جهاز لاسلكي بحري

[alarain]

السلام عليكم ابحث عن جهاز ايكوم لاسلكي بحري مع الاريل والقاعدة

اللي عنده ياريت يعطيني خبر

ابو فيصل

[صياد الخبر]

السلام عليكم

بوفيصل

من باب المناصحة
راح ياذونك حقين الحرس ( حتا لو خشيتة وطلعته داخل البحر )
اي دورية بتجيك وبتسوي لك سالفة اذا ما عندك تصريح القنوات البحرية ( التعميم موجود في دار موجة )
بما يخص اجهزة النداء اللاسلكي البحرية

من واقع تجربة

كنت اخذ معاي يدوي ايكوم وبصراحة مفيد ( حتا لو تراسل البنقالية والاهنود حقين البوانيش ) ( او ترسل اشارة الى اي جهاز هاوي يسمعك يرسل اشارتك )

لكن عن طريق مدري هو تتبع الحظ الردي
اقلطوا الحبايب
وهات عمك وهات خشمك واذنك
ويين لك ومن تراسل وانخلوا الطراد من التريج للتريج
اخر شيء قلت له اخوي
( انا داخل بحر ولا يعلم بوجودي في اي غبة الا الله سبحانه وتعالى ولا تعلم ماذا يحصل و و و و و و و )

صرت اعطيهم محاضرات وقصص شيء واقعي وشي خيالي لين اتركوني .

الشاهد

انا قدمت للرخصة اكثر من ثلاث مرات وكل مرة ارسب ( اسئلة نيوتن يخسي يحلها )

وراح استمر اختبر لين اخذها


من ردود احد الاشخاص


اللي أعرفة عن الإتصالات للوسائل البحرية:


1- التصريح من وزارة المواصلات بـ 11000 ريال نعم إحدى عشر ريال عدا ونقدا ما يقبلون الدين.
2- والأجهزة يجب ان تكون على الموجـــه ( 9 ) وهي الموجه الرسمية العالمية.
3- توجد الأجهزة في عـــــــــالم القوارب بالخبر و محلات الخريف بالخبر أيضا.
4- سعر الأجهزة من 3000 الى 5000 ريال تقريبا ولابد من وجود التصريح مسبقا.



http://www.qatarspeed.com/forum/imgcache/60560.png



وان حصل شيء راح ابلغك

والله الموفق

[alarain]

هلا وغلا اخوي

شكراً على النصيحه
انا اللي احتاجه الظاهر غير اللي تتكلم عنه
او انا مافهمت

انا ابي اقلب طرادي نزهة باجر
ومن شروط وزارة النقل لازم يكون عندك جهاز لاسلكي
واللي عرفته انا ان الجهاز تصرحه من هيئه الاتصالات العامه