راعي العجراء
21/12/2013, 08:46 AM
السلامه عليكم ورحمة الله وبركاته
اليكم هذه السالفه بعنوان
راعي العجراء والنخله
قبل سنين فاتت ماهيب عشر ولا ثلاثين سنين مبطيه يوم عمري بالطعش
كان فيه نخله طويله يحيلها ثلاثين متر وبجنبها واحده ثانيه طولها او اقصر منها بشوي ماهي بعيده عنها مايجي بينهن متر بس بالنهايه يفترقن من طولهن وطول سنينهن ومافيهن كرب حلس ملس
قالوا العيال من يقدر يرقا لللنخله
قلت انا اقدر واوصل بعد عسبانها (الجريد ) قالوا نتحداك قلت لاتحدون راعي العجرا
وانا افسخ ثوبي وفنيلتي ولا يبقى علي الا السروال (السكري) المقوصر اللي حجوله تدخل رجل فيل
شاريه من سوق الحساويه بالديره مقابل محراب الجامع الكبير بالديره
المهم حطيت رجليني بين النخلتين ورقيت بسرعه حسيت انها سهله بهذه الطريقه وواصلت بالارتفاع
والعيال يشجعون ويصفقون وانا احس ان دميجتي بدت تكبر مع كل خطوه ارتفاع
ويوم تعديت عشره امتار يوم بدت النخلتين تتباعد كل مارقا تبعد زياده اخر شي ماعاد قدرت اوصل للثانيه برجلي قلت ياولد القضب ولا التلمس وانا اطمر على وحدة منهن وتمسك بها وانا على ارتفاع 15م تقريبا عن سطح البحر وانا اخمها وتمسك فيها ابغى ارقا ماقدرت ابغى احول ماقدرت يوم انفشت دميجتي
المشكله ماعلي فنيله ومحل الكرب المشوع في صدري وخام النخله بقوه ياخمة الشقاء والغرابيل
وان احاول ان انزل ولكن ببطى ويوم نزلت خمسه متر وباقي عشره تعبت وانا انخرط من فوق ومتمسك بالنخله وماوصلت للارض الا والدم محول قبلي وانا اطيح بالحوض
بسرعه خمسين عقده بحريه على مقياس رختر لو اني مابعد شفت العقده البحريه ولاشفت رختر بس يقولون انها تعادل سرعة الموت
والدليل عن مقدار السرعه ان السكري مابقى منه الا الربقه (المغاط) تقطع بالجو (وتشير التحقبقات الاوليه بعد فتح الصندوق الاسود الخاص بالسكري اتضح ان سبب تقطعه بالجو ناتج عن الهبوط الاضطاري المضلي بالسرعه العاليه والجنونيه) كما تشير التحقيقات االاوليه الوارده ان طلوع الايرباك حق السكري خفف سرعة الاصتدام ومازال التحقيق حاري
عن مللابسات تقطع السكري دون النظر عن ماحدث للكابتن راعي العجرا من اضرار جسيمه لحقت به
والنخله صار جذعه اللي حولت معه ناعم واملس بردته بردة فارة نجار بصدري
المهم شالوني الربع وحطوني بالبركه اللي ماها هماج مالح ويوم اشتبت الجروح من جديد وهم قصدهم يبون اغسل الدم علشان البس ثوبي لايتوسخ من الدم ماهمتهم جروحي
ويوم مرت الايام وحسيت بالعافيه شوي شوي وانا اروح للنخله ومعي بانزين وصبه عليها وولع فيها عاد من حينها يابسه وجاها بانزين وطقها الهواء ويوم صارت مثل الشمعه بس نارها يشوفونها اللي بقبرص
وانا امشي وخليها
وش تقولون عاد اخذت حقي من النخله والا ارجع اولع بعروقها اللي تحت الارض
انتهت السالفه وقبل الختام
سبحانك اللهم وبحمدك لااله الا انت استغفرك اللهم واتوب اليك
اخيكم راعي العجرا
