المساعد الشخصي الرقمي

مشاهدة النسخة كاملة : سحب موتر عطلان .... عطنا خبرتك؟


الشرقيه 03
28/12/2013, 04:24 AM
السلام عليكم

اخباركم ياخوان


عندي ددسن غماره 10 ولقيت شايب موتره النترا 2005 متعطله
معه حبل رابطه في شنكار موتره مجهز وضعه :)

نزلت تحت صندوق الددسن مافيه شنكار فعقدته على حديده عريضه اللي
تمسك الصدام من اليسار .....
وسحبته حول 200 متر والقير ماغيرته من الاول
والسبه المطبات ....

المقصد نفداكم اول مره اسحب موتر عطلان.
طريقتي فيها غلط يا اخوان من ربط الحبل ... والقير على الاول؟؟

نصائحكم وتوجيهاتكم لكي نفيد ونستفيد:good:
ريثان القصيم
28/12/2013, 06:52 AM
السلام عليكم

نزلت تحت صندوق الددسن مافيه شنكار فعقدته على حديده عريضه اللي
تمسك الصدام من اليسار
والقير ماغيرته من الاول

:good:

اخوي عملك طيب الله يجعله في ميزان حسناتك
بس انتبه بالحيل تسحب موتر اثقل من موترك من جهه وحده يمين لحاله او يسار لحاله لانه اقل ماينضر بالسحبه الصدام وقواعده
وتعشيقك بواحد بعد يدل على حرصك على القير بس انتبه بالحيل تسحب موتر لو اخف وزن من موترك مغرز لو تغريزه خفيفه لانه توجع القير
وافضل طريقه اذا اضطريت لسحب موتر لو اثقل من موترك بزفلت تربط الحبل بقواعد الصدام يمين ويسار وتصلح منهن عقده بالنص على قد اللوحه زي الهوك وتربط حبل الموتر المتعطل بالعقده عشان يتوازن السحب ولا تنضغط جهه عن جهه

اخوك
ريثان القصيم
الشرقيه 03
28/12/2013, 10:17 AM
اخوي ريثان القصيم
جزاك الله خير على تفاعلك
لكن عندي استفسار هل يضر بوزنيه السياره ولا شاص الموتر
بعدين طريقتي صح في غيار القير على الاول ؟ والسبب؟

تحملني ياخوي
الحيسوني-
28/12/2013, 10:54 AM
الالنترا خفيفه مايضرها ابد وخل عنك الوساويس
الشرقيه 03
28/12/2013, 01:58 PM
الالنترا خفيفه مايضرها ابد وخل عنك الوساويس


وش دراك انها وساوس......

يالغالي الدعوه نعرف الطرق الصحيحه والسلبيات للسحب....
لان لابد يمر علينا ياساحب يا مسحوب الله يكفينا الاعطال :)
ريثان القصيم
28/12/2013, 02:28 PM
اخوي ريثان القصيم
جزاك الله خير على تفاعلك
لكن عندي استفسار هل يضر بوزنيه السياره ولا شاص الموتر
بعدين طريقتي صح في غيار القير على الاول ؟ والسبب؟
تحملني ياخوي
ماتضره بالوزنيه والشاص بحول الله دامك ملتزم
-بطريقة الربطه
-وعلى ازفلت بدون طلعه قويه
-ولا هوب تغريز
-------
القير على الاول لانه محشور ومصمم عشان يقوم السياره ولو قومة على الخامس مايقوم لانه مصمم عشان يريح المكينه ويقلل صرفية البنزين وزيادة السرعه
وافضل انواع السحب مهما كانت تغريزه او تعليقه بطين
اذا اجتمع بسيارتك
-دفع رباعي دبل ثقل
-دفلوك
-ونش
يبقى خبرتك في السواقه والنت مليان من مقاطع الفديو

اخوك
ريثان القصيم
GMC 80
29/12/2013, 12:30 AM
الطريقة اللي اسويها

لاني كثير تعطلت واكثر من مره سحبت سيارات

طبعا السيارة ددسن 94 غمارتين

الحديده اللي تقول هذي اسمها كرسي صدام
شف المسمار اللي يمسكه بالشاص من اسفل قدامه في سيارتي فتحه في وسط الشاص

اثبته فيها

اما من ناحية النمره

اول ما اسحب في الاول وشوي شوي وحاول ما تنتق موترك
وبعدها عطها الثانيه وفك الكلتش بهداوه ولا تضغط على المكينه ابدا

لكن ما ظني موترك يسحب في الثاني لان مكينته شوي ضعيفه

اتمنى اني افدتك
الشرقيه 03
29/12/2013, 11:06 AM
يعطيكم العافيه يا اخوان
وننتظر باقي الاعضاء