مشكلتي في حذفت السيارة لليمين ومالقيت حل لها !!! سنة كامله

[gmc93]

السلام عليكم ورحمة الله وبركاته

يااخوان انا بقولكم قصتي كامله مع الحذفه

انا والحمد لله والشكر له معي دودج فايبر 2004 عداد السيارة حول 22 الف وصارلي حادث برصيف قبل سنة والحمد لله ماصار شي

من بعدها الموتر صار يحذف يمين وفيه زي التموج لما اسرع حول 100

وديته

العضيب الاساسي بالصناعيه القديمه ويقولي وزن اذرعه ويوزن الموتر ويجلس سيده يوم واحد وترجع الحذفه ثانيه !!!

وديته السبيعي بالصناعيه القديمه << طبعاً هذا لعب بالموتر وتوي اكتشف السالفة قال انا اعدلها لك 100% وعدلها ماشاء الله وجلست حوالي شهرين لاحذفه ولاتموج ابداً لكن يوم رجعت رحت له مارضى يشتغل ثاني بالسيارة

وديته ميزان الحرمين اذا تعرفونه نزلني تحت شفت قواعد المقص اليمين معفوطه وهذا الى سواه السبيعي عشان تنوزن السيارة !!!!!! صلحها لي الحرمين والحمد لله تعدلت وماشاء الله الموتر جلس اسبوعين او ثلاث سيده لايلف ولاشي لكن رجعت المشكلة ثاني

وديته عند اطاري للكفرات قالي وزن اذرعه بـ 350 ريال وزنت وبعد اسبوع نفس المشكلة !!!!!!

رجعت للحرمين لانه هو الوحيد الى مرتاحله فقالي هذي جلد المقصات بعد ماكانت مضغوطه بسبب عفطت ورشة السبيعي لها الحين كل مانربط المقص يرجع ينحل خفيف ويميل الموتر !! لانه يوم يشد على المسامير ثاني يرجع الموتر سيده مايحذف يمين

انا ماعندي مشكلة اجيب جلد المقصات كلها 700 ريال لكن بيني وبينكم طفشت من هالسالفة

ابي شخص فنااااااااااان يكشف عليها

ولحد يقولي الوكاله لانها دخلت لهم وقالو لي فيلم هندي امريكي وسحبت عليهم

والمطيويع مايعرفون للسيارة ابداً


انا حالياً لابغيت امشي بالموتر لازم امسك الطاره بقوة واكسرها خفيف يسار واذا تركتها على طول تروح يمين

[الزَمَنْ الجَمُيلْ]

ياخوك الجلد حتى لو غيرتها والمقصات مي مضبوطه تمشيك فتره


على قولتهم (تصبيره) ويبدأ يااثر عليها المقص شوي شوي لما تكون مثل اللي قبلهاا


انا اشور عليك وانا اخووك انّك تغير مقصّات وأذرعه كامله "اللي تاثرت من الضربه"


تطلبهم من وكالة سيارتك وأمرك لله .. وبإذن الله انها مشكلتك تنتهي



والله ييسر لك امورك ويقويَك

[أبو نقزه]

السلام عليكم ورحمة الله وبركاته

يااخوان انا بقولكم قصتي كامله مع الحذفه

انا والحمد لله والشكر له معي دودج فايبر 2004 عداد السيارة حول 22 الف وصارلي حادث برصيف قبل سنة والحمد لله ماصار شي

من بعدها الموتر صار يحذف يمين وفيه زي التموج لما اسرع حول 100

وديته

العضيب الاساسي بالصناعيه القديمه ويقولي وزن اذرعه ويوزن الموتر ويجلس سيده يوم واحد وترجع الحذفه ثانيه !!!

وديته السبيعي بالصناعيه القديمه << طبعاً هذا لعب بالموتر وتوي اكتشف السالفة قال انا اعدلها لك 100% وعدلها ماشاء الله وجلست حوالي شهرين لاحذفه ولاتموج ابداً لكن يوم رجعت رحت له مارضى يشتغل ثاني بالسيارة

وديته ميزان الحرمين اذا تعرفونه نزلني تحت شفت قواعد المقص اليمين معفوطه وهذا الى سواه السبيعي عشان تنوزن السيارة !!!!!! صلحها لي الحرمين والحمد لله تعدلت وماشاء الله الموتر جلس اسبوعين او ثلاث سيده لايلف ولاشي لكن رجعت المشكلة ثاني

وديته عند اطاري للكفرات قالي وزن اذرعه بـ 350 ريال وزنت وبعد اسبوع نفس المشكلة !!!!!!

