الشمالي 12
27/12/2013, 02:05 AM
بسم الله الرحمن الرحيم
السلام عليكم ورحمة الله وبركاته ...
اخواني انقل لكم قصيدة الشاعر وراد العنزي الجديده في المقناص
والتي يخص بها منتدى مكشات نرجو ان تنال على اعجابكم
ومناسبة هذه القصيده الطريفه انه كان في احدى الايام ذاهب الى مقناص حباري
وكل ما اتجه الى مكان وجد به كثرة الحلال واثار الغنم مما يشكل صعوبه
لدى القناص في العثور على الحبارى ففاضت قريحته الشعريه بهذه القصيده :
كل ماطبيت لي ارضن قفر ... ثم زان الكيف واجهني حلال
الغنم لاشفت اثرها لي ظهر ... هجيت لو الارض زاهية الجمال
الفجوج وساع لكن القهر .... الحلال مغطي وعره والسهال
مافيه قفرن ليت من جاب الخبر ... يعتجل به لو اظن انه محال
وان مشينا للحدود اكبر خطر ... كنك مهرب تدور راس مال
تجيك دوريه تبي ضابط خفر ... يامر لها بالتعديه ابسط مثال
واعذاب الطير والله ياعمر ... ماصاد له ثلاث سنين ضبط وكمال
وش لقى راعيه ياكود الفقر ... ومن قل صيده واضحن فيه الخمال
وان كان هالحال امتردي واستمر ... ببيع طيري لو يناديني تعال
الطير مل من التروي والصبر .... اشهد انه من جدالن في جدال
مافيه كود اجمع دراهم للسفر .... المملكه ضاقت جنوبه والشمال
والا يجي امرن من ولاة الأمر ... هم ذرانا وهم كريمين السبال
يسمحون اسبوع يردفها شهر ... كل موسم بالأمر والامتثال
في حرة الحره ايا ملا المطر ... ومتبوع مايبقى شعيب الا وسال
وعهود منا مانجي ضبين عفر ... وباقي المحمي عليها ماتطال
متجود بطيري وشايل لي جمر ... وصبرن صبرته مايطيقنه جبال
وانتحرى الخير وطلوع القمر ... ونجهز العزبات ونشد الرحال
ياحلوممشاك في روضن خضر ... وتلقى جرايرهن كما سحب الحبال
والحباري شوفهن مثل الخمر ... يشعربه الصقار في اغرب خيال
وختامها صلوا على خير البشر ... شفيع الامه كلها يوم السؤال
السلام عليكم ورحمة الله وبركاته ...
اخواني انقل لكم قصيدة الشاعر وراد العنزي الجديده في المقناص
والتي يخص بها منتدى مكشات نرجو ان تنال على اعجابكم
ومناسبة هذه القصيده الطريفه انه كان في احدى الايام ذاهب الى مقناص حباري
وكل ما اتجه الى مكان وجد به كثرة الحلال واثار الغنم مما يشكل صعوبه
لدى القناص في العثور على الحبارى ففاضت قريحته الشعريه بهذه القصيده :
كل ماطبيت لي ارضن قفر ... ثم زان الكيف واجهني حلال
الغنم لاشفت اثرها لي ظهر ... هجيت لو الارض زاهية الجمال
الفجوج وساع لكن القهر .... الحلال مغطي وعره والسهال
مافيه قفرن ليت من جاب الخبر ... يعتجل به لو اظن انه محال
وان مشينا للحدود اكبر خطر ... كنك مهرب تدور راس مال
تجيك دوريه تبي ضابط خفر ... يامر لها بالتعديه ابسط مثال
واعذاب الطير والله ياعمر ... ماصاد له ثلاث سنين ضبط وكمال
وش لقى راعيه ياكود الفقر ... ومن قل صيده واضحن فيه الخمال
وان كان هالحال امتردي واستمر ... ببيع طيري لو يناديني تعال
الطير مل من التروي والصبر .... اشهد انه من جدالن في جدال
مافيه كود اجمع دراهم للسفر .... المملكه ضاقت جنوبه والشمال
والا يجي امرن من ولاة الأمر ... هم ذرانا وهم كريمين السبال
يسمحون اسبوع يردفها شهر ... كل موسم بالأمر والامتثال
في حرة الحره ايا ملا المطر ... ومتبوع مايبقى شعيب الا وسال
وعهود منا مانجي ضبين عفر ... وباقي المحمي عليها ماتطال
متجود بطيري وشايل لي جمر ... وصبرن صبرته مايطيقنه جبال
وانتحرى الخير وطلوع القمر ... ونجهز العزبات ونشد الرحال
ياحلوممشاك في روضن خضر ... وتلقى جرايرهن كما سحب الحبال
والحباري شوفهن مثل الخمر ... يشعربه الصقار في اغرب خيال
وختامها صلوا على خير البشر ... شفيع الامه كلها يوم السؤال