المساعد الشخصي الرقمي

مشاهدة النسخة كاملة : كل ما أردت أن أشتري بوصلة؟؟؟


طخيمان
29/10/2006, 05:11 PM
الموضوع بدون مقدمات
أنا معي لاندكروزر 97 مشكلته ان البوصلة اللي فيه شد بلد خربانة و ما تعلمك الاتجاهات الصحيحة
وكل مارحت لمكان أبشتري بوصللة ألقى الاتجاهات اللي فيها خطأ والمشكلة اني ماخليت مكان اللا ورحت له
رحت لأغلب محلات اللاحلات اللي في الرياض ورحت لساكو لجيان ولكن دون جدوى

فأبي منكم اللي يعرف محل يبيع بوصلة يعلمني وأكون له من الشاكرين المقدرين.
مسافر1
29/10/2006, 05:18 PM
أخي : .
المحلات التي ذكرت لديها وتعمل بشكل صحيح
لكن أخي ربما تضعها بجانب حديد أو ماشابه ذلك فنعم لن تعمل بشكل صحيح ..
..
أتمنى لك التوفيق ..
طخيمان
29/10/2006, 08:19 PM
أخوي مسافر 1
أشكرك على المشاركة ولكن انا أحطها على قزاز الفترينه اللي في المحل وما تشتغل
ملاعب الريح
29/10/2006, 08:38 PM
السلام عليكم

معي لانكروزر قديم وكانت بوصلته حايسه ما تعلمك الإتجاه الصحيح وجبت القارمن وعرفت وش الإتجاه وصلحتها (شف فيه عندك تحت البوصله فرارين كل شوي فر لك واحد لين تزبط معك)


(ملاعب الريح)
طخيمان
30/10/2006, 08:23 PM
مشكور اخوي ملاعب الريح بس المشكلة حتى لو وزنت البوصلة مظبوط بترجع و تخرب او اذا جاء أحد ولمس الفرارين اللي تحت و أنت داخل 20 أو 40 كيلو بر وش تبي تزين
أنا ودي ببوصلة دقيقة وثابته ومشكور مررة ثانية
khalaa2u
31/10/2006, 01:41 AM
السلام عليكم اخوي مالك الا البوصله البحريه بتلقاها بالشرقيه النوع الاصلي بحوالي 400 ريال وفيه انواع اصليه وارخص مفيده جدا وفيها ارقام ونجوم حنا نتسعملها بر وبحر شي عجيب علمونا عليها الشيبان الله يرحمهم وكانت القديمه تحتوي على الاتجاهت الاربعه وعلى 24 نجم تقريبا اما الجديده اظافو فيها ارقام اللي هي 360 درجه تصدق عندنا شباب اقل من الثلاثين ومايعرفون للماجلان بس البوصله بالرغم من دقه الماجلان بل تجدهم مايثقون في الماجلان كثر مايثقون بالبوصه عيبها ماتقدر تحطها على الطبلون لان حجمها شوي كبير بعدين لازم تكون تشوفها من الاعلى وهي تجي بصندوق خشب صغير 12 سنتي في 12 سنتي تقريبا هندية الصناعه او يابانيه والله يوفقك على فكره اسمها عند اهل البحر (ديره) اذكر طلعنا من الامارات الا السعوديه عن طريق البحر على لنج جديد شارينه من هناك وكان لازم وجود ماجلان علشان يسمحون لك بالسفر البحري ف شريناه ولكن ماشغلناه وكان اعتمادنا على وصف الشيبان الله يرحمهم بالنجوم والمسارات اللي لازم نمشي عليها وبالفعل وصلنا الا ميناء الدمام بالظبط وقمة الدقه والحمد لله
شبح الصحراء
31/10/2006, 02:03 AM
جميع اجهزة الجارمن الحديثة تحوي بوصلة رقمية دقيقة جداً ، استخدمها بدلاً من البوصلات المغناطيسية القديمة .
طخيمان
31/10/2006, 02:25 PM
مشكورين الله يعطيكم العافية

لكن البوصلة البحرية شكلها كبيرة يعني ما أقدر أحطها على الطبلون أو الديكور حق المكيف

وأجهزرة القارمن أنا عندي قارمن بس ما أقدر أخليه في السيارة دائما لأن أي واحد من عيال الحرام يشوفه يبي يكسر القزازة وياخذه

لكن البوصلة ما تغريه انه ياخذها
همّام
03/11/2006, 06:30 AM
أخوي أبوالطواري ولا يهونون الربع

فيه بوصلة حليلة بالحيل وخفيفة جدا

وبسيطة لأبعد حد ..

تلبسها مثل الساعة في يدك وكلما بغيت الوجهه انظر لها كأنك تنظر للساعة بيدك ..

وأظن قيمتها 15 أو 20 ريال ..

أذكر إني شريتها وبعد التجربة رحت أشتري ثانية ..

وتباع عند مؤسسة في الملز بالرياض تهتم ببيع الأمور العسكرية . .
طخيمان
04/11/2006, 01:06 PM
الله لا يهينك يا همام اسم المؤسسة أو تلفونها

ومشكور ألف شكر
همّام
04/11/2006, 09:36 PM
ولا إياك يالغالي

واسمح لي ما عندي لها تلفون ولا اسم

لكن خذ وصفها وانا اخوك

انزل مع مخرج 14 باتجاه الغرب من الدائري الشرقي

تجيك إشارة طريق الأمير متعب عند الملاهي وبعدها نفق النهضة

استمر حتى تجيك الإشارة (( أشك هل هي هذي الإشارة أو اللتي بعدها )) لف معها يسار ثم ادخل مع أول نافذ على اليمين

واستمر في الحارة حتى ينتهي في شارع رئيسي أظنه شارع الستين ،، هي آخر عمارة على اليسار الدور الثاني ..

واسمح لي وأنا أخوك نصف ردي شكوك وظنون وترى لي عنها حوالي 8 سنوات ((يعني يمكن هدوها وقلبوها سوق نسائي ولا شي )) .. لا تستغرب !!!

سأحاول المرور عليهم والتأكد من الوصف .. وأفيدك بإذن الله ...

أتمنى أن تجد ما يفيدك ...

أخوك ..
طخيمان
05/11/2006, 11:24 AM
الله لا يهينك أخوي همام والله يعطيك العافية