رحلتي مع أخوياي في أجازة العيد ........ ((( ص و ر ))) ... لاتفوتكم ...

[محمد بن راشد]

السلام عليكم ورحمة الله وبركاته



سلمكم الله عزمت مع خويي بوخليفه وأخوي (بوسعد من الأحساء) على رحله نبدأ فيها من النعيرية وحفر الباطن ورفحا وحايل والقصيم في أجازة العيد نكشت فيها ونشوف أحوال الطقس فالمناطق المذكورة ... المهم ماطول عليكم شوفو الصور الكاملة عن أحداث الرحلة :D







هذا جمس بوخليفة مستعد للرحلة





http://www.jawaher-qtr.net/uploads/463751bb82.jpg (http://www.jawaher-qtr.net/)



أول ماوصلنا النعيرية نجهز الأغراض للمبيت

وهذا بوسعد يطلع عدة الشاي لأنه مدمن شاي عافاكم الله :p













http://www.jawaher-qtr.net/uploads/43cc16761e.jpg (http://www.jawaher-qtr.net/)








لكن بوخليفة حلف عليه أنه هو اللي يظبط الشاي عشان يجرب الكشاف اللي شاريه ههه




















http://www.jawaher-qtr.net/uploads/529ba04972.jpg (http://www.jawaher-qtr.net/)














المهم تقهوينا وبين علينا تعب الطريق وأمسينا وجلسنا الفجر وصلينا لكن خوينا بوسعد نام بعد الصلاة لأنه ماشبع نوم وهذي صورة له :D بعد ماقعده بوخليفة



http://www.jawaher-qtr.net/uploads/ff40c75783.jpg (http://www.jawaher-qtr.net/)



وفطرنا وعينى خير ورتبنا الأغراض وتوكلنا على الله وينك ياحفر الباطن



http://www.jawaher-qtr.net/uploads/45f7df3632.jpg (http://www.jawaher-qtr.net/)



والحمدالله وصلنا على خير حفر الباطن ومرينا على محل للخيام لكنه للأسف كان مسكر



http://www.jawaher-qtr.net/uploads/4a7699d8f5.jpg (http://www.jawaher-qtr.net/)






































يتبـــــــــــــــــــــــــــــــــع

[محمد بن راشد]

خذنا حول الساعتين فالسيارة وحنا رايحين رفحا قال خوينا بوسعد أشرايكم نستريح شوي ونسوي لنا شاي :D تحت السمرة ونصلي العصر

http://www.jawaher-qtr.net/uploads/e99c391fb1.jpg (http://www.jawaher-qtr.net/)


قال بوخليفه وبوخليفه صادق أنا اللي باصلح الشاي والقهوة ..:p

http://www.jawaher-qtr.net/uploads/5da30554a6.jpg (http://www.jawaher-qtr.net/)

صلينا وكملنا الطريق وصلنا رفحا وعجبتني هالنافورة الموجودة في أحد المطاعم فيها





http://www.jawaher-qtr.net/uploads/17c53625fb.jpg (http://www.jawaher-qtr.net/)


وبغينا ناخذ لنا لحم وطحنا على ذيك الملحمه الطيبه وخذنا نص هرفي

http://www.jawaher-qtr.net/uploads/309760fd70.jpg (http://www.jawaher-qtr.net/)


وحنا فالملحمة قلت للشباب نسوي اليوم كبسة وبكرة نشوي الريش والشقف عندي خلطة عجيبة للشوي قالو تمام :good:

http://www.jawaher-qtr.net/uploads/f3a45e6360.jpg (http://www.jawaher-qtr.net/)



يتبـــــــــــــــــــــع

[راعي العقربيه]

يسلممممممممممممممممممممممموا مشكور ابو راشد

[المتوكل]

الحمد لله على سلامتكم ورحله موفقه وممتعه00000وصورجميله جدا

[محمد بن راشد]

وهذي خلطة الشوي السريه .... :D

http://www.jawaher-qtr.net/uploads/7e3e0d5490.jpg (http://www.jawaher-qtr.net/)

