تكفون يارجال الفزعه

[ابو بدر العتيبي]

السلام عليكم ورحمة الله
يااخواني شريت نيسان ربع2007 وطلع لي مشكله في الكهربا ورحت للكهربائي وقال يمكن كتاوت وغيرته اصلي ب70 ريال وبعد يومين عيا يشتغل ووديته قالو طرنبه وغيرتها من الوكاله ب450 ومشيت عليه للبر ونفس المشكله ومشيت انا وخوياي حول 18 كيلو لين اقرب ناس واشتغل بعد 3ساعات ولحقنا عليه خوينا ورحت للوكاله وفحصوه قال مافيه شي ووديته كهربائي ثاني وقال ابي افحص الظفيره وفحصها وقال مافيها اي شي نفس شطرطون الوكاله عليها وفك الكمبيوتر وفحصه وقال مافيه شي والموتر اروح عليه مافيه شي تجيه الحاله بدون مقدمات واتركه ست ساعات ولا خمس ويشتغل
تكفون يالربع الي عنده حل لا يبخل علي

[فتك08]

صراحة هذي حركات الكتاوت مع التسخين
الكتاوت اللي ركبت وش لونه؟وهل هو تحت الدركسون؟

[sgl2002]

اذا جاته الحاله دق سلف واستمع للخلف


اذا ما سمعت صوت زي كذا زززززززززززز


هذا الكتاوت حق الطرمبة

اذا غيرته وماضبط فالمشكلة من نفس اللوحه

[ابو بدر العتيبي]

تحت الدركسيون خضرا

[ريثان القصيم]

السلام عليكم ورحمة الله
يااخواني شريت نيسان ربع2007 وطلع لي مشكله في الكهربا ورحت للكهربائي وقال يمكن كتاوت وغيرته اصلي ب70 ريال وبعد يومين عيا يشتغل ووديته قالو طرنبه وغيرتها من الوكاله ب450 ومشيت عليه للبر ونفس المشكله ومشيت انا وخوياي حول 18 كيلو لين اقرب ناس واشتغل بعد 3ساعات ولحقنا عليه خوينا ورحت للوكاله وفحصوه قال مافيه شي ووديته كهربائي ثاني وقال ابي افحص الظفيره وفحصها وقال مافيها اي شي نفس شطرطون الوكاله عليها وفك الكمبيوتر وفحصه وقال مافيه شي والموتر اروح عليه مافيه شي تجيه الحاله بدون مقدمات واتركه ست ساعات ولا خمس ويشتغل
تكفون يالربع الي عنده حل لا يبخل علي

شف ابوبدر هذا مشبك حساس طرنمبة البنزين بلوحة الفيوزات متوسع فاذا شبكت الحساس ما يلامس مشابكه كلها عشان كذا يطفى ويشتغل ويبهذلك لذلك رح لمحل الكترونيات موثوق وتعرفه وفك حساس الطرنمبه وخله يصب بلحام الرصاص على مشابكه وخله يبرد ويعلمك الفني متى يبرد وبعدها اشبكه وبحول علام الغيوب تبي تكشت وانت مرتاح وما تشوف من الله الا خير

اخوك

ريثان القصيم

[ابوسند9]

وعليكم السلام
اخوي
ريح مخك روح لا اقرب كهربائي وخليه يلغي كتاوت الطرمبه ويشبكه ديركت ب 50 ريال
وهذا انا واغلب الزملاء لنا اكثر من خمس سنوات مسوين ها الطريقه
والكتاوت الاخضر والازرق كلها زي بعض وتخرب
لكن لو نفرض ما اشتغل دخل مفك طويل جهة كتاوت الطرمبه واطرقه وانت فاتح السوتش وشغل

[ابو بدر العتيبي]

الله يبيض وجيهكم ولا يهينكم جميعاً