راعي قزاز
23/12/2013, 12:28 PM
ياعين هلي صافي الدمع ياعين = ماعاد به حزنٍ عن الناس خافي
لا تذخرين الدمع ياعين بعدين = اقلوبنا للحزن صارت اسخافي
حنا بكينا من فراق البعيدين = وشلون مانبكي رسول السنافي
الحزن في جو الحفر له نهارين = كنه من ايام الفرح به تجافي
واهل الولع وطيورهم حالهم شين = كم ابلجٍ من نقله الطير عافي
ماعاد تغريهم فروخ الشياهين = لو يجلبَ الطاروح للسوق وافي
اقفى وخلانا السنافي حزينين = ماغير نعرضَ كل ماكان طافي
ياما سرينا واكثر الناس ممسين = لو نبعَد المشوار مابه اخلافي
نقنص شعيب صواب ويسار ويمين = ومن الجزيره شرق وهاك الشعافي
وياما طردنا حدر برقا الجناحين = وياما تعاندنا بكثر الاردافي
والا شمال المملكه دون حدين = واصدورنا من فضل ربي انضافي
نمسي على الجزلات وحده وثنتين = يوم ان مرقد ميت النار دافي
ناخذ لنا ايام والا اسبوعين = وانقَضّيي ايامٍ حشا ما اتعافي
دمث الجناب القرم طلق الحجاجين = غير الكرم عند الخلايق يشافي
اقفى وخلاها بصدر الدواوين = تبقى ولو هبت عليها السوافي
نبكي فراقك ياعشير الشريفين = ويبيك حرٍ ياابيض الوجه صافي
عساك للجنه وخضر البساتين = والله يبيحك يالرفيق السنافي
نايف ابوطفره ..
لا تذخرين الدمع ياعين بعدين = اقلوبنا للحزن صارت اسخافي
حنا بكينا من فراق البعيدين = وشلون مانبكي رسول السنافي
الحزن في جو الحفر له نهارين = كنه من ايام الفرح به تجافي
واهل الولع وطيورهم حالهم شين = كم ابلجٍ من نقله الطير عافي
ماعاد تغريهم فروخ الشياهين = لو يجلبَ الطاروح للسوق وافي
اقفى وخلانا السنافي حزينين = ماغير نعرضَ كل ماكان طافي
ياما سرينا واكثر الناس ممسين = لو نبعَد المشوار مابه اخلافي
نقنص شعيب صواب ويسار ويمين = ومن الجزيره شرق وهاك الشعافي
وياما طردنا حدر برقا الجناحين = وياما تعاندنا بكثر الاردافي
والا شمال المملكه دون حدين = واصدورنا من فضل ربي انضافي
نمسي على الجزلات وحده وثنتين = يوم ان مرقد ميت النار دافي
ناخذ لنا ايام والا اسبوعين = وانقَضّيي ايامٍ حشا ما اتعافي
دمث الجناب القرم طلق الحجاجين = غير الكرم عند الخلايق يشافي
اقفى وخلاها بصدر الدواوين = تبقى ولو هبت عليها السوافي
نبكي فراقك ياعشير الشريفين = ويبيك حرٍ ياابيض الوجه صافي
عساك للجنه وخضر البساتين = والله يبيحك يالرفيق السنافي
نايف ابوطفره ..