طلعنا من الملحمه قريب المغرب وتجهنا حول رفحا على طريق حايل

http://www.jawaher-qtr.net/uploads/bd1ab5c331.jpg (http://www.jawaher-qtr.net/)

وليقنا ذاك المكان الزين للمبيت ونصبنا خيمتنا

http://www.jawaher-qtr.net/uploads/2ee27b3faf.jpg (http://www.jawaher-qtr.net/)

وعصب علينا بوخليفة قال أستعجلو بالعشا وهذا هو معصب :j

http://www.jawaher-qtr.net/uploads/7604817aa4.jpg (http://www.jawaher-qtr.net/)

وقام بوسعد يقطع الخظرة بسرعه

http://www.jawaher-qtr.net/uploads/619eed0528.jpg (http://www.jawaher-qtr.net/)
وأنا أول ماشفت بوخليفة معصب جهزة للطباخ
http://www.jawaher-qtr.net/uploads/f9ba2d45d9.jpg (http://www.jawaher-qtr.net/)
و قمت غسلت اللحم ورزيته بالقدر وخذت خظرت بوسعد مع تقطيعه الردي لكن يمشي الحال ;) جعله سالم

http://www.jawaher-qtr.net/uploads/0b7c1653cc.jpg (http://www.jawaher-qtr.net/)





يتبــــــــــــــع

[منتعش]

رحلة موفقة
وصور جميلة
وطلعة أجمل
والله يرعاكم ويحفظكم

[النجم الهاوي]

تسلم ،،ورحله ولا اروع منها

ننتظر بااااااااااقي الصور

[هاوي الله]

ياسلام على ذالرحله &

مشكووور يابو راشد &

ابو راشد وش نوع ومقاسات الكفرات اللي على الـ G ؟

[محمد بن راشد]

وجهزة المرقه لأجل أعيون بوخليفه

http://www.jawaher-qtr.net/uploads/ba875893cc.jpg (http://www.jawaher-qtr.net/)


قال حط الرز قتله أنشالله وبعد 40 دقيقة قتله قتله تفظل عالعشا
http://www.jawaher-qtr.net/uploads/4068346264.jpg (http://www.jawaher-qtr.net/)

وبعد العشا نمنا حول الساعة 12 فالليل ويوم جات الساعة 3 فزينا من نومنا على صوت العج القوي والمطر بس كان المطر خفيف الغير متوقع في ذاك الليل وهذي صورتين فالعج وبعده

http://www.jawaher-qtr.net/uploads/473fe7f6e4.jpg (http://www.jawaher-qtr.net/)


http://www.jawaher-qtr.net/uploads/8f1479541c.jpg (http://www.jawaher-qtr.net/)

وهذا بوخليفة ظهر برا يجمع الأغراض اللي التطاير من الهوا ورجع للخيمه وقام يسلي نفسه بالجوال وهو مغبر

http://www.jawaher-qtr.net/uploads/6b50eb2d7c.jpg (http://www.jawaher-qtr.net/)

بعد ماخف العج جمعنا أغراظنا ورحنا لأقرب أستراحه

http://www.jawaher-qtr.net/uploads/2ec74be21d.jpg (http://www.jawaher-qtr.net/)


يتبــــــــــــــــــــــــــــــــــــــــع

[فال الخير]

ننتضر يا بوراشد
جعلك تسلم

[محمد بن راشد]

وهذي الأستراحة طبعآ سمعتو عن فندق خمس نجوم بس هذي الأستراحه نيزك هههه :D

http://www.jawaher-qtr.net/uploads/03daf14ee5.jpg (http://www.jawaher-qtr.net/)

وهذا اللوبي

http://www.jawaher-qtr.net/uploads/473d60bd38.jpg (http://www.jawaher-qtr.net/)

وهذا الكونتر
http://www.jawaher-qtr.net/uploads/8b7640ff96.jpg (http://www.jawaher-qtr.net/)

وهذي الغرفة مع عدتنا وعلى طول بوخليفة سوى ذيك الشكشوكة والشاي حق بوسعد

http://www.jawaher-qtr.net/uploads/b84e8d8cfd.jpg (http://www.jawaher-qtr.net/)

