ما هي أفضل خيمه 4x4 للكشتات

[جي ميل]

السلام عليكم ورحمه الله وبركاته

ودي بشراء خيمه للكشتات يالربع ومحتار ماهي افضل نوع و المقاس حتى لو كانت 3x3
ومن ناحيه الطق تكون خفيفه


تحياتي لكم

[قناص بني تميم]

ارشح لك خيمة المقناص من شركة عروق الشمال ب ١٣٠٠ريال مواصفاتها رهيبه ..وادخل على موقعهم وشوف شكلها ومميزاتها

[web]

ارشح لك خيمة المقناص من شركة عروق الشمال ب 1300ريال مواصفاتها رهيبه ..وادخل على موقعهم وشوف شكلها ومميزاتها

3،50*3.50 مقاس خيمة عروق الشمال
سعرها 1650 وكان عليها عرض ب 1300 مادري هل لازال العرض !!!

[أبو شيري]

غير البيرق لا تتعب نفسك

خفيفه وسهلت بناء وهدم

وكد ومد

سعر 4 في 4 = 2100

[حزوبر]

البيرق
خيمة الوسم لبو عبد العزيز
خيمة الفرسان 3*4

[الهواوي 1]

انت طلبت المشورة وهي امانة لم اجرب غير خيمة البيرق سهلة التركيب ومقاومة للامطار هناك حدييييث طويل عند الاخرين لعلك تجد ماترتاح لة النفس وشوري عليك اشتر مستخدم نضيف لكن خذ راي الاغلبية في نوع معين ولك الخيار 4-4 مقاس جدا جميل هذا والله اعلم

[راعي الرود]

PjiV8s3en40


مشكلتنا اذا عرفنا منتج معين خلاص مانشوف شيء غيره يصير هو الافضل ونمدح به ونرفع به

شف اللي مجربين خيام ثانيه و اسألهم بتلقى شيء ازين من البيرق ان شاء الله .. بالمنتدى اي واحد تقول وش ازين خيـ .. قبل ماتكمل يقول البيرق كأن مافي هالبلد الا هالولد

صحيح هي زينه لكن شف الفيديو و عينك ماتغشك .. و شفت موضوع قبل فتره واحد يتشكى من التسريب نفس المشكله

اول ماينزل عندنا المنتج بالسوق و نجربه نعطيه سمعه رهيبه نطيره بالسماء و بعد مايشوف التاجر انه ضمن السمعه يبدأ يخفض التكلفه على حساب الجودة عشان يكسب اكثر ولا أعني القاضي بعينه لكن بشكل عام هذا الحاصل عندنا

[الجارح2014]

انا عندي خيمة البيرق من 5 سنوات او زياده لكن افضل خيمة العقيلات خفيفه وارضيتها ممتازه وسهلة التركيب انا من رأيي انك تشتري خيمة العقيلات

[سقم المعادي 1]

خيمة الوسم من صنع رجل سعودي بالرس يقال له ابو عبدالعزيز شفتها من واحد من الشباب ممتازة جداً

لكن مدري هل تحصل مثلها جديدة ولا لا لأني سمعت الرجال وقف شغل و دورت زيها ولا لقيت

ياليت يفيدونا اهل الرس الكرام هل متواجده هالخيمه عندهم ولا لا

[أبو سهيل]

البيرق هي الخيار رقم واحد
جميع ماذكر لا يرقى لمنافستها
الا خيمة الوسم لابو عبد العزيز ولكنه توقف عن انتاجها
والمستعمل منها مبالغ في أسعاره

[جي ميل]

يعطيكم العافيه يا شباب

لاكن اشوف البيرق هي اكثر عند الاغلبيه اختيارآ

هل تجي انواع مثل غاط او غاطين

[أبو شيري]

يعطيكم العافيه يا شباب

لاكن اشوف البيرق هي اكثر عند الاغلبيه اختيارآ

هل تجي انواع مثل غاط او غاطين

تجي غاط وتجي غاطين


وتجي 3 في 3

وتجي 4 في 4

وتجي 5 في 5

وخير الامور الوسط 4 في 4

[Anwar abdulla]

المركز الاول الوسم سهله بس ثقيله و غاليه ويبغالك شهر تحجز

الثانيه البيرق 4*4 سعرها 2100 سهله وممتازه وعيبها العمود لكن يعطيها ثبات اكثر

الثالثه خيمة بيت المقناص من عروق الشمال مقاسها 3.20 * 3.20
هذي اختلفو فيها العلماء .. سعرها حالياً 1680ريال كان عليها عرض 1300ريال
بدون عمود بالنص لكن طريقة نصبها وشلكها وهي مبنيه ماعجبني

