مشاكل ثلاثة النترا 2003 قير اوتو

[الأمير ksa]

السلام عليكم و رحمة الله و بركاته

صباح - مساء الخير

أخباركم

أخواني شريت النترا 2003 قير اوتو مكينة 1.6 و لقيت فيها مشاكل و الله يعين

المشكلة الاولى : السيارة لما اعشق دي و امشي ثقيلة بالقومة ادعس نص الدعسة يالله تمشي و بعدين تمشي طبيعي طبعاً الملاحظ ان الار بي ام ( عداد الضغط ) ما يعشق مع المشي إلى أن اوصل 80 ويكون الضغط 3 و اوصل 100 و الضغط 4 و كذلك ما ينمر أو يعشق مع العلم تم التشييك على زيت القير و هو جديد ما ادري اللي قبلي مغيره ولا لا و اي نوع ما ادري يمكن مو مناسب و هل فلتر القير له دخل تنصحوني اغير زيت القير لكن وش النوع الموصى للالنترا 2003 ميتسوبيشي ولا موتر كرفت ..

المشكلة الثانية : لما انقل القير من p الى r القير يطق بقوة و كذلك لما انقل القير من r إلى d يطق بقوة ايش السبب برأيكم ...

المشكلة الثالثة : لما بغيت اشيك على السيارة ما لقيت فللتر هواء و على طول رحت شريت فلتر هواء من الوكالة طيب تعتقدون ان عدم وجود الفلتر له دخل بثقل القومة و اني ادعس نص الدعسة يالله تمشي السيارة وكذلك حساس الماف او علبة الهواء له دخل بالمشكلة انتظر خبراتكم ..

في انتظار إفاداتكم

أجمل تحية ..

[يالبى الهلا]

قبل اي شئ افحص كمبيوتر للمامينه والقير معا ومن ثما ابى الرحله في عالم الصناعيه وحاول تكون بالقرب منها ثم ابدا المهم ثم الاهم

[يالبى الهلا]

واذا شفت ان الشغله مكلفه تخلص منها

[الأمير ksa]

هلا فيك اخوي

على فكرة صاحب السيارة قالي عن مشكلة ضعف القومة و عدم التعشيق مع المشي انها من ضفيرة القير و المشكلة كهرب لكن انا ما اعرف كهربائي كويس

ما ادري هل هو متاكد ولا يتوقع

في انتظاركم

[1824]

اذا مافي علامة طلعتلك على الطبلون لا تشيك كمبيوتر ولا بطيخ ما راح يطلع شيء وبيكذبون عليك

اول شيء غير زيت القير مع الفلتر وروح والوكالة واسألهم وش الزيت الموصى للسيارة وكم علبة الى اخره وغيره وشوف وكل حدث حديث وضعف القومة غير فلتر الهواء ونظف الثروتل بدي بعضهم يسمونه (اللهاث) ونظف حساس الماف (الماس) الهواء اي كان اسمه وبالنسبة للطقة شيك على كرسي القير بالتوفيق اخي الكريم

[الأمير ksa]

هلا فيك اخوي

وديتها لورشة متخصصة بالقيور و ركبها الفني و مشى فيها و جرب القير قالي القير سليم و مشكلتك كهرب طبعا وقفها و فتحت علبة الفيوزات الداخلية و كل ما يحط فيوز يطق قالي عندك التماس بالكهرب و عندك حساس التعشيق اللي ما يخلي الضغط ينمر مع المشي و قالي بيكلفك 600 ريال لتضبيط الالتماس و تغيير الحساس من عنده و قالي فيه احتمال اخير لكن ممكن مو اكيد المشكلة من كمبيوتر السيارة و اللي انا اعرفه ان كمبيوتر السيارة اذا فيه مشكلة ما تشتغل السيارة


في انتظار أرائكم