وكل واحد منا بعد الفطور خذله ذاك الدش العجيب بعد العج اللي جانا وبوخليفه من التعب نام بالفوطه

http://www.jawaher-qtr.net/uploads/37d83f14e4.jpg (http://www.jawaher-qtr.net/)

وبعدها صحينا من النوم الظهر وكملنا رحلتنا لحايل مرورآ بمنطقة البقعاء وصورة هذا المنظر الحلو لهجرة البقعاء
http://www.jawaher-qtr.net/uploads/3816266c20.jpg (http://www.jawaher-qtr.net/)

[محمد بن راشد]

ونزل علينا مطر قبل لانوصل حايل وصورته بالجوال وحاولت أنزله بس في مشكله في أمتداد المقطع لأنه بتصوير جوال N 70 لكن أول ماعرف الطريقة بانزله لكم ..


وصلنا حايل وذيك الماظر الحلوة الموجود فالمدينه اللي حبيت أصورها وأنزلها لكم


http://www.jawaher-qtr.net/uploads/941150d954.jpg (http://www.jawaher-qtr.net/)

http://www.jawaher-qtr.net/uploads/ca70034eba.jpg (http://www.jawaher-qtr.net/)

وبعدها رحنا طريق القصيم وكشتنا حول حايل ونزلنا العدة والشوية اللي مخمرة فالقدر من أمس


http://www.jawaher-qtr.net/uploads/5cbebb34c0.jpg (http://www.jawaher-qtr.net/)

http://www.jawaher-qtr.net/uploads/084809441b.jpg (http://www.jawaher-qtr.net/)



وأحنا أن تعشا جانا ظيف غيرمتوقع وغير مرغوب فية


http://www.jawaher-qtr.net/uploads/0a24f338d8.jpg (http://www.jawaher-qtr.net/)


وهذي الصورة مكبرة والحمدالله أن سلمنا :j

http://www.jawaher-qtr.net/uploads/24e01182cf.bmp (http://www.jawaher-qtr.net/)



يتبــــــــــــــــــــــــــــــــــــع

[الاداري]

الحمد لله على السلامه


ورحله موفقه

والله سلم من العقرب

[طلو]

بيض اله وجهك والله يجعل كشتاتكم كلها سعيده

[كحيلان 11]

مشاء الله
والحمدلله على السلامه

[شبح الصحراء]

رحلة طيبة ويا هلا والله وغلا بأهل قطر ، أخوي محمد بن راشد عندي ملاحظة بسيطة وهي ان رحلتكم شملت مناطق عديدة والوقت ضيق جداً فصعب عليكم تفرون النعيرية والحفر ورفحاء وحائل والقصيم في رحلة مدتها خمسة أيام بس! أصلاً كل منطقة منهن تحتاج أسبوع تكشتون فيها علشان تستمتعون وتستفيدون اكثر وتتعرفون على معالم المنطقة ، اما رحلتكم هذه اشوف انها متعبة جداً ووقتها راح اكثره في السيارات والخطوط! لو انكم خصصتم منطقة واحدة فقط لرحلتكم كان افضل وأمتع بكثير ، وترى ماهو بس انتم انا الاحظ كثير من الناس تلقاه يطلع الخميس والجمعة يفر عشر مناطق في ظرف يومين وبالنهاية ما يطلع بفايدة ولو تسأله عن مكان في منطقة من المناطق اللي زارها ما يعرفه .
انصحكم انكم في إجازة عيد الأضحى إن شاء الله تخصصونها كلها لمنطقة واحدة من المناطق وصدقني راح تستمتعون وتستفيدون أكثر .
على فكرة أعجبني تصويركم وتوثيقكم الرائع للرحلة والحمد لله انه فككم من العقرب .

