المساعد الشخصي الرقمي

مشاهدة النسخة كاملة : يالربع شوفوا لنا حل تراهي واصله من الباترول


بندر الكبيري
19/12/2013, 01:55 PM
السلام عليكم
فيه حنه في الموتر وشيكت على تماتيك المروحه طلع سليم
الحنه ونا ماشي والقير على الثاني يحن على 40 واذا غيرته للثالث هدا شوي
واذا وصل الثالث 60 قام يحن واذا غيرته للرابع هدا
واول ماشيل رجلي عن الدعسه يخف الصوت
ملاحظه : الموتر 2009 ماشي 25 الف فقط ونوعه سياحي مكينه 4500
مع العلم ان الكفرات عريضه والجنط 17
كذلك اذا وقفت السياره وفتحت الكبوت احسن ان المكينه صوتها مرتفع قليلا مو مثل مكينه 2007
وسلامتكم
sgl2002
19/12/2013, 06:53 PM
شلون شيكت على تماتيك المروحه وطلع مضبوط

اكيد اي واحد بتروح له من هالصناعيات بيقول تماتيك المروحه يشتغل
لانه يشوفه قدامه يدفع هواء

لكن المفروض تماتيك المروحه اول ماتمشي يفصل ولاعاد تسمع له حس ويخف صوت المكينه
San Francisco
19/12/2013, 08:09 PM
طيب جرب عشق بالرابع وامش شف يمشي ولا يطفى
اذا مشى علمتك
sgl2002
20/12/2013, 03:24 AM
^^^
تقصد كلتش خربانه؟!
شاق النفد
20/12/2013, 04:59 PM
هذا صوت حنة مروحة المكينة وتراها طبيعية وخصوصا في النيسان صوتها مرتفع

الحل هو انك تلغي المروحة المكانيكية وتركب مراوح كهرب وىختفي صوت الحنة
شاق النفد
20/12/2013, 05:04 PM
طيب جرب عشق بالرابع وامش شف يمشي ولا يطفى
اذا مشى علمتك

اذا كان قصدك الكلتش فترى ماله دخل ابدا لانه اذا مشى الموتر انتهى دوره
لان صوت الكلتش يطلع لا صرت موقف الموتر ومفضي القير تدعس يروح الصوت
San Francisco
20/12/2013, 07:01 PM
الي اقصده الدزق يكون مهتري بص الشباب يركي رجله على الكلتش وهو ماشي
بما انك عشقت بالرابع وطفت أمورك طيبه بقى عندك تماتيك أو كلتش المروحه
والسيارة طافيه حرك المروحة شف ثقيلة مره
قبل تغيرها فكها المروحة وشغل شف الصوت كيف يفرق
اذا جئت تفكها خل السياره بارده عشان ما ترتفع الحراره مع أن الجو بارد
San Francisco
20/12/2013, 07:07 PM
اذا كان قصدك الكلتش فترى ماله دخل ابدا لانه اذا مشى الموتر انتهى دوره
لان صوت الكلتش يطلع لا صرت موقف الموتر ومفضي القير تدعس يروح الصوت

قصدك صوت الفحمه حقت الكلتش إيه تروح اذا دست كلتش واحيان يكون صوت رمان موب فحمه
مهند 2009
24/12/2013, 02:08 AM
كل البواترل من 98 وطالع كذا

فية صوت قريب من الونة او الحنة واذا دعست الكلتش يختفي

طبيعي جدا بأذن الله
almo3jl
24/12/2013, 04:22 AM
مشكلتك بالكفرات شوف اي واحد تعرفه عنده اخو موترك وكفراته سليمه وبدلهن وامش عليه وجرب يروح الصوت ولا لا انا أتوقع هذي المشكلة والله اعلم
مجالس الرجال
24/12/2013, 10:04 AM
عندي بموتري 2009 ماشي 40000 الف حنه واعتقد انه من التماتيك
وكان عندي باترول 91 الحنه عالية بالحيل وركبت توماتيك مروحة جديد اصلي
ونفس الصوت
اذا عندك صفت على توماتيك المروحة فخله على حاله وبلاش خساير
بندر الكبيري
24/12/2013, 02:13 PM
يعطيكم العافيه جميعا
اخوي ( مجالس الرجال) موترك 4500 أو 4800
والحنه وانت ماشي او انت واقف
شكرا لك
بندر الكبيري
24/12/2013, 06:45 PM
الحمد لله تم التأكد من اكثر من سياره ان الصوت طبيعي في الباترول
والله يجمل حالكم ماقصرتوا يارجال