لاندكروزر 2000 عندي مشكلة بالعزم

[mohdmmj]

عندي مشكلة لما تشتغل لمبه الشيك انجن (لمبه الماكينه) يبداء عزم السيارة يثقل واذا مشيت عليها تفقع الكنداسة وديتها لورشة لتشيك بالكمبيوتر .. فحص الكمبيوتر طلع شغلتين ... بس العامل ماقصر عطاني اكثر من 8 شغلات اشتريها وتكلفني اكثر من 2000 ريال
1-حساس شكمان
2-حساس قزوز
3-حساس هواء
4-ساعة حرارة ماكينة
5-فلتر بنزين
6-وايرات بواجي
7-بواجي
8-طقم جلد بخاخ
وهذا صورة من فحص الكمبيوتر
http://i529.photobucket.com/albums/dd340/mohdmmj/asqHx_zps756ba4d8.jpg
وبالامس تم تغير حساس اسمه (Knock Sensor 89615-60010) حسب سوالي لميكانيكي اخر هذا هو الحساس المختص بعزم المكينة .. بعد التركيب حصل فرق في العزم ولكن اليوم الصباح بعد تحمية السيارة لمدة 10 دقائق والمشي بعدها رجع لمبه الماكينة تعمل والعزم ثقيل فما هو الحل ياجماعة علما بان تكلفة الحساس (470) وشغل يد (200) لانه تحت ثلاجة الماكينة ..

[أبو الوليد 14]

حياك الله اخوي
حساس الشكمان هو نفسه حساس القزوز وهذااما اعتقد انه ياثر على العزم بشكل قوي
حساس هواء جرب فكه ونظفه ببخاخ الكترونيات إذا فرق معك فالحساس عندك فيه بلا وهو له علاقة قوية بالعزم
فلتر بنزين او صفاية هذي قيمتها رخيصة مايضر تغيرها
بواجي و اسلاكها له دور كبير في عزم السيارة لكن ما اعتقد انه تاثر بالطريقة هذي بحيث تشتغل لمبة المكينة ويروح عزم الموتر
جلد بخاخ ما عندي خلفية عن تاثيرها بالسيارة إذا خربت
لكن اشوف الافضل لك ترجعها للي اشتغل عليها خله هو يزينها

الله يوفقك ان شاء الله

[mohdmmj]

جزاك الله خير (أبو الوليد 14) واشكرك على ردك الاكثر من رائع

[خالد الحائلي]

اتذكر صارت لي المشكله قبل وهو ان البنشري غير السيفون وكان فوقه حساس المكينه
والله يحله كسره لي من غير قصد وولعت لمبه المكينه وضعف العزم
لكن شيك عليه وشوف لانه فوق فلتر الزيت بالضبط

اما اسلاك البواجي تعرف انه ضعيفه عند اول ماتمشي السياره تقع وبعدين تمشي فهذا يعني تغيير اسلاك البواجي ..

لكن اعتقد واللع اعلم انه حساس القزوز تأكد منه ..
واذا اشتريت شوف التشاليح لان الحساسات اسعارهم مبالغ فيها مررره

[mohdmmj]

سلمت يداك اخي (خالد الحائلي) معلومة ذات أهمية
الله ينور عليك

[عرب الشمال]

اخوي انا كان عندي لاند وعزمه مره ضعيف ولمبة المكينه والعه المهم جنني واخر شئ طلع من فيش الحساس اللي جنب الفلتر طبعا هو حجمه تقريبا كبر البوجي راكب في المكينه مع الجنب فيه ناس تسميه اكثر من اسم مثل حساس القرقعه او السلندر

[mohdmmj]

أشكرك من كل قلبي على مرورك وردك أخي (عرب الشمال)
والله ينور عليك

[almo3jl]