[ابرق العزاف]

شكرا رحله ممتعه

[طارق]

الاخ العزيز محمد بن راشد
رحلة موفقة ولفة طويلة
وصور وتقرير ولا اروع من كذا
والحمدلله عالسلامة العقرب قرصتها شينة اسال مجرب
والله يعطيك العافية وتقبل تحياتي اخوك طارق

[Algthami]

سلمت ياذيب علي الصور
ورحلة موفقة ان شالله

[أبو فراس]

السلام عليكم ورحمة الله وبركاته

قصة كشتة رائعة وصور اروع

ابو راشد الله لا يهينك لا تتأخر علينا بباقي الكشتة

[يوسف نت]

الله يهنيكم دوم انت وخوياك
رحلة مدعمة بصور جميلة جدا
وخيمتكم هاذي مثل خيمتي بالضبط
ممتازة ومبطنة من الداخل لكنها متعبة شوي في نصبها

[مسافر1]

أخي محمد ..
رحله جميلة ..
وحمداً لله على سلامتكم ..

[الازهري2005]

الله جعلة بالعافية والحمد لله بالسلامة ياخوي طلبتك وصفة التتبيلة اللي استخدمتوها وتسلملي

[الكشاتي]

هلا وسهلا بأهل قطر....

رحله ولا اروع....بالتقرير والصور......اشكر لك هذا الجهد...

تحياتي لك

[ابو درع]

معودنا يابن راشد بعلومك الزينه

[محمد بن راشد]

مرحبا بكل من مر الموضوع وياهلابكم
وبعد العشا في حايل أتجهنا القصيم وصلنا حول الساعة 12 فالليل وبتنا في فندق وثاني يوم العصر أتجهنا على السنيدي وظهرت منه المغرب وصورة هالمنظر فالقصيم ......

http://www.jawaher-qtr.net/uploads/ccc25ddcce.jpg (http://www.jawaher-qtr.net/)

http://www.jawaher-qtr.net/uploads/719c818ce5.jpg (http://www.jawaher-qtr.net/)

وهذي محطة البنزين الموجودة قبل الرياض كثير من الشباب يعرفها

http://www.jawaher-qtr.net/uploads/bac31dddba.jpg (http://www.jawaher-qtr.net/)




أشكر كل من مر هالموضوع ورد علي برده الطيب لكن السموحه منكم كنت مشغول في تنزيل الصور وهذا خذ معي وقت طويل وجعل من جابكم الجنة

[ذيب صعفيق]

بيض الله وجهك بس لي ملاحظه وهي موجوده بالصورة الثانية الشيشة

[راعي ال 8100]

الحمدلله عالسلامة

مشكورر عالصور

[bobnan]

تسلم يمينك يابو راشد وبو خليفه على هالصور الاكثر من رائعه
جزاكم الله خير وبارك فيكم
وان بغيتو خوي ارسل

[محمد بن راشد]

راعي العقربية العفووووووووووووووووو :)

المتوكل الله يسلمك من الشر يسلمووووووو :p

منتعش مرحبا براعي المواضيع الحلوة شاكرلك عالمرور ;)

النجم الهاوي هلابك تعداد السيل ياغالي :good:

فتى البران نوع الكفرات بالون 900 تسلم لي :)

فال الخير جعل دوم فالك وفال هل المنتدى خير أنشاالله وحاظرين نزلت الصور كامله :good:

الأداري الله يسلمك من الشر والعقرب طبعآ مذبوحة لكن بوخليفة يوم شافها زبن الجمس هههه :D

طلو حياالله الذيب تسلم لي طلتك ;)

كحيلان 11 الله يسلمك يالغالي :)

شبح الصحراء سلمك الله المقصد من الكشتة تضييع وقت في هالأجازة الطويلة ومن ضيقة الدوام وأنا عارف أن الوقت غير مناسب للكشته بس في رجال مثلك وشرواك وشروا من يسمع أخوي بوسعد من الشرقية أشوفة في هالرحلات وللعلم أنى أكثر رحلاتي ماتعدا حفر الباطن وهذي الرحلة شفت فيها رفحا ولينا والبقعاء وتربة أللي أكثر أهل الكشتات ماشافوها ولو أهناك مكان فيه حيا ماخذت هاللفة الطويلة اللي قطعت فيها من ديرتي 2600 كيلو ياغالي وأنشاالله أنى المعلومة وصلت والرحلة الجاية نبغي مخوتك ... ;) تسلم عالمرور

[محمد بن راشد]

