وين أحصل خيمة المبيت ( خيمة القاضي )

[رمال الشمال]

أشكر كل من يساعدني على المحل أو عدة محلات

[أبومؤيد1]

تحصلها في محلات القاضي للخيام بالرياض وبالدمام وعنيزة وتحصلها عند محل البرية بالزلفي
ومحل القاضي بالرياض مخرج 15 طريق الستين بجهة الشرق تلقاه يمين
محل القاضي بعنيزة طريق بريدة بتجاه الشمال
http://i54.tinypic.com/11v5jid.jpg
ورقم الاتصال واسعار الخيام ترها قديمه

[عبدالرحمن السالم]

وين مكانك عشان نعلمك

[هات وخذ]

السلام عليكم
اخوي ابو مؤيد بالنسبه للاسعار اللي موضحها في الصوره قديييييييمه جدا
وبالنسبه لعنوان القاضي ايضا غير صحيح لان اللي في مخرج ١٥ ناقلين منه من زمان والقاضي الآن انتقل للغرابي
وجزاك الله خير

[أبومؤيد1]

السلام عليكم
اخوي ابو مؤيد بالنسبه للاسعار اللي موضحها في الصوره قديييييييمه جدا
وبالنسبه لعنوان القاضي ايضا غير صحيح لان اللي في مخرج ١٥ ناقلين منه من زمان والقاضي الآن انتقل للغرابي
وجزاك الله خير

جزاك الله خير وخابر الاسعار قديمه وكاتب تحت الصوره الاسعار ترها قديمه
وبالنسبة للمحل توني أدار ناقلين؟؟ لان من زمان ماراحت لمهم بسبب ارتفاع الاسعار لديهم.

[abonaief]

اذا انت في الرياض القاضي في الغرابي مكانهم الوحيد باقي مواقعهم قفلوها صارو يبيعون بالجمله على المحلات ، وتحصلها بعد في برق الحيا الي على طريق الميه

[abonaief]

مواقعهم بالرياض الي قفلوها بس الي بالغرابي هو المفتوح ، عندهم فرع في الدمام لاكن مااعرف مكانه

[جبران القصيم]

أنا آخذ البارح خيمة المبيت القاضي من محل المقناص في الرس القصيم طريق دخنة السعر 320

[الصحافة 15]

خيمة المبيت موجوده في محلات الصياد بتمير وقيمتها 300 ريال

[برد الليل]

انا اخذتها من محل الكشاته مخرج 15 قبل اسبوعين بابين ب330 ريال وعندهم باب ب300 ريال

[.manofstar7]

بعد إذن الإدارة راح أضع رقم مسؤولي المبيعات في مؤسسة القاضي :
حسن 0532913305
ناصر 0532913303
و كذلك راح تحصل في برق الحيا مثل ما قال أخونا أبو نايف
و موجودة أيضاً في محل تعمير دبي , دار الفراسة و الكشاتة.
و كل المحلات هذه موجودة على طريق سعد بن عبدالرحمن ( الميه )

عالعموم لو تتصل بالأخوان حسن أو ناصر راح يفيدونك في أي محل بالمملكة
و لا قصروا معي من قبل الله يجزاهم خير الجزاء و من يقرأ. :good2::good2:

[راقي9]

بريدة :

موجودة عند مكشاتي طريق الملك عبدالعزيز مقابل توكيلات الجزيرة

عنيزة :
موجودة في معرض القاضي مدخل عنيزة الشمالي بجانب وكالة تويوتا

[رجل الغابه]

بس ماادري يااخوانم احصل البولستر ولالا

[رمال الشمال]

اشكر كل من ساعدني .... هكذا يكون الرجال في الأزمات

[سقم المعادي 1]

بالنسبه لي اليوم مريت برق الحيا و الكشاته و تعمير دبي ماحصلت عندهم الا خيمه المبيت الكبيره اخذتها و تحسفت حجمها كبير مره تنفع للي موتره حوض و سعرها 480 و بمرهم بكره ارجعها يعني لا تتعنى يقول انسحبت مننا المبيت الصغيرة ولا عاد جاب القاضي

اللي يعرف محل موجودة عنده بالرياض يعلمني الله لا يهينكم

[سقم المعادي 1]

كلمت رقم المندوب اللي حطه اخوي مان اوف ستار

يقول بالرياض مخلصه الكميه حقت المبيت الصغيره ولا فيه دفعه بتجي قريب يمكن بالشرقيه تحصل باقي كثير

ياليت احد من اهل الشرقيه يخدمنا و ياخذ حق اتعابه

[ابوعقيل81]

الاسعار الي تتكلمون عنها للبوليستر او للقطنية ؟
وايهم افضل ؟

[سقم المعادي 1]

الاسعار الي تتكلمون عنها للبوليستر او للقطنية ؟
وايهم افضل ؟

انا كان عندي خيمه نوم صغيره بولستر ميزه البولستر اذا سكرت على نفسك يبي لها وقت تدفى الخيمه بس لا دفت خذ ولد ولو تفتح الباب وتسكره بردت صارت ابرد من برا

و لا صار فيه هواء و سافي حتى لو بسيط بيشغلك صوته والسافي يصفق الخيمه

هذا اللي لاحظتها على البولستر


ياشباب احد فيكم قريب للغرابي يمر فرع القاضي يعطينا خبر عندهم خيمه المبيت الصغيرة ولا ماعندهم؟؟

ذكرت بالرد السابق لي اني مريت برق الحيا و تعمير دبي و الكشاته و البرية ولا حصلتها عندهم حصلت الكبيره و يبي لها حوض عشان يشيلها تاخذ شنطه الجيب كامله

[منسدح بسطح]

انا كان عندي خيمه نوم صغيره بولستر ميزه البولستر اذا سكرت على نفسك يبي لها وقت تدفى الخيمه بس لا دفت خذ ولد ولو تفتح الباب وتسكره بردت صارت ابرد من برا

و لا صار فيه هواء و سافي حتى لو بسيط بيشغلك صوته والسافي يصفق الخيمه

هذا اللي لاحظتها على البولستر


ياشباب احد فيكم قريب للغرابي يمر فرع القاضي يعطينا خبر عندهم خيمه المبيت الصغيرة ولا ماعندهم؟؟

ذكرت بالرد السابق لي اني مريت برق الحيا و تعمير دبي و الكشاته و البرية ولا حصلتها عندهم حصلت الكبيره و يبي لها حوض عشان يشيلها تاخذ شنطه الجيب كامله



اخوي سقم اذا للحين ادور خيمة المبيت الصغيره انا عندي جديده ومافكيتها عطني اللي عندك وخذ اللي معي اذا ودك ارسلي خاص

[مكتف الكدري]

انا كلمت الفروع كلها مااحصلت الموجود الكبيرة فقط

[ناصرالواهبي]

الاخ عبد الر حمن ارجو الاتصال