بخصوص تمديدات الكهرباء والإنارة

[مرسي الزناتي]

السلام عليكم ورحمة الله وبركاته


بعد بكرة او اللي بعده بيجي العامل يركب تمديدات الكهرباء والإنارة في المخيم وهو مخيم ثابت

وما نستغني عن نصائحكم ومقترحاتكم

وش افضل التمديدات والاسلاك اللي تتحمل التقلبات الجوية من برودة وحرارة وامطار

بالاضافة للإنارة ماهي الانسب من حيث قوة الاضاءه واقتصادية الاستهلاك


سؤال إلحاقي :) شاهدت بعض الاضاءات على شكل مصابيح بداخلها لمبات كهربائية .. ماهي االصناعه الافضل منها وهل تنصحون بها كديكور ومنظر جمالي لبيت الشعر ؟



هذا والله يحفظكم ويرعاكم ويرفع رواتبكم

[راعي الرود]

اللمبات وغيره ماعندي علم عنها

بس الاسلاك الترا صناعه وطني مجربها في اكثر من مكان سواءاً تمديد كهرب او تمديد تلفون خارجي جلس سنتين تطقه الشمس والامطار و زي اللوز

[مرسي الزناتي]

ابيض وجه ياراعي الرود ولو كملت جميلك وذكرت لنا احجام الاسلاك الخارجية والداخلية لتمديدات بيت شعر ثلاث خيام ومطبخ بالاضافة للعقود والكشافات

[عبدالرحمن.1]

خذلك سلك 6ملم مزوج زي حق المكيف كيبﻻت الرياض جربناها 5سنوات وﻻ اشتكينا منها
ركب طبلون كهرب ويكون الربط بينه وبين الماطور بسلك 16ملم خذه من الحراج
وقسم المخيم على عدد القواطع اللي في الطبلون

ركب داخل كل خيمة فاصل للنور وافياش كهرب للتلفزيون والشواحن وغيره

[عبدالرحمن.1]

اﻻسﻻك الداخلية اما 2.5 او 4ملم

[مرسي الزناتي]

بيض الله وجهك يا عبدالرحمن " الطبالين " هي الي حايستني اكثر شيئ .. اخوك غشيم في هالامور واذا تقدر تنورني فيها وتعلمني احجام او سعات "الطبالين" وهل يوجد طبلون أفضل من الآخر من حيث الصناعه والجودة بالاضافة اين اجدها.

اما بخصوص التمديدات .. اللي فهمته منك اني امد بين الماطور والطبلون كيبل 16 ملم ومن الطبلون لباقي اجزاء المخيم كيبل 6 ميلي ؟

طيب لو كنت ابقولك ناوي امد كهرباء من مزرعة جنبي و واصلها الكهرب .. كم حجم السلك اللي من كيبل كهرباء المزرعة للطبلون حقي ... وسلامتك

طبعاً السؤال للجميع:D مانستغني عن مشاركاتكم

[راعي الرود]

بيض الله وجهك يا عبدالرحمن " الطبالين " هي الي حايستني اكثر شيئ .. اخوك غشيم في هالامور واذا تقدر تنورني فيها وتعلمني احجام او سعات "الطبالين" وهل يوجد طبلون أفضل من الآخر من حيث الصناعه والجودة بالاضافة اين اجدها.



الطبالين الافضل والاجود المنتشر بين الناس

- جينرال اليكترك
- ميتسوبيشي
- الترا

تحصلهن بشارع الريل او بشارع خالد بن الوليد اذا انت بالشرق او في محلات الادوات الكهربائيه الكبيره

والانواع على حسب الامبير 100 و فيه 150 .. 200 .. 300 .. 400 امبير و على حسب احتياجك و وش بتحط

ماعندي خبره بحساب الامبير اللي يصلح لك ولا كان ساعدتك بس شف لك كهربائي ممتاز هو اللي بيفيدك

و ترا الطبلون مهم من ناحيه السلامه لا حصل التماس لا قدر الله يقطع الطبلون لذلك احرص على الانواع الزينه

موفق :good:

[مرسي الزناتي]

راعي الرود يعطيك

طيب ماعندك فكرة عن افضل اانواع الكيابل واللمبات الاقتصادية وش اسم الماركة وهل هي صينية والا المانية

وبالاضافة وين احصل الانارات هذي او اللي على شكل سراج ولكن هي لمبة هل يجي منها انواع طيبه من حيث الصناعه لكن مثلك عارف هي في بيت شعر ولو لا قدر الله صار شيئ من حيث سوء الجودة بيولع البيت

[شلويح707]

السوق كل اللي فيه صيني الشكوا لله

[GM_400]

قبل كل شي ونا اخوووووووووك حدد نوع وحجم الماطور وبعدها تختار الأناره المناسبه ..

الاسلاك خذ المعزوله لا تاخذ مفرد ولازم تسوي فاصل للكهرب في كل خيمه

[تاهو2007]

الشباب ما قصروا ...

تأكد عند ربط خطوط الكهرباء ان يكون اضاءه الخيام مستقله + الكشافات مستقله + قسم النساء مستقل + قسم الرجال مستقل

وضع خط مستقل يضئ مثلا للعامل والأماكن الرئيسيه لو جيت المخيم لحالك

اتمنى اكون افدتك