كم راح من عمري وانا ودي اتوب . .

[عقاااب]

السلام عليكم ورحمة الله و بركاتة
قصيده . .
اتمنى من الأخوان تسجيلها بصوت
مـــع { خالص تقديري }


كم راح من عمري وانا ودي اتوب

ولولا الهوى والنفس كان امس تايـب

عشرين عام أمني النفـس بالتوب

لين اكتشفت اني مع الوقـت شايب

راحـت حياتـي بيـن طالـب ومـطلوب

ولي خاطرن لو طبت ماهو بطايب

واخاف من يـوم بـه الـمـوت مكتـوب

لاحـولـوا بـي بـيـن عوج النصـايـب

في منزل مظلم عن الناس محجـوب

محجـوب حـتى عن نـسيم الهـبـايب

وصارالكفن يا ناس يغنـي عن الثـوب

وفارقـت ربـعي والأهـل والـقـرايـب

ماعاد فيهـا جـاه وأمـوال وسلـوب

ولاعاد فـيهـاحـب خـشـم وطلايـب

خدعنـي التـسـويف وأغرتنـي دروب

مـن يـامـن الدنيـا وغـدر النـوايـب

يالله يــافـارج عـلـى كـل مـكـروب

يـاواحـدٍ بـامـرك تـهـون المصـايب

يـامـن تقلـب بيـن أصابيعـك قـلوب

خلقتها مـن بـيـن صلـب وتـرايـب

يـاغافـر لمـن جالـك وكـلـه ذنـوب

عبـدٍ ضعيـف وجـاك تـايـب ونـايـب

يـارب لـوقلبي صخـر عندك يـذوب

يـامـن لهيبتـك الجـبــل خــر ذايب

أتـوب ثـم اعـود واعـود واتـوب

ماهـي عجيبة وانـت رب الـعـجـايـب

من المهـد للحد ترى الوقت محسـوب

مـاضاع شـي وما بقـى شـي غـايب

يـارب مالـي غـيـر رحمتـك مطلوب

من لي سواك إن جيـت يارب تـايب

كـم راح مـن عـمري وانـا ودي اتـوب

ولولا الهوى والنفس كان امس تايب

[محمد ابن عيد]

..
حيـاك الله اخوي / عقـاب
صح الله لسـانك قصيده جزله من جزل رعيـه

[عقاااب]

..
حيـاك الله اخوي / عقـاب
صح الله لسـانك قصيده جزله من جزل رعيـه



الله يبقيك اخوي / محمد ابن عيد
صــح بدنك يالغلا
وافي يابعدي الله يستر عليك . .

[ياس خضر]

صح لساانك ياعقااب..
طيب طااب فاالك وحاالك..
قصيده طيبه من رجاال طيب..
صعب ماشاءالله..

[ابوراكان24]

صح لسانك وجزاك الله خير
اسال الله لي ولك واﻻخوان جميعا التوبه والثبات عليها حتى نلقى وجه الكريم
ارجوا نشرها في مواقع اخرى للعبره والموعظه الحسنه

[ذيب الفقارة]

كم راح من عمري وانا ودي آتوب.. . ...لولا الهوى والنفس كان أمس تايب

صح لسانك

تحياتي

[هاوي عبث]

