المساعد الشخصي الرقمي

مشاهدة النسخة كاملة : سلسلة مشاكل الباترول .. انكسرت سنة البوجي في محلها !


N.m.a
18/12/2013, 08:05 PM
السلام عليكم

في سلسلة مشاكل الباترول 2003 كلبريتر الي جت لي في اخر اسبوعين .. اطريت اليوم اسوي له تصفية ، والبواجي من زمان ما تغيرت ( الله يهدي صاحبها القديم ) وكان بعضها صعب الخروج
المكينيكي بخ على البواجي بخاخ علشان يسهل خروجها بعد وقوف السياره لاكثر من يوم عنده ! ومتاكد ان السيارة باردة
انفكن كلهن لاكن بقى واحد انكسرت سنته وبقت لاصقة في مجرى البوجي :(:(

وش السوات ؟
والمهم يا جماعة ابي اتطمن هل ممكن تنشال بدون فك راس المكينة ؟
قصدي ان المشكلة هذي موجودة وسهل التعامل معها لان ما اودي افك الراس ( فيس واحد يصيح )
ماجد الحايلي
18/12/2013, 08:49 PM
وعليكم السلام
والله ماادري بالضبط يمكن مااقدر افيدك واجد
لكن اذكر واحد من الشباب انكسر مسمار بقزوز
الماكينة وحاول ماحصل له حل الا خرط وفك
وماادري وش يعني شغلة طويلة ومكلفة
الشاهد انه راح لميكانيكي وجاب مسمار ولحمه
على المسمار المكسور وبعدها فكه وانفك معه
وممكن انت لو تسوي نفس الطريقة او تجيب دريل
وتحفر البوجي المكسور او تخليه يدور عكس او شي
ممكن ينجح معك هالحل.
اعانك الله وانا انتظر ردك ان شاء الله اذا لقيت حل
لانه مهم هو الموضوع وممكن يصير لاي واحد منا
واذا وضعت الحل بموضوع مع الصور نكون لك
من الشاكرين
موفق خير
N.m.a
18/12/2013, 09:01 PM
هذا المحتمل .. البوجي انكسرت الخزفة حقته او مدري وش اسمها ( الجزئ العلوي من البوجي من عند مكان اطلاق الشرارة ) وبقى بالمكينة الجزئ الاخر وهو الجزئ الحديدي الي فيه سنه

ابي بس احد قد حصلت له يطمني حرام افك المكينة
التمسساح
18/12/2013, 09:19 PM
ركب البواجي والمكسور خله وروح عليه اقرب مخرطه ويفكوه
فرار
18/12/2013, 10:34 PM
هذا المحتمل .. البوجي انكسرت الخزفة حقته او مدري وش اسمها ( الجزئ العلوي من البوجي من عند مكان اطلاق الشرارة ) وبقى بالمكينة الجزئ الاخر وهو الجزئ الحديدي الي فيه سنه

ابي بس احد قد حصلت له يطمني حرام افك المكينة
السلام عليكم ورحمة الله**هذي اول مشاركه لي في هذي الخيمة وان شاء الله راح اكون عضو فعال في هذي الخيمة وغيرها بنسبه لمشكلتك اخوي قد صارت معي ومدام الجزء الحديد الي يركب فيه المفتاح موجود لاتشيل هم ركب مفتاح اخر نوعيه ممتازه وفك البوجي
كن متفائلا
18/12/2013, 11:53 PM
مجرد أقتراح ...

فيه مادة معجون تخلطه يصير مثل اللحام

تحط المادة داخل مفك البواجي ومباشرة للبوجي المكسور

وتنتظر ثواني لين ينشف وتفك البوجي بأذن الله
حطاب الشمال
19/12/2013, 12:02 AM
انا صارت معي نفس الحركه وطلعت بسيطه جدأجدأ

اقرب مخرطه وشغلتها ربع ساعه وللمعلوميه عند حقين

المخارط تعتبر حاجه بسيطه
N.m.a
19/12/2013, 05:12 AM
الحمد لله جزاكم الله

بيكون فيه رد هنا بعد ما اروح للمخرطة
جزاكم الله خير
N.m.a
19/12/2013, 03:43 PM
ودوها الورشة للمخرطة .. وفكوا قطعة البوجي لاكن اطروا لتركيب جلبة مدري جلدة علشان يركب فيها البوجي في المستقبل لان سنة المكينة خربت

هل هذا امر طبيعي ولن يضر بالمكينة مستقبلاً ؟