عزم الفكس ار

[متقاعد مبكر]

السلام عليكم ورحمة الله وبركاته
اخواني اخوكم شرا موتر فكس ار موديل 98 8 سلندر ولكني واجهت بعض المشاكل فيه وخاصة في العزم عندما اواجه طلوع اما في الخط المستوي خذ موتر وحتى الان محتار من وين ايداء هل ابداء بالكويلات والبواجي ام الفلاتر فياليت الذي عنده خبره يقصر علي المشوار والله يحفظ الجميع:f

[راعي الرود]

سو له تصفيه بواجي و صفايه بنزين و نظف البخاخات و جرب ان مازان عزمه افحصه كمبيوتر يمكن فيه كويل مايعطي كهرب

[ابوراكان تبوك]

بعد ماتسوي اللي قالك عليه راعي الرود افحص الكلتش

[بامالك]

عليكم السلام ورحمة الله ....
اذا كان نفس ماتقول شوف هل الموتر يكتم اذا دعست له ..؟؟ اذا يكتم روح تاكد من دبة التلوث على طول واكيد بتكون مسدوده وهي السبب ...
لاني واجهت مشكلة في كامري 2003 كانت نفس حالتك .. غيرت بواجي وفلتر هواء وكويلات 4 .. ولازالت المشكلة .. واول ماغيرت دبة التلوث حمدلله صارت ممتازه بفضل الله .... ( الدبه اذا كانت من النوع اللي ينفك بمسامير .. فكها وولف لها ماصوره بحيث انك ماتخسر اغراضك وتروح عليك لان سعرها غالي .... ) .. وسعر تنظيف الدبه بحدود الــ 100 ريال فقط .
.
.
بالتوفيق ...

[متقاعد مبكر]

شكرا لكم واحب اسال اخوي راعي الرود هل تنصحني ببواجي اللكزس ام دنسون اما الوكاله ما عاد فيه وكاله زي اول
000 واخي الفاضل ابو راكان ياليت توضح والاخ بامالك الموتر مافيه تكتيم ولكن عندما ادعس عليه يقطع شوي واذا مشا عادي لو تدق طبلونه شكرا لمشاركاتكم ومروركم ع موضوعي

[راعي الرود]

شكرا لكم واحب اسال اخوي راعي الرود هل تنصحني ببواجي اللكزس ام دنسون اما الوكاله ما عاد فيه وكاله زي اول

بالنسبه للبواجي افضل شيء الـNGK وكيلها الحاج حسين و فيه موزع يقال له البابطين بالصناعيه القديمه وهي اللي كانت تجي على اللاند وكاله اول مانزل الـ98

من هالصفحه تاخذ رقم البوجي للمحرك 2UZ-FE

http://www.ngksparkplugs.com/part_finder/car_truck_suv/results.asp?engineid=43813

[ابوراكان تبوك]

خذها على مراحل ابدأ بالسهل
واي ورشه بتجيها بيقول لك تقريباً نفس الكلام اللي قاله راعي الردود
المرحلة الأولى / غير البواجي والصفايه وفلتر الهواء وافحص اسلاك البواجي
الثانيه / نظف البخاخات وشوف ( افضل منظف أشار عليه المهندس أصيل والشباب هو منظف البخاخات ميستوبيشي )
اذا ما نفع كل اللي فوق أفحص الكويلات وشوف
ويبقى الكلتش او دبة البيئة في الحل اللي كتبوه الاخوان

لو بأسرد لك مسببات ضعف العزم بالتسلسل ندخل في متاهه لكن انا كتبت لك الاشياء الشائعه

[شاق النفد]

سو تصفية للمكينة من فلتر هوا وبواجي وصفاية لبنزين ولاتنظف البخاخات ولاتقربها
اما ضبط عزمه فترى هذي طرمبة البنزين ضعيفة ويبي لها تغيير

[عقووول]

انا عندي فكسار موديل 2000

وكان فيه مشكله بالعزم وغيرت سير التايمن وكان الي مركب السير ما وزنه

يوم غيرته وزنه المهندس والحمدلله تغير عزمه مره

[متقاعد مبكر]

الله يكثر خيركم وما قصرتم ولا زالت المشكله والسبب لوجود سياره بديله اما ذا العله اتعبني وخسرني فوقفته

[صروووف]

اذا اصابع البطارية مفصولة قبل فترة ترى المشكلة منها لان الفكسار واغلب السيارات
اذا فصلت الأصابع تحتاج برمجة بسيطة
ترى صارت معي في فكسار 2003
والمفروض عند تغيير البطارية تغير وهو شغال