووووووووووو
يابو فايز
وماشاء الله ابو فايز ان جبنا عن نجد وباللهجة النجديه حلهن وان جبتوا عن الحجاز حلهن
ومن لطيف ماوجدت عن المثل التالي
( خيشة باب ترد الكلاب )
هو لسان حال من ابتليت بما لا فكاك منه . وتطلقه المرأة تأسياً حين تلام على الزواج من دنيء .
00000
وعندنا يقال
باب خيش
ويقصد فيه اللي ماله مسد

كفووووك الطيب يانور المنتدى
وشكرا على هذا الاطراء
ومنك ومن شرواك نتعلم ونستفيد

تقبل ودي واحترامي

[عطري]

صح لسانك أبا عدنان

كل لغز لا بد من فائدة إن لم تكن فوائد.

و

كفووووووووووو

يالمثالي

ما شاء الله ، ثقافة و دين ، زادك الله من فضله.

[ذيب الفقارة]

صدقت أخي الغالي

عطري

الهدف الأسمى هو زيادة المعرفة والاطلاع

وفي هذاا للغز أنا من أكبر المستفيدين بما حصلت عليه من معلومات

تحياتي وتقديري

[ابوماريا]

صح لسانك أبا عدنان

كل لغز لا بد من فائدة إن لم تكن فوائد.

و

كفووووووووووو

يالمثالي

ما شاء الله ، ثقافة و دين ، زادك الله من فضله.


كفوووك الطيب ياعطرنا الفواح
وكلك خير وبركة
وماعليك زود يالغالي

دمت بخير