رجعت للحرمين لانه هو الوحيد الى مرتاحله فقالي هذي جلد المقصات بعد ماكانت مضغوطه بسبب عفطت ورشة السبيعي لها الحين كل مانربط المقص يرجع ينحل خفيف ويميل الموتر !! لانه يوم يشد على المسامير ثاني يرجع الموتر سيده مايحذف يمين

انا ماعندي مشكلة اجيب جلد المقصات كلها 700 ريال لكن بيني وبينكم طفشت من هالسالفة

ابي شخص فنااااااااااان يكشف عليها

ولحد يقولي الوكاله لانها دخلت لهم وقالو لي فيلم هندي امريكي وسحبت عليهم

والمطيويع مايعرفون للسيارة ابداً


انا حالياً لابغيت امشي بالموتر لازم امسك الطاره بقوة واكسرها خفيف يسار واذا تركتها على طول تروح يمين

سيارتك رياضيه وماعتقد بتلقى احد مر على تجربه فيها وحلها

لكن كل الحلول اللي بتجيك مجرد توقعات

لكن المتعارف عليه ان السياره بعد الحادث لايمكن ترجع شد بلد
صارت معي فمازدا وصلحوها على التامين فالوكاله مافيه الا تغيير قطع جديده

وصارت عندي حذفيه ومحد قدر يحلها نهائيا

فحبيت اوضح لك كم شغله عن تجربه
العضيب له اكثر من فرع
جرب تروح للفروع الباقيه وصدقني كل فرع بيعطيك كلامك يختلف عن الفروع الثانيه وهذي جربتها معهم وطلعوا ماعندهم سالفه
بالنسبه لجلود المقصات
هل لاحظة عليها تلف او تشققات ؟
ولو ان الحذفه اللي فيها حسب وصفك قويه مره فهذي غالبا تكون من أنظمة التعليق يبدو انها تضررت من الحادث

[gmc93]

ياخوك الجلد حتى لو غيرتها والمقصات مي مضبوطه تمشيك فتره


على قولتهم (تصبيره) ويبدأ يااثر عليها المقص شوي شوي لما تكون مثل اللي قبلهاا


انا اشور عليك وانا اخووك انّك تغير مقصّات وأذرعه كامله "اللي تاثرت من الضربه"


تطلبهم من وكالة سيارتك وأمرك لله .. وبإذن الله انها مشكلتك تنتهي



والله ييسر لك امورك ويقويَك


المقصات والاذرعه سليمه مافيه حتى خدش بسيط والحمد لله الى تأثر عندي عظمة الفلنجه انكسرت وغيرتها

ولو بطلب المقص فوق وتحت حوالي 12 الف والاذرعه يالغالي حوالي 1500 مع انها سليمه لو تنزل للسيارة من تحت مافيه الا كل عافيه الحمد لله


فهذا الى مدوخني كل شي سليم

[gmc93]

سيارتك رياضيه وماعتقد بتلقى احد مر على تجربه فيها وحلها

لكن كل الحلول اللي بتجيك مجرد توقعات

لكن المتعارف عليه ان السياره بعد الحادث لايمكن ترجع شد بلد
صارت معي فمازدا وصلحوها على التامين فالوكاله مافيه الا تغيير قطع جديده

وصارت عندي حذفيه ومحد قدر يحلها نهائيا

فحبيت اوضح لك كم شغله عن تجربه
العضيب له اكثر من فرع
جرب تروح للفروع الباقيه وصدقني كل فرع بيعطيك كلامك يختلف عن الفروع الثانيه وهذي جربتها معهم وطلعوا ماعندهم سالفه
بالنسبه لجلود المقصات
هل لاحظة عليها تلف او تشققات ؟
ولو ان الحذفه اللي فيها حسب وصفك قويه مره فهذي غالبا تكون من أنظمة التعليق يبدو انها تضررت من الحادث

صادق العضيب كل واحد يقول سالفه وانا بيني وبينك طفشت من الصناعيه بكبرها

الجلد فيها تشققات وواحد من الجلد طلع مافيه ورده ورهمو له ورده << توي اذكرها

وانا غيرت مساعدين خلفيه ومسامير توزان خلفيه واماميه قبل شهر كصيانه دورية للموتر والحمد لله مافي شي يحتاج شي

لكن هالحذفه مسببه لي الجنان موتر ابي اتونس فيها صار يحذف ويتموج ( لو ماشي 100 وكان بالطريق شي مرتفع او الطريق مو مستوي لاعديته الموتر احسه يتموج او يلعب خفيف ) وطبعاً هذا فوق 100