انا اقول البيرق وريح.راسك

[راعي المرباع]

خيمة الفرسان واسال مجرب

[جي ميل]

يعطيكم العافيه يا شباب و الله يجزاكم خير

لا كن من ناحيه الدفاء داخل الخيمه الوسم ام البيرق

تحياتي لكم

[ذيب المغاره]

انا مجرب البيرق ممتازه لكن اشوف خيمة العقيلات انه اوسع لانه بدون عمود ( شرحه)

[بن الشمال]

خيمة العقيلات قماشها خفيف جدا وبدون بطانة وسعر مبالغ فيه ، لو أن قماشها أثقل ومبطنة لكانت ممتازة .
الفرسان جيدة وقماشها ممتاز وتحتاج لشخصين لبنائها وهذا عيبها .
البيرق ميولها مع الجوانب ضيق مساحتها من الداخل ، وهي الأفضل مع خيمة الوسم إلا أن خيمة الوسم والبيرق سعرهما عالٍ جداً .

أتمنى اني قد افدتك×

[ابوفهد الشريف]

بالنسبه لي ارشح خيمه الوسم حقت ابو عبدالعزيز
خيمه ممتازه لابعد درجه
موجود في خيمه البيع والشراء عرض من قبل احد الاعضاء لها
اذا تناسبك مقاساتها لاتفوتك ترا قليل تنعرض
يشهد الله مالي مصلحه لامن بايع ولامن شاري
لكن كانك تبحث عن الجوده والمواصفات لاتتعداها
هذا رابط العرض http://www.mekshat.com/vb/showthread.php?t=612969
والله يدلك ع الخير
تحياتي

[ابو قبّاع]

بيت المقناص اذا سعرها ١٣٠٠ للحين لا تتعداها

[سيف الظفير]

حسب كلامك في الموضوع

ما يصلح لك الا البيرق

[محب الجهاد]

شًرينا خيمة الوسم من ابو عبدالعزيز الاسبوع الماضي بيض الله وجه خيمه عليها الكلام الله يوفقه وللعلم اقول هذا الكلام ليس تسويقا لمنتجات هذا الرجال ويعلم الله والله شاهد انني لا اعرف هذا الرجل معرفة شخصية ولكن حب لأخيك ماتحب لنفسك والله من وراء القصد

[جي ميل]

الله يجزاكم خير و ما قصرتو يالحوات الغانمه

و ان شاء الله نتحفكم بصوره الخيمه واترك الموضوع للمناقشات و للأستفسارات اللي يبي يشري خيمه لعله يستفيد من هال المواضيع اللي بادرتو بطرحها يا لنشاما
تحياتي لكم

[عبدالعزيز4]

كم سعرها خيمة الوسم وهل ابو عبد العزيز يفصل مقاس 5x5 او بس 4x4 اكبر شي

[جي ميل]

يفيدونك الشباب الله يجزاهم خير

[الرمز الشامخ]

طيب ياجماعه من جرب خيمه الراحه وارد المرباع هل هي زينه

[شلويح707]

عليك بالبيرق 4*4 ولا 5*5 اذا بغيت تشوفها على عينك رح لبرق الحيا ولا القاضي وتشوفها

[al-jree7]

غير البيرق لا تتعب نفسك

خفيفه وسهلت بناء وهدم

وكد ومد

سعر 4 في 4 = 2100

+111111111111111111

[جي ميل]

+111111111111111111


وش قصدك يالغالي 11111111111111111+ بهال رمز

[المحيط الهادئ]

الأخوة الأعزاء
السلام عليكم ورحمة الله وبركاته

المقارنة لاتكون الا من شخص جرب الخيام التي يتكلم عنها .

اما الأخوة الذين لم يجربوا الا نوع واحد نأمل منهم ذكر العيوب والمميزات للخيمة فقط دون مقارنة .

دمتم بصحة وعافية وسعادة ضافية

اخوكم / المحيط الهادئ

[المحيط الهادئ]

=محب الجهاد;9845834]شًرينا خيمة الوسم من ابو عبدالعزيز الاسبوع الماضي بيض الله وجه خيمه عليها الكلام الله يوفقه وللعلم اقول هذا الكلام ليس تسويقا لمنتجات هذا الرجال ويعلم الله والله شاهد انني لا اعرف هذا الرجل معرفة شخصية ولكن حب لأخيك ماتحب لنفسك والله من وراء القصد



عزيزي محب الجهاد كيف نتواصل مع ابو عبدالعزيز أو أذكر لنا العنوان لو تكرمت

ولك جزيل الشكر

[فهد الودعاني]

يوجد عندي خيمة البيرق وارد القاضي 3×3 جديدة لم تستعمل إلا للتجربة فقط ..