باسل1 شاكرلك يابعدي :)

طارق لدغة العقرب يقلون مثل الجمرة وأذا لفيت معدن يعني مثل نص ريال على مكان اللدغة ماينتشر السم والله العالم :good: تسلم لي ياغالي

asgthami الذيب أبوك وأنت ولده جعل من جابك الجنة بابعدي ;)

أبوفراس خلاص ماعاد أنصور الشيشه أمرني ياشيخ ;)

يوسف نت هلابك بس الخيمة بعد العج تكسرت عمدانها الداخلية ومرينا السنيدي وخذنا عمدان لها أعمل أحسابك ياغالي ..... :good:

مسافر1 هلابك تعداد السيل وتعداد النجوم تسلم لي طلتك الحلوة ;)

الأزهري 2005 الوصفة سرية لكن أبشر راسلني على الرسائل الخاصة عشان مايكون الموضوع طبخ يابعدي :D

[محمد بن راشد]

الكشاتي تعبت وأنا أنزل الصور كلا عشانكم وجعل فالك الجنه ياغالي :good:

أبودرع أنت اللي معودني على طلتك الحلوة تحياتي لك ;)

حسن نوكيا الشيشة بنتركها بس بشرط غير النك حقك لأنى حسن نوكيا شكلة راعي جراك نمزح شاكرلك :D

راعي 8100 تسلم لي طلتك وصورة توقيعك الروعـــــــة :good:

bobnan الله يجزاك خير ومخوتك شرف لي تسلم يابعدي :)

[هواوي]

ابو حميد صراحه رحله ولا اروع ومشيتوا من طريق يعشقه اهل البر
ومن ناحيه الخلطه السريه فرساله ثانيه على الخاص عشان انا هاوي طبخ ونفخ
واشكرك من القلب على المجهود الصعب اللذي بذلته في تنزيل الصور الىاتوقع انه اصعب من المشوار نفسه

ولك تحياتي

[مزاجي]

مشكور وماقصرت على الصور الحلوه

[ابوعزيزm]

ماشاء الله تبارك الله

شغل محترم . .

[مهراس]

السلام عليكم ورحمة الله وبركاته

تحياتي لك أخي محمد بن راشد وكل أهل قطر، أهلا بك وخوياك في بلدكم الثاني وهذه الرحله الممتعه المليئه بالصور الحلوه والطريفه الكثير يتمناها عساها تكون ذكرى طيبه لكم، تسلم وننتظر الجديد من رحلاتكم.

[المدرعم 2]

مشكور ورحلة حلوة

[شبح الصحراء]

شبح الصحراء سلمك الله المقصد من الكشتة تضييع وقت في هالأجازة الطويلة ومن ضيقة الدوام وأنا عارف أن الوقت غير مناسب للكشته بس في رجال مثلك وشرواك وشروا من يسمع أخوي بوسعد من الشرقية أشوفة في هالرحلات وللعلم أنى أكثر رحلاتي ماتعدا حفر الباطن وهذي الرحلة شفت فيها رفحا ولينا والبقعاء وتربة أللي أكثر أهل الكشتات ماشافوها ولو أهناك مكان فيه حيا ماخذت هاللفة الطويلة اللي قطعت فيها من ديرتي 2600 كيلو ياغالي وأنشاالله أنى المعلومة وصلت والرحلة الجاية نبغي مخوتك ... ;) تسلم عالمرور

:rolleyes: شرواك الطيب يالغالي هذا بلدكم ووطنكم وانتم بين اهلكم وحنا بحسبة اخوان واذا بغيت اي مساعدة تأكد اننا حاضرين :good: رحلتكم هذي اعتبرها رحلة إستكشافية والرحلات الحقيقية جاية قدام إن شاء الله .

