فرانشي الإيطالية خبركم فيها لا هنتم

[القناصk]

السلام عليكم ورحمة الله وبركاته

يالربع وش رايكم بالفرانشي الإيطالية يقال لها أظن ( ريبتور ) تجي فيبر لونه مثل لون الخشب هل هي شوزن طيبه وتتحمل الكرف وهل متوفر قطاعها وهل هي من إنتاج شركة البنلي

علماً إن فيه فرانشي إسبانية نفسها بس تختلف الكتابة


تكفون الفزعة

[القناصk]

المشاهدة 75 ولا أحد فادني يالربع الفزعة

[الشمروخي]

مدامك وصلت قيمته خذا بريدا فل شك ٣٠ اطيب منه الاسبانيه به بعض العيوب مثل حذفه يسار كسر الابره انشعار الحاضن بسرعه

[متولع]

هج عنه اغلبهن فيهن عيب مصنعي انت وحظك،،،!! اكلمك من واقع تجربة الا اذا تقول بغير الماصورة

[قناص جبل شمر]

انا مجربها سنة والله العظيم مافية مثلها

[خالد الحائلي]

انا عندي الاسبانية
صراحه ماشاء الله مافيه اخف منها ولا ادق منها
واغلب اللي يقولون حذفه يسار انا اقول له شد يدك ولا تجي الحذفه

اما هي لااصل ايطاليه بس انتقل المصنع لاسبانيا
ولا الشعار باقي علم ايطاليا فيها