يالغالي وتقولون ليش الأجنبي يطقطق عليكم لانه لاقيكم الحين انت بنفسك تقول الخراب بعد الفحص الظاهر انه واحد بس الميكانيكي طلع لك ٨خرابات لاصرت تعرف وتفهم اكثر منه وشوله تخليه يضحك عليك ويغير هالدنياشوف اول شي انت رايح محل جهاز الفحص حقه يفحص فيه كل السيارات <وشو هالجهاز مادرو ناسا عنه ولا كان ياخذونه يفحصون عليه كولومبيا وأخواتها دامه يفحص كل سياره هههههههههه
ذكرني بورشه عندنا كذا جهازهم اي سياره تجي فيها كمبيوتر يطقطق عليها العامل ويضيع كل معلومات الكمبيوتر والبرمجيات واذا توهق قال كمبيوتر سيارتك محترق او خربان ولازم تجيب غيره من التشليح <طيب ليش مو وكاله
لانه أغلى من المستعمل والمستعمر اذا الموتر الي هو عليه بالتشليح على شان حادث قوي ولا انقلاب وسقطه راعيه معناه ان الكمبيوتر سليم وزي الوكاله ويقيره لك فإذا كان من الأساس عطل سيارتك الكمبيوتر منه هو لانه لعب فيه والمستعمل يركب وفيه إعدادات الوكاله طيب وحق الموتر الاول يقولك احترق ولا مامنه فايده وهو السبب كله لان ماعنده جهاز اعاده برمجه كمبيوتر السياره الي هو حصري للوكاله يتعذر بهذي الاسباب
المهم الحين هو طلع لك كود واحد بس وعلى شان ياتصدقه وتصلح ياتنحاش من المبلغ وماتطالبه بمبلغ الفحص
ارجع له اول شي وخلك مسوي زعلان قل عطني فارسي كامله ومالي اشكيك هو راح يتعذر بالفحص ثاني مره انت ارفض هو ماصلح بالاوله ويبي يفحص ثاني ههههههههه
ولما بشوفك مصمل راح يقولك ارجع القطع القديمه الي عليها اول وتأخذ فلوسك وثاني شي موترك كويلات مهو أسلاك
مشكلتك الله اعلم حساس تبخير البانزين كان معاي فورد فيه الكتمه اروح افحص يطلعلي خراب وأغير القطعه وكاله أوكي تمام يضبط الموتر وأمله المكينه تطفي وانا مستانس وتمدح فيه بعد ماطلع منه بساعه او اول مشوار من بعد الورشة يرجع الموتر يطيح عزمه وتولع لمبه المكينه شهر من ورشه بورشه من فحص لفحص طبعا اربع محلات فيه كل واحد أداوم عنده أسبوع وأروج أدور غيره بعد الشهر دخلته وكاله قالتفحص ونزف عليك المهم دق علي قالي موترك خرابه حساس او بلف تبخير التانكي البانزين قيمته بالجزيرة ١٨٠والفحص والبرمحه٢٤٠ وقلت غير زيت القير والفلتر وطلع حسابي ٦٧٠ وانا شهر خسائر فلوس ووقت ودفعت اكثر من قسمت الوكاله ومن يومها وكاله وكاله وكاله وبس
لا واشتريت جهاز فحص وريحت بالي



المهم اذا تبي علم أكيد عليك بفحص ابو جميل ب٢٥٠ وانا أتوقع من الي قلت حساس التبخير واذا تقدر تنظف بوابه الهوا الثروتل وتخليه ينظف لك الاي جي ار هذا سالفته سالفه هالحساس المهم بلا موترك بهالثنتين وانا أتوقع الاوله وغير غطى البانزين بالمره

[mohdmmj]

شكراً جزيلاً أخي (almo3jl)على ردك المفصل الرائع واشكرك مرة أخرى على النصيحة المهمة
- علما باني كنت متصل مع احد الاصدقاء بالوكالة وقالي طريقة غريبة اجيب سلك واشبكه زي الصورة

http://i529.photobucket.com/albums/dd340/mohdmmj/1_zpsd65511b9.jpg
وبعدها قالي شغل السيارة على (ON) وتابع حركة علامة الشيك انجن وعطني كم عدد ومض العلامة وبعدها قالي عندك حساس الحرارة و النوك سنسر مش واصل له كهرباء ؟؟؟ وهذي صورة الشغلات اللي قالي عليها

http://i529.photobucket.com/albums/dd340/mohdmmj/2_zps116ebf95.jpg
http://i529.photobucket.com/albums/dd340/mohdmmj/3_zpsd4b7e617.jpg
- والى الآن أنا محتار مين أصدق أو وين الحل الآمثل لهذي المشكلة
وأشكرك الجميع على تفاعلكم و جزاكم الله خير الجزاء