[ديرتي]

عافاك الله يابوراشد وتوثيق جميل جدا والجايات احسن من اللي راحت لك وللمسلمين اجمعين ان شاء الله

[ابن المدينه]

ماشاء الله تبارك توثيق ولا أحلى



بس ودي أسئلك سؤال واريد الجواب يكون بينك وبين نفسك


الشيشة والمعسل وش لها من فايده ؟

صحه الله يستر عليها
وفلوس ضاعيه بدون وجه حق
وريحه الله يسلمك وسلم السامعين منها

وإن كنت متزوج الله يعين أم العيال

[ابوطعيمه]

السلام عليكم ورحمة الله
رحلة موفقة - والحمد لله على السلامه
شكراً على الصور المعبره وانا ناوي اروح يم حائل وبقعاء قريب وافادتني هذه الرحلة
شكراً جزيلاً

[الدبل الثقيل]

رحله وصور حلوه وجزاكم الله خير.....

لكن تكفى كم سعر الجي اسبير تحت واللون أبيض أقل نوع ... كم سعره بالسعودي لموديل 2007 في قطر تكفى..

[ابو دحام]

اشوى انك مريت من حائل

وحائل تهلي وترحب فيك
يالغــــــــــــــــــــالي

[برزان الشمال]

مشكور يامحمد بن راشد على التوثيق الرائع للرحلة.
صور جميلة ومناظر جميلة بس المرات الجاية انصحك أنك تحسب حسابك
إن كل مدينة لازم تقعد فيها على الأقل يوم أو يومين.

للتصحيح: اسمها بقعاء وليست البقعاء.

[عضـو قديم]

الله يهنيكم دوم انت وخوياك
تسلم يمينك يابو راشد وبو خليفه على هالصور الاكثر من رائعه
الحمدلله عالسلامة

[ملاعب الريح]

الحمد لله على السلامه ومشكور على هالموضوع والدعم المصور



:)شكل أخوياك ملو من الفلاش :)



تحيتي (ملاعب الريح)

[رسلان]

كل عام وأنتم بخير
ماشاء الله تبارك الله ..
عافاكم الله أخي : محمد بن راشد ..
موضوع جميل :good: ... صور أجمل :good: :good: .. تعليقات ووصف أجمل وأجمل :good: :good: ...
جهد راااااائع تشكرون عليه ... :good2:
جزيتم خيرا ً...

[محمد بن راشد]

هواوي



مزاجي



أبوعزيزm



مهراس



المدرعم2



شبح الصحراء



ديرتي



أبن المدينة



ابوطعمية



الدبل الثقيل



ابودحام



برزان الشمال



عضو قديم



ملاعب الريح

رسلان



جعل من جابكم الجنه وأشكركم جزيل الشكر

لكم خالص أمتناني

[محمد بن راشد]

هذا تصوير للمطر اللي نزل علينا قريب حايل مثل ماوعدناكم



أرعص هنا (http://www.swahl.com/File/download.php?filename=82fd03c1f8.3gp)

[almobd3]

رحلة رائعة

[محمد بن راشد]

رحلة رائعة





:good: :good: :good: حاظريييييييييييييييييييييييييين يابعدي :good: :good: :good:

[هزيم الرعد]

أخي العزيز (محمد بن راشد) رحلة جميلة ورائعة ودمتم سالمين لأخيكم (هزيـــم الرعـــد) .

[كبريت]

كعادتك متميز

والحمد لله على السلامة من العقرب

وسلملي على ابو خليفة هو وجوالة ;)

[hsb_128]

الحمد لله على السلامه ... كشته ممتازه

[محمد بن راشد]

هزيم الرعــــد

أبومحمد

hsb-128


:good: الله يسلمكم من كل شر وشاكر لكم هالمرور والطلة الحلوة :good:

[سندباد الخليج]

ماشاء الله عليك بو راشد عزالله رحلة زينه وموفقه

وان شاء الله الرحله الثانيه في وقت الربيع والعلوم الزينه

وعلمنا بو راشد علشان نقوم بالواجب وموفقين

[سيد النشاما..]

