مساعده اريد محل تفصيل تانكي ماء الومنيوم بالقصيم

[الجارح2014]

ياشباب تكفون ابغى افصل تانكي الومنيوم للباترول صالون 120 لتر وابي زيادات علي مثل تركيب هيتر عشان تسخين المويه هيتر سخانة البيت في القصيم ابغى افضل محل يفصله الله يجزاكم خير

[5874]

حياك الله يالجارح 2014
مر على اهل الحدادة مقابل مدينة التمور
على طريق الملك عبدالعزيز مختصين بالتوانك والهنقلين

[مجالس الرجال]

وفيه ورشتين بصناعية السليم الرحيلي
وبالنسبة للهيتر دور لك جلبه سنه المنيوم بوصه وربع لأن سنة هيتر السخان حق البيت
بوصه وربع
طبعا انا دورت جلبه المنيوم ومالقيت لكن جرب يمكن تلقاه
وبالأخير ركبلي العامل جلبه بوصه ونص وركبت عليه نقاص بوصه ونص الى بوصه وربع
طبعا النقاص حديد لأني مالقيت غيره وعليك بالأصلي الياباني
ولاتنسى تنبه العامل يحطلك مساحة للهيتر لان صيخه طويل اقصد القواطع الداخليه للتانكي

[بروق المزن]

اخوي مجالس الرجال ممكن وصف تفصيلي للورشتين مع الاسم والرقم ان امكن ؟
لاني من خارج القصيم
و ودي افصل تانكي مكان السبير اللي في بطن الموتر ..
وشكرا مقدما ..

[المتلولس]

خابر عروق الشمال يفصل وشغله ممتاز

[tiger74]

مصنع الوادي في صناعية الرس متخصصين بهالشغلات والله العالم مطلوبك عندهم لو ان عليهم زحمة بالحيل..