الى الاستشاريين في خيمه الصيد البحري

[the sharp sha]

بسم الله الرحمن الرحيم
السلام عليكم ورحمه الله وبركاته
وكل عااااااااااااام وانتم بخير ان شاء الله وصحه وسلامه (مع انها جات متاخره)
جايبلكم فوازير بما انه رمضان خلص حنقول فوازير العيد :D
يوم الجمعه هذا 5/10 رحت الى الحمره في جده وحدقنا هناك تحديق مبتدئين على قد حالنا :p
بس فجاءتني اسئله كثيره فقلت مالها الا رجالها حبايبي اعضاء منتدى مكشات الله يحفظهم
والاسئله هيا :
1- كان بجانبي فلبينين وسعودين المهم الكل يستخدم شئ غريب عليا وهو الدود ؟؟
انا كنت اظن انها فقط في فلم كرتون فقط:D بس طلع انها تستخدم , سالته قالي هذا دود بحر
ياريت تقولولي من فين اجيبه ؟؟؟ وكيفيه تركيبه لانه قالي لازم تركبه وما تخرج مويته وكذا بس مافهمت
وياريت ترتيبه في لائحه الطعم هو افضل ولا الحبار ولا الجمبري وهكذا

2- انا كل ما حدقت صدت الصخور الي في القاع نص الوقت يضيع انا اربط الميادير والثقل وبعدين ارمي واذا هيا تعلق :( واقطعه وهكذا :( :( (لماذا انا لوحديالتي تعلق معه :confused: :( ) ياريت تقولولي الحل وهل ينفع صيد سمك كبير مع استخدام العوامه(الطفاحه)
وهل الاماكن العميقه المليئه بالصخور تنفع لصيد وهل هيا غنيه بالسمك ؟؟

3- كيفيه ربط او خياطة السمكه(اليم) الذي طوله من5 الى 12 سم يعني مثل الميده ؟؟؟هذا للحداقه من السيف بالقصبه وهل استخدم معها ثقل ام لا ؟؟؟وما رقم الميدار ؟؟؟

4- رايت الاخرين بعد مايرموا بالقصبه على طول وبسرعه يلفوا الخيط بواسطه المكينه لماذ؟؟ وكيف افعل بعد ما ارمي هل اترك الحديده التي على المكينه مفتوحه واتركها تاخذ المزيد من الخيط ام اقفل الحديده مباشره وامنعها من اخذ المزيد من الخيط (لانه شخص قلي اتركها عشان تنزل للعمق )) ؟؟؟

وفي الاخير الذي سيجيب على جميع الاسئله سوف يكسب ثواب كبير من الله
وهذه الصوره ثمرة تعليمكم لنا واجابتكم على اسئلتي فلكم الشكر الجزيل والثواب العظيم ان شاء الله
مع انها سمكه متواضعه وصغيره لكنها تتوافق مع مستواي المبتدأ (السمكه الفضيه)
http://dc24.4shared.com/img/5090975/443a2b36

اظن طولها 10-12 سم ماهو نوعها ؟؟؟؟؟؟؟؟؟
وهذا مجموع صيدنا المتواضع
http://dc24.4shared.com/img/5091111/a3a27e74
ولكم جزييييييييييييل الشكر وااسف جدا على تعبكم معي لكن الواحد لن يتلعم الا اذا سال
فما بالكم اذا سال خبراء مثلكم ؟؟ سيوف يصبح استاذ وليس فقط يتعلم
والسلام عليكم ورحمه الله وبركاته

[gulfhunter]

السلام عليكم ورحمة الله وبركاته

حياك الله أخوي the sharp sha في منتديات مكشات وبالأخص الخيمه البحريه وان شاء الله تلاقي اللي يسرك ويرضيك وتفيد وتستفيد

اخوي بالنسبه إلى الدود اللي تقول عنه مامر علينا لكن الدود اكثر مايستخدم بالبحيرات او الأنهار وأعتقد افضل ناس تسألهم هم اللي كانو يصيدون بهذا النوع وهم يساعدونك والتعليم يبكون مباشره

شوف اخوي انا ماجربت اصيد بحر جده ولا عندي خبره لكن.... إذا المنطقه اللي تصيد فيها مليان صخور ولا تستطيع انك ترمي خيطك قبل الصخور ... فعليك انك تكبر الطعم وترميه بدون بلد ومن المهم عدم تحريك الخيط ..لأن تحريكه يخليه يعلق بين الصخور واول ماترمي الخيط بسرعه اسحبه شوي على اساس يكون مسموت وتحس بالخيط

3. بالنسبه إلى شكة السمكه بالميدار موجود اكثر من موضوع بالمنتدى .. حاول تشيك عليهم

بالنسبه إلى السنارات انا مااستعملته من قبل ولكن زي ماقلت لك يمكن لنفس السبب ....

