نصيحتكم عندي كابرس ابي احوله من بخاخ (حلاب) الي كبليتر

[مسير عليكم]

كيف حالكم يالربع

عندي كابرس وعجزت يصفي وكل مارحت لاحد زحلقني لثاني ومشكلته كهرب الضفيره مدري كمبيوتر والموتر مليت من جلسه وتفتفته وانوي اقلبه كلبيتر وكده

نصايكم الي ما نستغني عنها ووش احتاج عشان اقلبه وشكرا

[MSAN]

هلا بك..
يبي لك/
1- ثلاجة (موب ضروري.. يمكن تركب نفس الثلاجة على الكربريتر)
2- كربريتر
3- طرمبة بنزين داخل التانكي بكامل ملحقاتها (رقليتر، ليات وتمديدات، تمديد الراجع)
4- شغل وامش



بالتوفيق

[التمسساح]

يحتاج لك ديلكو كلبريتر

[SGL]

نصيحتي خله حلابات مثل ماهو كان عندنا 93 والله مايشكي منها وريحتنا وإذا عكس يطلع من أحد الحساسات وأسلاك البواجي والموتر الثاني 86 كربريتر كهرب غث أمنا ومحد يعرف يسويه رغم إن الكهرب أفضل من العادي المهم تعبنا وحولنا الكربريتر الى عادي ويمشي مضبوط وبعد فتره يعكس ويشرب بنزين شرب ماهو بصاحي وبعناه وفتكينا منه وبعده بفتره بعنا الصابونة

[بشير حسن]

شوف أخوي اذا كل شئ متأكد من صحته وسلامته من بواجي وأسلاك بواجي وحساسات والديلكو وضغط طرمبة البنزين والبخاخ اوك عليك أنك تتأكد من ضغط البساتم لأنه اذا كانت المشكلة من نفس المكينه ماراح تستفيد في هذه الحاله الا بتغييرها أو توضيبها وأنا مع الأخ sgl لاتحولها الى كبليتر واذا مكينة سيارتك فيها تفتفه بسيطه تقدر تمشي حالك فيها الا اذا كانت تصرف بنزين وتنقص زيت بشكل كبير فأنصحك أنك تركب مكينة 350 بخاخ حق موديل 93 هذا اذا كانت المكينة الراكبه في سيارتك 305 ومعروف البخاخ صرفيه اقل من الكبليتر وأقل خراب خصوصا اذا كان نظام البخ TBI Injection

[mgs71]

الكربريتر يركب بشرط تغير الثﻻجه وافضل تغير ايدلبروك

[مسير عليكم]

الله يعطيكم العافيه رحت الورشه وسالته قال شغلتها شغله واحسن لك خله كذا يبي كلبيتر وثلاجه وطرنبه كبليتر ويبي من يغير عمود التيمن ولي بنزين

[مسير عليكم]

اخواني الي غيرها قبل يعلمني وش سوا وكم كلفه