كم راح من عمري وانا ودي اتوب=ولولا الهوى والنفس كان امس تايـب

عشرين عام أمني النفـس بالتوب=لين اكتشفت اني مع الوقـت شايب

راحـت حياتـي بيـن طالـب ومـطلوب=ولي خاطر(ن) لو طبت ماهو بطايب

واخاف من يـوم بـه الـمـوت مكتـوب=لاحـولـوا بـي بـيـن عوج النصـايـب

في منزل مظلم عن الناس محجـوب=محجـوب حـتى عن نـسيم الهـبـايب

وصارالكفن يا ناس يغنـي عن الثـوب=وفارقـت ربـعي والأهـل والـقـرايـب

ماعاد فيهـا جـاه وأمـوال وسلـوب=ولاعاد فـيهـا حـب خـشـم وطلايـب

خدعني التـسـويف وأغرتنـي دروب=مـن يـامـن الدنيـا وغـدر النـوايـب

يالله يــافـارج عـلـى كـل مـكـروب=يـاواحـدٍ بـامـرك تـهـون المصـايب

يـا مـن تقلـب بيـن أصابيعـك قـلوب=خلقتها مـن بـيـن صلـب وتـرايـب

يـاغافـر لمـن جا لـك وكـلـه ذنـوب=عبـدٍ ضعيـف وجـاك تـايـب ونـايـب

يـارب لـوقلبي صخـر عندك يـذوب=يـامـن لهيبتـك الجـبــل خــر ذايب

أتـوب ثـم اعـود واعـود واتـوب=ماهـي عجيبة وانـت رب الـعـجـايـب

من المهـد للحد ترى الوقت محسـوب=مـاضاع شـي وما بقـى شـي غـايب

يـارب مالـي غـيـر رحمتـك مطلوب=من لي سواك إن جيـت يارب تـايب

كـم راح مـن عـمري وانـا ودي اتـوب=ولولا الهوى والنفس كان امس تايب

[هاوي عبث]

يارب مالي غير رحمتك مطلوب =من لي سواك إن جيت يارب تايب


صح لسانك والله يغفر لنا ولك ويهدينا وجميع المسلمين ويحسن خاتمتنا

[صافى السريره]

خدعنـي التـسـويف وأغرتنـي دروب

مـن يـامـن الدنيـا وغـدر النـوايـب
صح لسانك ،صخرت الالفاظ للمعنى تصخير شاعر متمكن الله يعطيك العافيه يا(عقاب)

[عقاااب]

صح لساانك ياعقااب..
طيب طااب فاالك وحاالك..
قصيده طيبه من رجاال طيب..
صعب ماشاءالله..

صح بدنك اخوي / ياس خضر
تسلم من ذوقك يالغلا

[عقاااب]

صح لسانك وجزاك الله خير
اسال الله لي ولك واﻻخوان جميعا التوبه والثبات عليها حتى نلقى وجه الكريم
ارجوا نشرها في مواقع اخرى للعبره والموعظه الحسنه

صح بدنك اخوي / ابو ركان24
الله يجزنا بالخير وياك ان شاء الله والجميع يارب
امين الله يتقبل منك ...........

[عقاااب]

كم راح من عمري وانا ودي آتوب.. . ...لولا الهوى والنفس كان أمس تايب

صح لسانك

تحياتي

صح بدنك اخوي / ذيب الفقارة
الله يجزاك بالخير
احلا تحيات مرت علي:D

[عقاااب]

يارب مالي غير رحمتك مطلوب =من لي سواك إن جيت يارب تايب


صح لسانك والله يغفر لنا ولك ويهدينا وجميع المسلمين ويحسن خاتمتنا

صح بدنك اخوي / هاوي عبث
الله يجزاك بالخير وعسا الله يتقبل منك ....

[عقاااب]

خدعنـي التـسـويف وأغرتنـي دروب

مـن يـامـن الدنيـا وغـدر النـوايـب
صح لسانك ،صخرت الالفاظ للمعنى تصخير شاعر متمكن الله يعطيك العافيه يا(عقاب)

صح بدنك اخوي / صافى السريره
وجزاك الله خير ويعطيك العافيه

[علي الثاني]

صح لسانك أخي عقاب هذا الكلام اللي يستاهل النشر والمتابعة وأخذ العبرة من أهل الخبرة بيض الله وجهك و يسر أمرك وعلى طاعتة أطال عمرك ووفقنا وياك لتوبة تمحى ماقبلها وثبتنا عليها وأخواننا المسلمين اللهم امين تحياتي ..

