لاصحاب الخبرة في الدفايات ممكن استشارة عن الدفايه هذي؟؟

[الرحال21]

http://www.mekshat.com/pix/upload06/images/2013/12/mk239878_image.jpg



وش رايكم في هذا النوع من الدفايات ؟
كهرباء (110 +220 ) بإمكانك تحويلها يدويا على حسب الكهرباء في بيتك وتحولها عن طريق زر في الجانب
وتحتوي على ثرموستات تشغتل وتنطفي اوتوماتيكيا حسب حرارة الغرفة
ماركة سمينس المانية الصنع
نتمنى من اهل الخبرة يفيدونا بمعلومات عنها وميزاتها وعيوبها والاستخدام الامثل لها لاني حصلتها مستعملة عند واحد وابي اشتريها لكن ما اعرف عنها شي
وشكرا

[الرحال21]

ممكن احد يعطينا وجه ؟
يا اخوان رجاء اللي يعرف شي عن النوع هذا يفيدني
انا سمعت ان سمينس ما صار زي اول الماني المالني يقولون صار تجميع صيني
هل هذا النوع من التجميع الصيني ام من النوع الجيد

[اسدهم]

محل المنيع تحصل الماني شاريها بحددو800 لها 3سنة غي اسلك احتياط وطولتة 3متر

[اسدهم]

نسيت دفاية زيت...........

[اسدهم]

نسيت دفاية زيت

[escape_man]

سيمنز القديمة لا يعلى عليها لكن اتوقع هالنوع كان طالع للسوق باكثر من 7-8 سنوات

يعني مستهلكة ومنتهية

[اخوك يالذيب]

هذي سمنس من اروع دفايات الزيت

اشترها وانت مغمض ، واقترح تخليها على 220 افضل

[تساهيل1]

اشتر جديد وصناعه جيده
هذي مستهلك عمرها

لان كل شي له عمر افتراضي وانت حر

وشكرا

[رسيس نجد]

مجربها في بيتي 0 ممتازه وقليل خرابها0وجودتها المانيه 0

[Raselny]

والله انا عندي من ٤ سنوات ديلونجي الماني صناعة وتجميع وموجودة عند الشتاء والصيف وسعرها مقبول جدا ١٢ ريشة بحدود ٤٠٠ ريال تقريبا.

[abueid]

افضل دفاية زيت
لكن ابحث عن الجديد

[ابورايف]

حياك الله
معلومه تهمك

أغلب دفايات الزيت ممتازه
لكن أذا أستخدمت بالشكل السليم والصحيح
قبل النوم تطفئها
لا تستخدم التوصيلات المقلده
لأن أغلب مسبابات الحرائق للمنازل منها

بل قم بأستخدام توصيله تتحمل الكهرباء
من 3 ملي الى 5 ملي
وكذلك بأمكانك تغيير السلك التابع للدفايه

هذا مالدي أتمنى أني أفدتك بما لدي
تقبل مروري وردي

[alturki1386]

دفاية سيمنز لا يعالى عليها إلا الأفضل منها .. انا استخدمها منذ عام 1412هـ ولله الحمد ممتازة ولا زالت تعمل من فضل الله ..
أهم شي ان تجعل مستوى الحرارة على المتوسط لكي تكون في أمان بإذن الله .. ولتدوم معك بدون مشاكل فزيادة الحرارة على العالي بشكل متواصل فيه خطر عليكم وضرر على الدفاية ..

[Anwar abdulla]

اذا هي شغاله خذها وانت مغمض
هذي افضل دفاية زيت وسمينس افضل من يصنعها

[عمار 1]

ما شاء الله ممتازة لها تقريبا 15 سنة او اكثر للاسف خربت السنة هذي واللي خرب فيها الثرموستات كل ما ركبت واحد يحترق والسبب ما يفصل

أرسلت من GT-I9100 بإستخدام تاباتلك

[نمر بن حثلين]

موفق خير

واحذر انك تركبها على 110

تراها قوية عليه وتحرق لك السلك والفيش والله يستر

خلها 220 وان حصل تركبها اذا عندك فيش مفرع له من المكيف بحيث السلك سميك ومباشر من الطبلون يكون أفضل

[GM_400]

نعم ضبط درجه الحراره على النصف له دور كبير في زيادة عمرها الأفتراضي وامان

[صاحب الجيب]

سلام عليكم

سيمنس ممتازة إذا كانت جديدة أما مستعمله فلا تقربها لأنها ما تدري عن وضعها

ونصيحه أخوية أنا شاري ناشونال وإليكتا لها 3 و5 سنوات ماشية معي ولله الحمد ممتازة ما فيها أي خلاف

[مناسبات]

من افضل انواع الدفايات سيمنس الالمانية لها عدة سنوات عندي شغالة تمام حاولت ودورت وبحثت القى مثلها ولم أجد للأسف كل الموجود تايلندي صيني ماليزي تايون غير عملية .

[راعي المرباع]

انا جربت نوعين للزيتيات الاوله نوع جبسون صناعه المانية في العمل شي شي فوق الخيال .
والنوع الثاني للبيت اشتريتها قبل 3 سنوات ب500 ريال اسمها homy صناعة المانيه برضو ماشاء الله خياااال .
والحين سعرها بحدود ال 700 على كلام الزملاء .
انصح بشرائها .
وبالنسبة لي مفصل لها توصيله خارجية من النوع الممتاز واذا شغلتها ما اطول عليها لاخر شي لا انا اخلي نفس الانبير على وسط رقم 4 او رقم 5 وسلامتك وسلامة الجميع .