سبب البيع صغيرة عليّ واريد ان اشتري 4×4 ..

[قناص بني تميم]

اخي فهد كم غاط الي عندك

وهل سيمت من قبل والله يرزقك

[oMjx]

خيمة البيرق 4X4 ما احسن منها

[فهد الودعاني]

غاطين ...

السوم نسمع منك ...

[ابوعقيل81]

بالنسبة لي شفت الشباب يثنون على خيمة الوسم تبع ابوعبدالعزيز
وشريتها منه رمضان الماضي
والرجال كان قمة في الاخلاق والتعامل . وحتى اني ما كلمته إلا بالوتس اب وحولت له الفلوس ووصلتني الخيمة وانا ما سمعت صوته :) .
واخذت منه الشور لان سيارتي جيب صغير ما تأخذ خيمة كبيرة , وفي نفس الوقت ابيها خفيفه عشان اقدر ارقيها معي للدور الثاني بدون مساعدة . ونصحني ب2.7 × 2.7 وفعلاً صدق الرجال جت بالسيارة واقدر اشيلها معي بدون مساعدة.

نصبتها مره وحدة ولوحدي بدون مساعدة.

الخياطة ممتازه وفيها مخابي وشبابيك وشبك وبابين .

وهي زينة بس صغيرة من داخل ما تنفع غير ل6 جلوس و3 نوم وتجي بدون مظلة . الي أكبر منها تجي بمضلة . وشريت لها رواقين نفس اللون وصارت كشخة :) , ولو الله كتب مستقبلاً بشتري مثلها لكن أكبر .

[مرسي الزناتي]

كم رقم ابو عبدالعزيز نبي نطلب منه خيمة

[الديبل1]

السلام عليكم
نبي رقم بوعبدالعزيز لو سمحتوا

[الديبل1]

كم سعر الخيمه 4×4

[أبو نادر.]

خيمه العقيلات ولا خيمه الراحه من المرباع
ابحث عن خيمه 3*3 خفيفه وتركيبها سهل وسريع وقماشها قوي
وحاب استشيركم ياربع واحترت بين خيمه الراحه من المرباع وخيمة العقيلات
واذا فيه شي ازين منها لا تبخلون علينا

[أبومحمدالشهري]

PjiV8s3en40


مشكلتنا اذا عرفنا منتج معين خلاص مانشوف شيء غيره يصير هو الافضل ونمدح به ونرفع به

شف اللي مجربين خيام ثانيه و اسألهم بتلقى شيء ازين من البيرق ان شاء الله .. بالمنتدى اي واحد تقول وش ازين خيـ .. قبل ماتكمل يقول البيرق كأن مافي هالبلد الا هالولد

صحيح هي زينه لكن شف الفيديو و عينك ماتغشك .. و شفت موضوع قبل فتره واحد يتشكى من التسريب نفس المشكله

اول ماينزل عندنا المنتج بالسوق و نجربه نعطيه سمعه رهيبه نطيره بالسماء و بعد مايشوف التاجر انه ضمن السمعه يبدأ يخفض التكلفه على حساب الجودة عشان يكسب اكثر ولا أعني القاضي بعينه لكن بشكل عام هذا الحاصل عندنا



الإصدار القديم للبيرق صحيح يدخلها المطر


أما الإصدار الجديد والخاص منها ويجي لون بطانته الداخلية أصفر ماتهرب ماء أبد ، وأنا مجربها لتخييم أربعة أيام في مطر
لأنه تلافى فيها اخطاءه السابقة

[أبو نادر.]

محتار بين خيمه العقيلات وخيمة المرباع وخيمة الشقرديه من القاضي
محتاج خيمه خفيفه سهله وسريعة التركيب مقاومه للمطر والهوا وقماشها ممتاز
الا عنده خبره فيهم يفيدنا وجزاكم الله خير

[الخالد1]

شًرينا خيمة الوسم من ابو عبدالعزيز الاسبوع الماضي بيض الله وجه خيمه عليها الكلام الله يوفقه وللعلم اقول هذا الكلام ليس تسويقا لمنتجات هذا الرجال ويعلم الله والله شاهد انني
لا اعرف هذا الرجل معرفة شخصية ولكن حب لأخيك ماتحب لنفسك والله من وراء القصد
هذا رقمه 0505145815