[الزَمَنْ الجَمُيلْ]

الله يصخر لك ابن الحلال اللي يسنعها لك

وترجع أحسن من أول أن شاء الله

[San Francisco]

بالنسبه للتموج ياكمر مضروب ولازم يتغير أنسى يعتدل وهذا الأقرب أو مساعد منفقع أو مايل
الأمر الثاني خل الميزان بعد مايوزن يلحم المسمار الي يرتخي مع المقص أو القاعدة حقته بس مؤقت لين تشوف تروح المراوغة أو التموج عشان ما تخسر واجد

[gmc93]

سان فرانسيسكو

المساعدات مافيها تهريب ولا فيها شي والخلفيات غيرتها لانه كان واحد يهرب وغيرت الاثنين جديدة وكاله

ولاتقولي كمر لا تجيني حالة نفسيه الحين لانه تعرف موتري مايجي كمر يجي شاص كامل

المسمار لما يعدله الحمد لله اوصل الى 160 او 180 والموتر ماشاء الله 80% راسي لكن يرجع ينحل واللحام بيخرب الدعوه

-----------------------------------


ونسيت اقولكم يااخوان ميزان الحرمين يوم رجعت له شد لي المسمار زيادة وصارت تحذف يسار ورجعت له واتوقع رخاه سنة وصارت سيده ... ياليت اكون وضحت لكم الى صاير بالتفصيل


وبخصوص الكفرات هل لها دور بالموضوع لانها كفرات شد بلد وانتم شايفين الموتر 22 الف بس والحمد لله

[سيف وقلم]

نفسك عندي حذفية في سيارتي يمين طبعا بعد حادث، رحت لأحد المراكز قلت له سيارتي تحتاج وزن، قال اصبر نشوف أول وقعد يحربش تحت ويقوس، ثم قاس المسافة بين الكفر الأمامي والخلفي صارت المسافة في الجهة اليمنى ناقصة 1 سم عن الجهة اليسرى، قال يبي له سحب كمر ب900 ، قلت بأجيك بعدين.

[San Francisco]

ترا أكبر غلط سحب الكمر ماراح يضبط ١٠٠٪ ١٠٠ والورش شغالين نصب على العالم بقولك سحب كمر بينما سعر الكمر بعض السيارات ١١٠٠
جي ام سي انا اخبر اغلب الدوج يجئ فيه كمر بس مدري عن مكاين ال ١٠ سرندل
لو تصور الفايبر من تحت يمكن افضل بعدين قس الارتفاعات بين الكفرات والرفارف

قبل كم سنه اشتريت بانوراما جت حذفته يمين بالسيارة ما بقى مركز ملاعب بالموتر الي فتح إقفال والي سخن مسمار التوازن والي سحب ولا فيه نتيجه ولي خلا الكفر بارز عن الرفرف وكل هالشغل بفلوس صرت دافع اكثر من ثلاث الاف جلست شهر على ها لحاله من مركز لمركز
آخر شي جالس أطالع بالسيارة بالبيت وأشوف اختلاف بارتفاعات السياره طلعت السياره برى البيت وفكيت ليأت الهيدوليك الأمامي ومشيت لا حذفته ولاهم يحزنون رحت بعدها وبرمجت ارتفاع السياره ورجعت وزنت وزينه الوكالة واستخدمتها سنه من أحلا ما يكون
المختصر أحيانا وتعبث بمكان والعطل بمكان ثاني ماتتوقعه يعني ممكن يصير عندك ياي منطعج أو مساعد منعفط من الضربه بس انت تشوفه سليم

[200]

شف الكفرات يمكن قديمه اوفيها سحكيه شوي والجنط ألي عليه الضربه خله بالخلف نصيحه غير مكان الكفرات

[almo3jl]