الله يوفقك ويبارك فيك

[بو راشـد]

وعليكم السلام ورحمة الله وبركاته
حياك الله أخوي وحياك الله ........ بلنسبه للسؤال الأول الدود إلي كان يستخدمه يوجد نوعين نسمي النوع الأول (دود قلم) وهو يتواجد على الأسياف الرمليه ويكون جزء خارج منه ويكون شكله مثل الخيط وعليه بعض الصبان والأحجار الصغيرة لاصقه فيه ونوع ثاني يسمى (دود زراعي) يتواجد في الحدائق والأماكن الزراعيه ويكون لونه أحمر وجسمه طويل .... وأنا الصراحه ماجربت أي واحد منهم بس يقولون انه طعم ممتاز خصوصا حق الينم والفسكر ...... ولاكن أعتقد انه الربيان والحبار والعجين طعم جيد لأغلب الأسماك ولاكن إذا بغيت طعم ممتاز عليك (بلشريب) وهو سرطان البحر الصغير الذي يتواجد بين الصخور القريبه من الساحل فعليك أنك تروحله في الليل وتكون المايه في ادنى جزر وتاخذ معاك مصباح الكهربائي وتقد أتصيد فيهم بيبدك وتجمعهم....ويفضل الحداق فيه وهو حي إذا أمكن وطريقه تركيبه في الخطاف او الميدار أكسر قواطعه (مقصه) وحط الميدار من بطنه وخرجه من ظهره وأحدق فيه بدون ثقل وإذا كان البحر فيه موج او تيار قوي حطلك ثقل ولاكن صغير الحجم........ والخيط المستخدم رقم 40 او 50 والخطاف او الميدار رقم 11 او 12 او 13
وإذا كان الخيط يشير تحت في الحجر فلا تحط ثقل مثل ماقال أخوي بوعبدالله.... والسناره اخوي لازم تستخدم معها ثقل عشان ترمي الخيط ويروح بعيد وأحجام الميادير كما قلت لك ولين ترمي خل قطعه الحديد مفتوحه لين ينزل الثقل في القاع وبعدين سكر القطعه وبعدين عدل المسافه إلي تبيه إذا تبي ........والعوامه تستخدم حق الأسماك إلي تسبح في أعلى الماي مثل الحاقول ونعم تقدر أتصيد بخيط 80 وميدار 9 او 8 واليم السمكة الي حاطة في الصوره إلي لونه فضي والصوره غير واضحه بس أعتقد أنها (مصلغه) وهذي السمكة اخوي خوش ييم حق السمك الكبار مثل البالول والهامور والسبيطي ودام أنه مكان إلي تحدق فيه في صخور نزلك خيط 80 فيه ميدار 8 او 7 او 6 انه ماعرف شلوضع عندك بس المهم شك لسمكة في الميدار ورميه على الصخور إلي في البحر او امامها وإنشاء الله أتصيد بالول او هامور لأنه يعيش في الأماكن الصخريه والأسماك غالبا تحب الأماكن الصخريه لتوفر طعام الأسماك............

وإذا تبي أي شي أنا حاظر وتحياتي.........................

[the sharp sha]

جزاك الله الف خير استاذي gulfhunter (http://www.mekshat.com/vb/member.php?u=7686)
كفيت ووفيت وانشاء الله راح اطبق الكلام الي قلته
تحياتي لك

[the sharp sha]

الصراحه افادتني وزياده استاذي بوراشـد (http://www.mekshat.com/vb/member.php?u=18971)
فجزاك الله كل خير
بس لو عندك خبر بطريقه وضع الدودة لانه يقولون يجب ان لاتخرج منها المويه فكيف الطريقه ؟؟؟
ولا استغني ابدا عن خبرتك انت والاخ gulfhunter (http://www.mekshat.com/vb/member.php?u=7686)
وان شاء الله راح استفيد من شرحكم
تحياتي لك

[بو راشـد]

ياهلافيك اخوي ماقمت إله بلواجب وحاظرين طال عمرك..... والله الصراحه كما قلت لك من قبل لم أجرب الحداق بلدودة بس يا خوي ماظن انه الماي مابيطلع منها لين بتركبه في الميدار لأنه جسمها لين وكلها ماي ولا فيه جسمه مكان يابس او صلب فإذا شكيته في الميدار على طول بيطلع الماي ونصيحتي أنك تسأل إلي جفته يستخدم هلطعم لأنه بيفيدك أكثر ..................
وتحياتي .................

[the sharp sha]

ان شاء الله اذا حصلته سالته
وجزاك الله خير