المساعد الشخصي الرقمي

مشاهدة النسخة كاملة : » للبدل فقط باب خلفي جي اكس هدد بجناح مع باب خلفي بدون جناح


التعـ King ـديل
19/12/2013, 06:31 PM
السلام عليكم ورحمه الله وبركاته

للبدل فقط باب خلفي جي اكس هدد بجناح مع باب خلفي بدون جناح

اللون ذهبي موديل 2013

للتوضيح انا موتري جي اكس هدد خلفيه لكزس مع جناح

ابي باب خلفي فوق خلفيه لكزس بدون جناح
سفير الحيا
24/12/2013, 07:32 PM
مرحبا يالتعديل

والله ياخوك أنا أشوف خلفيه أفضل من الباب وموترك جديد لا تروح تلعب فيه !!

موتري 2010 ماطرالي أغيّر به شي حمد لله خلفيه ولو كان باب ماغيرته

الباب انا سمعت اذا كان توليف بتتعب في وزنيته وفوق هذا كله أصوات لاطلعت بالبر تحس يقرع

هذه وجهة نظري ونصيحتي لك وانت أبخص

بالتوفيق
التعـ King ـديل
25/12/2013, 12:53 AM
جزاك الله خير

انا اقصد اني ابدل الباب العلوي مع باب علوي مثله بدون جناح
s1s1
25/12/2013, 09:04 AM
ياخوي وشوله تفك الباب فك الجناح وارتح
التعـ King ـديل
25/12/2013, 04:09 PM
ياخوي وشوله تفك الباب فك الجناح وارتح


فكيت الجناح ولقيت البدي مخرم 6 تخريمات تقول الجناح بينحاش

ولا ابي ارش
مدهوش
25/12/2013, 04:23 PM
سلام عليكم ورحمة الله وبركاته

لي تعقيب بسيط ولك حرية الإختيار يا صاحب الموضوع .

معي فكسار 2003 عليه جناح (بلد) وما جاز لي قمت فكيته ولقيت البدي مخرم وحليتها بوضع سدات بلاستيك (لاصق) اللي يسكرون فيها الفتحات فوق تندة السيارة لو فرضا كان فيها خرم حق اريل او شي من هالقبيل .

بعد ما سديت الفتحات بالسدات المذكور (طبعآ اللاصق حقا قوي جدا) قمت جبت بويه نفس بويه السيارة من محل متخصص وبفرشاه صغيرة دهنت السدات ومشت الأمور لها الآن قرابه 5 سنوات ومن ابدع ما يكون ولا يلاحظها (إلا المقرود اللي يدقق بقوه ولازم يكون قريب).

تستفيد ان باب سيارتك يبقى بلد وبدون فك وتركيب والله يسهل امرنا وامرك .

تحياتي
التعـ King ـديل
25/12/2013, 08:39 PM
اخوي مدهوش موتري ذهبي ولا ودي اخربه

وهذا سبب حيرتي

موقعك وين يمكن ازبط الموتر انا وياك :D
راعي الرود
25/12/2013, 08:47 PM
انا موتري من الجيل القديم و فاك الجناح و مخرم فتحتين وحده يمين ووحده يسار

و ركبت سده بس اللي بيدقق واضحه السده على انهن ثنتين

وانت ست خروم يعني ما انصحك بالسده ولو تبي اصورها لك تشوف شكلها ماعندي مانع

اشوف بدال السده تركب كلبسات احسن وتنقط عليها بويه نفس لون الموتر بس لا طرى عليك تفكها يمكن لازم عمليه جراحيه :D

لكن عندي لك فكره بدون ماترش ..

فك الجناح و رح لشركات اللي عندهم لصق الحمايه حق السافي وغيره و لصق مكان الجناح و بالبويه اللي بالدرج نقط على فتحات المسامير بلكن تزبط بدون رشرشه :D