السياره تحاوص من الخلف....؟؟

[راع النايفة]

السلام عليكم ورحمة الله وبركاته
ياشباب انا معي دينالي 2008 قصير
ولعت لمبة التشييك على حساس في الشكمان
ورحت لمهندس كمبيوتر وطفاها ويمكن انها معاد تولع على اي مشكله
المهــــــم
سيارتي اذا مشيت فيها فوق 140 تبداء تحاوص من الخلف عند اي مطب في الطريق وكل مازات السرعه زادت الحوصه
غيرت مساعدات قدام بس بدون حساسات وماولعت لمبه ولاشي
وورا المساعدات شكلها زينه ماولعت لمبه
السؤال هل فيه مشكله تخلي السياره تحاوص عشان يمكن ان الي طفى لمبة التشييك طفى كل شي يخرب ماتولع لمبته فما عدت اعرف من ايش المشكله
واذا فيه ورشه او مهندس متخصص كمبيوتر يساعدني اكون شاكر لكم.

[مسماري]

انت غيرت مساعدات اللي قدام

لو كملت طقم كامل وريحت نفسك من الشك غير اللي ورى

[راع النايفة]

انت غيرت مساعدات اللي قدام


لو كملت طقم كامل وريحت نفسك من الشك غير اللي ورى
لا اخفيك غيرت ولكن ماهي هايدروليك وتمام حتى اللمبه ماولعت ولكن لازالت الحوصه
وعندما شفت المشكله باقيه عرفت انه مو من المساعدات الخلفيه
ورجعت مساعدات الهيدروليك
الى الأن المشكله غامضه.

[صقارعزاااام]

شف الهواى بالكفرات بالقدام يمكن اكثر من الى راء

[خ م خ م]

اذا كان هناك عمود توازن خلفي شيك عليه

[متابع سحابه]

يمكن من الجلد اللي يركب فيها المساعدات الخلفيه شيك عليها

[يالبى الهلا]

الحوصه من الهدروليك عندك يبغى برمجه وشكل اللي فصل اللمبه الحساس فصل اكثر من لمبه في الطلبةن وهذا اكبر غلط

[ثعول البرد]

شيك على الربلات التي تحتاج تغيير.. وخصوصا الرباطات

[راع النايفة]

الله يعطيكم العافيه جميع ماقصرتوا ونعم الأخوان
طيب احد يعرف ورشه ممتازه ومبرمج فاهم.

[1824]

والله اعلم اخوي جلد عامود التوازن الخلفي اذا السيارة ما جاها حادث ولا شيء بعيد عن الشر غيرها وماتشوف الا كل خير

بالتوفيق اخي الكريم

[200]

غير المساعدات الخلفيه

[ابو سفانة]

اسعد الله مسائكم بالمسرات والخيرات

اوصيك بورشة بالروضة الثانية الشارع اللي علية بلدية الروضة امش طوالي بيجيك الدفاع المدني الورشة قدامة

فيها مهندس فلته باكستاني اسمه منير عطه سيارتك وانت متطمن
بس بوه عيب شرعي وهو التأخير
واعتقد من كثر الزباين