[عقاااب]

صح لسانك أخي عقاب هذا الكلام اللي يستاهل النشر والمتابعة وأخذ العبرة من أهل الخبرة بيض الله وجهك و يسر أمرك وعلى طاعتة أطال عمرك ووفقنا وياك لتوبة تمحى ماقبلها وثبتنا عليها وأخواننا المسلمين اللهم امين تحياتي ..

صح بدنك اخوي / علي الثاني
الله يسلمك ويستر عليك
عسا الله يتوب علينا جميع

[ابو البر]

اقسم بالله ياعقاب ان هالقصيده ود كل شخص يقولها .

[عقاااب]

اقسم بالله ياعقاب ان هالقصيده ود كل شخص يقولها .

تسلم اخوي من ذوقك الله يرحم والديك والدين الجميع

بسراحه اعجبتي ردودكم كلكم

[لورن]

صح لسانك على هالقصيده المؤثرة

[عقاااب]

صح لسانك على هالقصيده المؤثرة

صح بدنك اخوي / لورن
وجزاك الله خير على هالرد الجميل

[GMC 111]

صح لسانكــ

[عقاااب]

صح لسانكــ

صح بدنك اخوي / GMC 111
الله يعطيك العافيه

[عاشق السبق]

أتوب ثم اعود واعود واتوب
ماهي عجيبة وانت رب العجايب


صح لساانك

[عقاااب]

أتوب ثم اعود واعود واتوب
ماهي عجيبة وانت رب العجايب


صح لساانك

صح بدنك اخوي / عاشق السبق
وجزاك الله الف خير

[الشلنفخي]

صح لسانك جزله ياعقاب بيض الله وجهك على هالدرر

فيها من التذكير والعبره مالايسعه مجلدات

وجزاك الله خير

[عقاااب]

صح لسانك جزله ياعقاب بيض الله وجهك على هالدرر

فيها من التذكير والعبره مالايسعه مجلدات

وجزاك الله خير

صح بدنك اخوي / الشلنفخي
وجزاك الله خير وجهك ابيض يالذيب

[فيروزه]

ما شاء الله اطال الله عمرك في طاعته واحسن لك الخاتمة ورزقك الله الفردوس الاعلى قصائدك يجب الاتهدر لما فيها من أقوال سديدة وعبر وحكم

[صقار الهفوف]

صح لسانك قصيدة جزله ...

[عقاااب]

ما شاء الله اطال الله عمرك في طاعته واحسن لك الخاتمة ورزقك الله الفردوس الاعلى قصائدك يجب الاتهدر لما فيها من أقوال سديدة وعبر وحكم

صح بدنك اخوي / فيروزه
وجزاك الله خير وعسا الله يرزقنا وياك والجميع بالخاتمه الزينه يارب

[عقاااب]

صح الله لسـانك قصيده جزله من جزل رعيـه








نتائج طالبات المرحلة الابتدائية 1435 (http://www.resultsnoor.com/f6-montada) نتائج طلاب الابتدائية نور 1435 نظام نور نتائج الابتدائي (http://www.resultsnoor.com/f6-montada)
نتائج طالبات المتوسطة 1435 (http://www.resultsnoor.com/f4-montada) نتائج طلاب المتوسطة نور 1435 (http://www.resultsnoor.com/f4-montada) نور لنتائج المتوسطة (http://www.resultsnoor.com/f4-montada)
نتائج طالبات المرحلة الثانوية (http://www.resultsnoor.com/f5-montada)5 نتائج طلاب الثانوية نور (http://www.resultsnoor.com/f5-montada) نور نتائج الثانوية العامة 1435 (http://www.resultsnoor.com/f5-montada)

صح بدنك اخوي وجزاك الله خير الله يستر عليك و يحسن خاتمتنا ويا الجميع ان شاء الله

[عقاااب]

صح لسانك قصيدة جزله ...

صح بدنك اخوي / صقار الهفوف الله يستر عليك ويحسن خاتمتك ان شاء الله