شوف اخوي سيارتك سبورت صح وسريعه صحين وغاليه ماقلنا شي بس سيارتك تمشي على كفرات مربعه ولا تطير ولا بساط الريح هههههههه
معليش مستخف دمي اضحك على الي يقولون سيارتك غير وغاليه ولايلعبون فيها ومن هالخرابيط
خلك معاي خطوه بخطوه وانشالله انا الذيب وبن الحلال الي انشالله على يدي بتنحل مشكلتك اول شي انت من كلامك عن العضيب وشلته اللهيبيه
اولا نروح الجميح الي جنب الصناعيه القديمه من صوب طريق الخرج شوف بزاويته يوكوهاما للكفرات ادخل عنده قل ابي ميزان ب١٥٠مهو غالي
ثانيا لما يوزن لك الاذرعه هذي عن السحقيه ماله شغل بالحذفه هذا اذا كان الذراع نفسه خربان اي مطب تضربه يمين او يسار يحذف على جهت الذراع الخربان سواء كان ورا او قدام بس مواصفات بعض السيارات من ورا فيها مميزات وقطع غير الذراع للرساوه ًكذا تسبب الحذفيه ورا لاكن مهو هذا الخراب عندك انت حاجتين مالهم ثالث المسمار حق كرسي المساعد ومسمارالفلنجه ينشدون تلاقيهم فوق بعض اذا انت قريب قبل الضربه مغير المساعد او من الضربه بعدها انعفط مكان المسمار او كامل الفلنجه تضرر وصار نازل ومع الميزان يضبط وبعدها تنزل
نبدأ بالحلول اذا الفلنجه طبعا لازم تتغير كامله ومآلها طب
او المسمار حق كرسي المساعد والفلنجه تخلي العامل عالميزان يرخي المسمار الي تحت ويوزنها بالملي ويرجع يشد اذا سويتها قبل ومانفعت اللحام حل بس ينكسر ويرجع زي اول فأنت وش تسوي هنا تركب بين المسمارين مسمار نفس مقاسهم لو مهو من وكالته بس اصلي وتخليه يوزن لما يضبط الميزان عالشاشه وانت تشوف يرجع يشد المسامير على الثالث الي بينهن وانت تشوف الشاشه اذا تغير يرجع يوزن لما يجي بالملي حل هو الحل مافيه غيره موتري٢٠١٠غيرت القماشات يوم اخربن والسياره شاريها وكاله بعد القماشات صارت تحذف سنتين ونص لما وزنت عند يوكوهاما بالمدينه سألني صادم رصيف ولا سياره من هالجهه ولاالجنط فيه ضربه قلت لاومسك الدريل وهو يضحك قال أكيد مغير قماشات عند هندي هههههههه
طلع حتى لو تغير قماشات لازم يفك الفلنجه على شان يغيرهن لاكن ويشد المسمار مهو عالوزنه
هذا هو الحل والفلنجه تبين لك على الشاشه وزنيته عالشاشه يطلع لك ميزان الاذرعه والفلنجات والاذرعه معليش عالاطاله والتموج اذا فيها هيدروليك او تركتها سنه او اكثر هذي من كراسي البدي اذا تشد عليهن لاتغير

[almo3jl]

معلش عالاطاله الي عندك ميله موحذفيه الميله الدركسون مايل على طول وحله المسمار واذا مع الميله مع المطبات يحذف هو نفس الكفر هذي ذراع خربان ومشكلته مايتصلح تغيير بس او الفلنجه متاثره ولازم تتغير ماتتصلح نسيت الهواء اقل شي يكون الموتر واقف ساعتين ولا مايطلع عياره صح تضبطه نفس الثاني بالملي اذا مانفعت سالفه الهوا جرب الباقي

[MSAN]

كانت عندي نفس المشكلة في سيارة مرسيدس شبح.. وما انحلت الا لما وزنتها ميزان كمبيوتر..



ميزان كمبيوتر وريح راسك لأنه يفحص لك الكفرات الأربع

[gmc93]

السلام عليكم

ابشركم والحمد لله والشكر له

غيرت كفرات اماميه للسيارة والحذفه راحت بنسبة 80% ماشاء الله << ودي ابكي لانه الكفر الواحد بـ 1850 ميشيلان ومهوب رن فلان بعد

وبغير الخلفيات لكن بطلع دبي اجيبها لانه بالسعودية مافيه الا كفرات نيتو سيمي سلك وانا ادور ميشيلان


وموضوع التمويج فحصها احد خبراء الاسبورت وقالي عامود التوازن الخلفي ( جاي مثل العصايه من الكفر اليمين لليسار ) قالي ربلاته تعبانه ويمكن وزنيته لان يتحرك خفيف وقالي انا مااعرف للفايبر والوزن

[سلسيف]

انا مع الاخوان اللي يقولون بدل الكفرات و جرب . يعني حط الكفر اللي في اليمين يسار و العكس او بدل الكفرات الاماميه و خلها في الخلف و جرب و سبق ان صارت معي نفس اللي صار لك و بدلت الكفرات و ضبطت ميه ميه و كانوالورش يتفلسفون علي و سمعت نصيحه واحد من الشباب و قالي بدل الكفرات و ضبط الوضع