تركيب مكينة باثفندر 2007 على باثفندر 2005

[راعي جويخان]

السلام عليكم ورحمة الله وبركاته

ياجماعة الخير انا موتري باثفندر 2005
طلع صوت فالمكينة
المهم قالولي الربع ترا فلان خبط موتره وشراء له مكينة
أسأله من وين شراها
المهم اتصلت على الرجال وسألته قال لي أن شراء مكينة باث 2007 وركبها مع بعض التعديلات
الهم انا استغربت كيف تركب
رحت للمكانيكي اللي ركب المكينه قال ركبها وعدل فالحساسات وشغلات في صدر المكينة وركب ثلاجة المكينة الاوله
وسألت راعي الباثفندر بعد تركيب المكينة يقول 100%
ارتاح من مشكلة نقص الزيت

السؤال لكم ياجماعة
وش رايكم باللي صار ووش تنصحوني فيه

[ريثان القصيم]

السلام عليكم ورحمة الله وبركاته

ياجماعة الخير انا موتري باثفندر 2005
طلع صوت فالمكينة
المهم قالولي الربع ترا فلان خبط موتره وشراء له مكينة
أسأله من وين شراها
المهم اتصلت على الرجال وسألته قال لي أن شراء مكينة باث 2007 وركبها مع بعض التعديلات
الهم انا استغربت كيف تركب
رحت للمكانيكي اللي ركب المكينه قال ركبها وعدل فالحساسات وشغلات في صدر المكينة وركب ثلاجة المكينة الاوله
وسألت راعي الباثفندر بعد تركيب المكينة يقول 100%
ارتاح من مشكلة نقص الزيت

السؤال لكم ياجماعة
وش رايكم باللي صار ووش تنصحوني فيه

حلوه بس فيه مشاكل بسيطه تبي تواجهك:
1- الفحص الدوري يسقط ويمكن يبلغون عنك
2-لاتسافر عليه ممكن اذا احتجت صيانه ما احد يعرف للقطع اللي مرهمه
3-عند البيع يطيح سعره قوه
4- واذا لاقدر الله مسكه المرور بمخالفه يبي يتورط من حجز للسياره وغرامه وغيره
عندنا بالقصيم شن المرور حمله على ورش الترهيم واصحاب السيارات المرهمه بدون تحديد نوع السياره ضفوهن كلهن بالحجز وضرب غرامات
من شي شفته الغ الفكره والقرار لك

اخوك
ريثان القصيم

[سيف وقلم]

ما دام واحد جربها ومضبوطة إن شاء الله أمورها طيبة, كم له مركبها؟

طيب كم تكلف؟


بالنسبة للبيع موب شرط يطيح سعره خاصة إذا كان الشغل مضبوط وما فيه مشاكل, شف الباترول مكينة اللكزس

الفحص ما أخبرهم يفتحون الكبوت, شغلهم على المساحات والقزاز والكفرات والكربون والأنوار وتهريبات الزيوت والفرامل, هذا اللي يركزون عليه.

بالنسبة للصيانة لازم يكون صاحب الموتر عنده خلفية تامة عن القطع المستبدلة والمعدلة عشان ما يتوهق.

[أبو الوليد 14]

مكينة الباث او الاكستيرا ممتازة وقوية 4.0 لتر و291 حصان اجمالي
عن تجربة المكينة مشاكلها نادرة وتصبر
لكن المشكلة من يجلسها لك ....وش تحتاج ايضا عشان تظبط

المرور ماقد شفتهم فاتحين كبوت سيارة ان وقفوك عشان تظليل ولا مغطي لوحة ولا مسرع
الفحص الدوري مثل ماقال اخوي سيف وقلم

اهم شي لازم تشوف موتر الرجال وتنشده عن الموتر
والله يوفقك ان شاء الله

[PATHFINDER 4]

والله يابعدي دام اللي مركبها خويك وانت رحت للورشة بنفسك وسألت
هذولي اللي بيفيدونك


السؤال كم التكلفة قطع وشغل يد ولا المكينة ماعليها خلاف جبارة

[راعي جويخان]

ياخواني اليوم اتصلت على اللي باعهم المكينه يقول انها 3500 ولا هي 4000
والمكينه ياباني وشي طبيعي يغير فالحساسات
صاحب السياره أظنه ما يدري وش السالفه
الله يوفقكم اخواني جميع

[سيف وقلم]

المكينة الاستخدام الياباني كم سعرها؟

[sgl2002]

ان تركب نفسها ركبها نصيحه

افشل مكاين الباث هي من ٢٠٠٣ الى ٢٠٠٥

قوية عزم لكن عيوب حرارة وتنقيص


افضل جيل للباث نسى الخرابات من ٢٠٠٦ وفوق

[راعي الرود]

عندك رقم الورشه الله لا يهينك ؟

او توصفها لي

عندي خوي لي معاه باث و مغتث منه تنقيص زيت وحراره

[ص ح ص]

السوال هل تركب مكينة ال2007 على كراسي البلد وﻻ لازم ترهيم