بومبي ولاية طوكيو باليونان
اليكم هذه السالفه بعنوان
راعي العجراء والنخله
قبل سنين فاتت ماهيب عشر ولا ثلاثين سنين مبطيه يوم عمري بالطعش
كان فيه نخله طويله يحيلها ثلاثين متر وبجنبها واحده ثانيه طولها او اقصر منها بشوي ماهي بعيده عنها مايجي بينهن متر بس بالنهايه يفترقن من طولهن وطول سنينهن ومافيهن كرب حلس ملس
قالوا العيال من يقدر يرقا لللنخله
قلت انا اقدر واوصل بعد عسبانها (الجريد ) قالوا نتحداك قلت لاتحدون راعي العجرا
وانا افسخ ثوبي وفنيلتي ولا يبقى علي الا السروال (السكري) المقوصر اللي حجوله تدخل رجل فيل
شاريه من سوق الحساويه بالديره مقابل محراب الجامع الكبير بالديره
المهم حطيت رجليني بين النخلتين ورقيت بسرعه حسيت انها سهله بهذه الطريقه وواصلت بالارتفاع
والعيال يشجعون ويصفقون وانا احس ان دميجتي بدت تكبر مع كل خطوه ارتفاع
ويوم تعديت عشره امتار يوم بدت النخلتين تتباعد كل مارقا تبعد زياده اخر شي ماعاد قدرت اوصل للثانيه برجلي قلت ياولد القضب ولا التلمس وانا اطمر على وحدة منهن وتمسك بها وانا على ارتفاع 15م تقريبا عن سطح البحر وانا اخمها وتمسك فيها ابغى ارقا ماقدرت ابغى احول ماقدرت يوم انفشت دميجتي
المشكله ماعلي فنيله ومحل الكرب المشوع في صدري وخام النخله بقوه ياخمة الشقاء والغرابيل
وان احاول ان انزل ولكن ببطى ويوم نزلت خمسه متر وباقي عشره تعبت وانا انخرط من فوق ومتمسك بالنخله وماوصلت للارض الا والدم محول قبلي وانا اطيح بالحوض
بسرعه خمسين عقده بحريه على مقياس رختر لو اني مابعد شفت العقده البحريه ولاشفت رختر بس يقولون انها تعادل سرعة الموت
والدليل عن مقدار السرعه ان السكري مابقى منه الا الربقه (المغاط) تقطع بالجو (وتشير التحقبقات الاوليه بعد فتح الصندوق الاسود الخاص بالسكري اتضح ان سبب تقطعه بالجو ناتج عن الهبوط الاضطاري المضلي بالسرعه العاليه والجنونيه) كما تشير التحقيقات االاوليه الوارده ان طلوع الايرباك حق السكري خفف سرعة الاصتدام ومازال التحقيق حاري
عن مللابسات تقطع السكري دون النظر عن ماحدث للكابتن راعي العجرا من اضرار جسيمه لحقت به
والنخله صار جذعه اللي حولت معه ناعم واملس بردته بردة فارة نجار بصدري
المهم شالوني الربع وحطوني بالبركه اللي ماها هماج مالح ويوم اشتبت الجروح من جديد وهم قصدهم يبون اغسل الدم علشان البس ثوبي لايتوسخ من الدم ماهمتهم جروحي
ويوم مرت الايام وحسيت بالعافيه شوي شوي وانا اروح للنخله ومعي بانزين وصبه عليها وولع فيها عاد من حينها يابسه وجاها بانزين وطقها الهواء ويوم صارت مثل الشمعه بس نارها يشوفونها اللي بقبرص
وانا امشي وخليها
وش تقولون عاد اخذت حقي من النخله والا ارجع اولع بعروقها اللي تحت الارض
انتهت السالفه وقبل الختام
سبحانك اللهم وبحمدك لااله الا انت استغفرك اللهم واتوب اليك
اخيكم راعي العجرا
بومبي ولاية طوكيو باليونان