الحمد لله على السلامة
ورحلة موفقة الله يعطيك العافية

[wannan]

كل عام وأنتم بخير
ماشاء الله تبارك الله ..
عافاكم الله أخي : محمد بن راشد ..
موضوع جميل :good: ... صور أجمل :good: :good: .. تعليقات ووصف أجمل وأجمل :good: :good: ...
جهد راااااائع تشكرون عليه ... :good2:
جزيتم خيرا ً...
--------------------------------------

[راع الحبارى]

مشكورعلى الصور الجميله والممتعه

[بوخلـــيفة]

هااااااااااااااااااااااااااهههييييييييييييييييييخخ خخخخخخخخخخخخخخخخخخ:D :D :D
\





:no2: :no2: لالا رحت فيها حاط الصووووووووووورة وانا نايم خخخخ





ما دريت انك بتحط الصور في النت




لالالا عادي اخوي


موضوع ولا احل اخوي بوراشد مشكور مشكور على العرض الطيب




اهم شي الكشاف للمهمات الصعبة خخخخخخخ

[فايز العامر]

موضوع رهيب مدعوم بالصور،، بس لو سلم من الشيشة أجارنا الله وإياكم منها ومن سمومها ومن رائحتها،،،





رعاد ،،، أخيكم...

[هاوي الطلعات]

رحله سعيده وعساكم عالقووة دائماً ودي اني معاكم شوقتونا للطلعات والطبخ والنفخ حقيقه أبدعتم في الطبخ .

الحمد لله على سلامة وصولكم سالمين غانمين يابو خليفه ويابوسعد .

تحيه من القلب
من هاوي

[محمد بن راشد]

سندباد الخليج جعل من جابك الجنة ياغالي والواجب معروفين فيه يأهل السعودية مهب غريب عليكم والمرة الجاية نبغي مخوتك :good:


سيد النشاما الله يسلمك يابعدي من كل شر شاكر لك ;)


wannan الله يجزاك خيــــر :p


راعي الحبارى العفو وأنشاالله أنك تصيد الحبارى هالسنة وتبشرنا في هالمنتدى الطيب :)


رعاد أخوي الشيشة كانت فالصورة الثانية وكانت بالغلط وأخوانا المشرفين أحذفوها ماقصرت ياغالي :good:


هاوي الطلعات تسلم عالرد الطيب ياشيخ وأنشاالله المرة الجاية جهز فراشك نبغي مخوتك :D









شاكر لكل من مر هالموضوع وشارك فيه وجعل فالكم الجنة

[محمد بن راشد]

هااااااااااااااااااااااااااهههييييييييييييييييييخخ خخخخخخخخخخخخخخخخخخ:D :D :D
\
:no2: :no2: لالا رحت فيها حاط الصووووووووووورة وانا نايم خخخخ
ما دريت انك بتحط الصور في النت
لالالا عادي اخوي
موضوع ولا احل اخوي بوراشد مشكور مشكور على العرض الطيب
اهم شي الكشاف للمهمات الصعبة خخخخخخخ


بوخليفـــــــة أنا قايلك أني بانزل الصور وخذت منك الموافقة المعتمدة والشاهـــد أخوي بوسعــد تبغيني أكلمة :D

شاكر لك يابعدي

[ابوالزبير]

الله يعطيك العافيه ^_^

[محمد بن راشد]

ابوالزبير[/color]]الله يعطيك العافيه ^_^






الله يعافيك يا أبوالزبير وتسلم عالمرور ........

[فرخ الأحرار]

ماشاءالله وشذا الرحله الطيبه..

بس مفروض مريت علينا..ونمت وتعشيت..

والله شهيتني على ذا الطبخ ماشاءالله..

والحمدلله فككم الله من ذا العقرب..
والرحله باين عليها متربه ماشاءالله..

بالتوفيق اخوي الغالي محمد

تقبل ارقى التحايا العطره.
ابوبدران

[محمد بن راشد]

ماشاءالله وشذا الرحله الطيبه..
بس مفروض مريت علينا..ونمت وتعشيت..
والله شهيتني على ذا الطبخ ماشاءالله..
والحمدلله فككم الله من ذا العقرب..
والرحله باين عليها متربه ماشاءالله..
بالتوفيق اخوي الغالي محمد
تقبل ارقى التحايا العطره.
ابوبدران



مرحبا مليون حيالله فرخ الأحرار وجعل من جابك الجنة والمرة الجاية أبغيك خوي يالغالي

شاكرلك ياغالي