شباب ابغى المساعدة ضروروي gs430 2001

[عوقد]

السلام وعليكم ورحمة الله وبركاتة

عندي لكزس 2001 gs430


انا ساكن في الدوحة ومتبهذل بالقطع الغيار والصيانة كله من الوكالة ولاتحصل في التشاليح
المهم الموضوع عندي المكيف وعداد الحرارة يفصلون في نفس الوقت لمدة ثواني ويرجع من جديد
ومعاه اضاءة العداد تضعف وترجع في الحالة السابقة

العطل الثاني :لما اضغط بريك يصير احتكاك كبير صوت مع انه السفايف جديد
بس في كراج قالي احتمال يكون abs ومافي في التشاليح تحصل اتمنى منكم التفاعل مع جزاكم الله خير انا في حيرة وهاذي مشاركتي الاولى في المنتدى

[بشير حسن]

عليكم السلام ورحمة الله وبركاته

أخوي بالنسبه للعطل والمشكله الثانيه هل فحصت وشيكت على الهوبات لأنه اذا الهوبات فيها مشكلة راح تسبب لك نفس الشئ واذا ينفع معاها الخرط فاشوف مخرطه يخرطهم لك بس لازم يتأكد من الهوبات والنسبة المتبقية من كل هوب

بالنسبه الى قطع الغيار اذا تقدر تروح أو تعرف أحد له خبره في تشاليح دولة الكويت فاتواصل معاه لأنه كثير من الناس تمدح تشاليح السيارات عندهم كثير وراح تلقى مايسرك ان شاء الله

[عوقد]

تسلم اخوي عالرد وتفاعلك جزاك الله خير بس هنا في صناعيات دوحة لما يشوفون سيارة لكزس صالون ماحد يريد
يصلح لك او حتى يسمع مشكلتك .....واذا وافق انه يصلح لك يضرب عليك مبلغ كبير واحد مركب لي بيب باور للسكان بميلغ 450 مع انه البيب مش اصلي تجاري بس مجبور اصلح
وبخصوص الهوبات راح اشيك عليهم .

يبقى العطل الاول الي مبهذلني انا فصحت السيارة بالكمبيوتر طلع التقرير اني ابدل كمبيوتر السيارة يكون تحت الكبوت بجانب المكينة بس ماقتنعت بكلامه وحتى اذا اريد ابدل مافي كمبيوتر هنا

[بشير حسن]

تسلم اخوي عالرد وتفاعلك جزاك الله خير بس هنا في صناعيات دوحة لما يشوفون سيارة لكزس صالون ماحد يريد
يصلح لك او حتى يسمع مشكلتك .....واذا وافق انه يصلح لك يضرب عليك مبلغ كبير واحد مركب لي بيب باور للسكان بميلغ 450 مع انه البيب مش اصلي تجاري بس مجبور اصلح
وبخصوص الهوبات راح اشيك عليهم .

يبقى العطل الاول الي مبهذلني انا فصحت السيارة بالكمبيوتر طلع التقرير اني ابدل كمبيوتر السيارة يكون تحت الكبوت بجانب المكينة بس ماقتنعت بكلامه وحتى اذا اريد ابدل مافي كمبيوتر هنا

أخوي اذا تقصد بكلامك عن بيب الباور للسكان ب power steering pressure line hose فاهذا غالي كثير فابعض السيارات مثل الكامري من موديلات 2000 غالي اسمعت انه يوصل سعره ب 750 أو أكثر من ذلك فاناس كثير تلجأ انها تركب تجاري اذا وجد مثل حالتك أو اذا كان يجئ فقط أصلي وماعندها امكانية تلجأ الى عملية الكبس بس اذا ياخوي اذا التجاري يمشيك فلابأس

أنا مثل ماقلت لك أخوي شوف لك شخص له خبره بتشاليح الكويت وخله يسأل لك كيف هالمواتر هل راح تلقى لها قطع في تشاليح السيارات عندهم والا لا وان شاء الله يفيدونك أهل الخبره

