فزعتكم ياغالين [الأرشيف]

تركي6

28/12/2013, 02:39 PM

اسعد الله مساء الجميع ...
ان عندي السيارة باترول 2010 le اذا السرعة مابين 60 و80 وجاني طلوع بسيط مثلاً يصير معي صوت لقلقه .. رحت الوكالة وطلع معي الفني وجرب قال احتمال المشكالة من القير .. غيرو لي القير جديد لانه باقي في الضمان وبعد ما طلعته نفس المشكلة ..
بالنسبة للقير لحد يقول ماغيروه لاني كنت واقف معهم اول مافكو الجديد وركبوه .. وش تتوقعون المشكلة منه الله يجزاكم خير ... علما اني اذا شغلت السيارة الصباح وكانت طافية طول اليل في ايام البرد احيان تطفى لين اشغل مرتين الى ثلاث واحيان تشتغل من اول مره لكن تضعف الى درجة انها بتطفى وتشتغل ... افيدوني الله يرحم والديكم وين المشكلة الوكاالة ماهم عارفين والله وين المشكلة .. وبيض الله وجيهكم

اسدهم

28/12/2013, 02:49 PM

متي غيرت البواجي
متي غيرت اسلاك بواجي
متي غيرت صفاية
شيك علا ضغط الطرمبة ممكن بوة ضعف ممكن..
ونت شيك مع اصيل الحجازي انا استانس واستنا من مواضيعه ونجاربة الحلوة

ريثان القصيم

28/12/2013, 02:50 PM

على اي نظام تستعمل القير وقت المشكله؟
وكم مشى الموتر؟
وشف برنت الوكاله وش غيرو زيت؟
وهل الحمراني الغامدي او العيسى؟

اخوك
ريثان القصيم

تركي6

28/12/2013, 02:53 PM

تسلم ياغالي البواجي غيرتها قريب هم وطرمبة البنزين وصفاية البنزين ماغيرتها لان مافي في السيارة اي تفتفه او رجه في المكينة اذا اشتغلت ... لكن الاسلاك ماغيرتها لان السيارة شبه جديدة

تركي6

28/12/2013, 02:56 PM

ريثان القصيم

28/12/2013, 03:14 PM

مرحبا اخوي ريثان القصيم ... استخدام السيارة عند المشكلة على وضع الاوتو على الطريق .. وانا غيرت القير العام الماضي جديد عند الحمراني الي في طريق خريص الغامدي ... والسيارة الحين مشت 109 الف
مشاء الله لاقوة الا بالله سبحانه
باقي تاكد ببرنت الضمان هم غيرو كمبيوتر القير وحساسته ؟

اخوك
ريثان القصيم

تركي6

28/12/2013, 03:26 PM

تسلم ياغالي .. بتأكد من البرنت لعل الله يحل ذا المشكلة

التمسساح

28/12/2013, 07:40 PM

ممكن انك تعبي بنزين٩١ ويكون مايناسبه

ابوسند9

28/12/2013, 11:05 PM

القلقه حاجه من امرين
اما بنزين غير مناسب
او وزن ديلكو

1824

29/12/2013, 02:01 AM

وش نوع زيت المكينة الي تستعمله والله اعلم اعرف المشكلة عطني تفاصيل زيادة شوي بس الباترول الشكل الجديد ولا القديم وش نوع المحرك الخ... وكيف الصوت ومتى يجي ومتى يروح الخ...

يالبى الهلا

29/12/2013, 05:23 PM

غير البترول الى 95

تركي6

06/01/2014, 12:55 AM

وش نوع زيت المكينة الي تستعمله والله اعلم اعرف المشكلة عطني تفاصيل زيادة شوي بس الباترول الشكل الجديد ولا القديم وش نوع المحرك الخ... وكيف الصوت ومتى يجي ومتى يروح الخ... مرحبا بك اخوي بالنسبة للزيت الي استخدمه زيت فوكس حسب توصيات مهندس الوكالة ... والقلقة تجي في مابين الستين والثمانين اذا كان قداي الطريق يوجد به ارتفاع وبحاجة الى نمرة اقوى من النمرة الي ماخذتها السيارة وتروح اذا دعست على البنزين واخذ نمره اقوى ... اما الباترول فهو الشكل الجديد وحجم المكينة 400 والبنزين انا ما استخدم الا 95 من اشتريت السيارة ... ومشكور على تفاعلك ياغالي وجميع من مر من خلال موضوعي ... صادق مودتي لكم جميعا

خالد الدغيم

06/01/2014, 01:26 AM

السلام عليكم هذا طال عمرك من الطنجره بس غريبه الموتر جديد باقي

abahal

06/01/2014, 09:28 AM

مرحبا بك اخوي بالنسبة للزيت الي استخدمه زيت فوكس حسب توصيات مهندس الوكالة ... والقلقة تجي في مابين الستين والثمانين اذا كان قداي الطريق يوجد به ارتفاع وبحاجة الى نمرة اقوى من النمرة الي ماخذتها السيارة وتروح اذا دعست على البنزين واخذ نمره اقوى ... اما الباترول فهو الشكل الجديد وحجم المكينة 400 والبنزين انا ما استخدم الا 95 من اشتريت السيارة ... ومشكور على تفاعلك ياغالي وجميع من مر من خلال موضوعي ... صادق مودتي لكم جميعا

طبيعي ينصحك بفوكس لان فوكس تابعه لشركه الحمراني

افتح الكتلوج وخذ رقم اللزوجه واستخدم منتجات موتركرافت عمليه جدا وافضل من فوكس

لقلقه مع الارتفاع هذا شي يختص بالكلتشات وانت قلت غيرو القير بس هل غيرو الطنجره معاها ام بس القير لان الطنجره تتحكم بنقل الحركه ايضا للدفرنس

تركي6

08/01/2014, 01:07 AM

طبيعي ينصحك بفوكس لان فوكس تابعه لشركه الحمراني

افتح الكتلوج وخذ رقم اللزوجه واستخدم منتجات موتركرافت عمليه جدا وافضل من فوكس

لقلقه مع الارتفاع هذا شي يختص بالكلتشات وانت قلت غيرو القير بس هل غيرو الطنجره معاها ام بس القير لان الطنجره تتحكم بنقل الحركه ايضا للدفرنس
انشاءالله بشوف لزوجة الزيت من واقع الكتلوج ... لكن الطنجرة والله مادري هم غيروها او لا وكيف اعرف انهم غيروها لأني مريتهم قبل كم يوم لقيتهم مقفلين الوكالة الي على طريق خريص لان تشيكي هناك وسمعت خلاص قفلو واخذ الوكالة العيسى ... وتسلم ياغالي لاعدمتك على المرور من خلال موضوعي ولا هنت