[عوقد]

ان شاء الله تسلم اخوي بس قبل لانحصل القطعة اريد اعرف حد حصله مثل هاذي الاخطاء ونستفيد
وان شاء الله حد من الاخوان الكويتين يمر بالموضوع ويفيدنا

[راعي الرود]

السلام وعليكم ورحمة الله وبركاتة

عندي لكزس 2001 gs430


انا ساكن في الدوحة ومتبهذل بالقطع الغيار والصيانة كله من الوكالة ولاتحصل في التشاليح
المهم الموضوع عندي المكيف وعداد الحرارة يفصلون في نفس الوقت لمدة ثواني ويرجع من جديد
ومعاه اضاءة العداد تضعف وترجع في الحالة السابقة


وعليكم السلام

تأكد من اصابع البطاريه السالب و الموجب هل هي مشدوده صح ومافيها املاح .. و تأكد من اسلاك التأريض اللي تكون مشبوكه بالرفرف من داخل الكبوت

[عوقد]

اخوي راعي الرود ممكن توضحلي معنى اسلاك التأريض

بخصوص البريك طلع السبب من abc وجاري البحث متوفر في الوكالة 1500 ريال ومستعمل غير متوفر
اذا حد عنده هاذي يراسلني واكون شاكرااا له

[راعي الرود]

اخوي راعي الرود ممكن توضحلي معنى اسلاك التأريض

بخصوص البريك طلع السبب من abc وجاري البحث متوفر في الوكالة 1500 ريال ومستعمل غير متوفر
اذا حد عنده هاذي يراسلني واكون شاكرااا له


http://img694.imageshack.us/img694/9916/mk4103720120306002159.jpg

لاحظ السلك هذا الله يسلمك يسمونه سلك تأريض و فيه منه اسلاك كثيره لازم تتابعها و تتأكد مايكون عليها املاح او غيره يمكن يحتاج لها تنظيف صنفره او بعضها مقطوع و تسبب لخبطه بالكهرب

[عوقد]

تسلم الله يخليك ع المعلومة ان شاء الله اتأكد وشوف وارد عليك خبر
بس هاذا سلك التأريض له مصطلح ثاني عشان اقدر اوصف للكهربائي

[هويدي]

بس هاذا سلك التأريض له مصطلح ثاني عشان اقدر اوصف للكهربائي

سلك السالب - او الارضي

بالمره خل الكهربائي يشيك الفيوزات والكتاوتات "الريلاي"relay

الشغله سهله تقدر تفحصها بمثل اللي بالصورة

http://78.93.55.107/images/supplier/Products/b3e54fcc-46c0-4dec-b3aa-494382461809/Thumb_8020043073.jpg

وبالنسبه للفرامل جرب تنظف الفحمات ببخاخ ايسي ديلكو او مزيل الصدا والهوب بارد

حتى حساسات الايبي اس احياناً ينفع فيها التنظيف

موفق اخي الكريم

[عوقد]

تسلم اخوي هويدي على التفاعل معي اي شي جديد راح اخبرك واطرح الحال هنا في المنتدى

[ريثان القصيم]

السلام وعليكم ورحمة الله وبركاتة

عندي لكزس 2001 GS430



اخوي
موترك استعمال امريكي
فنصيحه وصلتني من مجربين اللكزس الامريكي
ابعد عنها لان مشكلتها بعض القطع الميكانيكيه الجديده لازم بالطلب ولاتحصل مستعمل بسهوله وعند البيع غير مرغوبه
بينما اللكزس مواصفات الوكيل تلقى قطع لو مستعمل وعند البيع مرغوبه
وافضل بديل في قطر عندكم اللاند كروزر الهددGX V6×من موديل 2007 وتحت قير عادي

اخوك
ريثان القصيم