التحويل من تانكي لتانكي لايعمل تكفون افزعوا لي

[سواق الشيخ]

أسعدالله جميع أوقاتكم جميعا
وكما في العنوان
حصل هذا الخلل المفاجيئ لسيارة الكشتات وهي
باترول سوبر سفاري..
المحول الأتوماتيكي تعطل
وولع لمبة التانكي الأحتياطي في الطبلون بلون برتقالي.
تكفون أفيدوني
هل أتمكن من إصلاحه بنفسي ؟؟
وماذا أفعل هل لابد من ورشه لإصلاحه ؟؟
وماهو السبب حتى أتلافى ذلك مستقبلا
تكفون أفزعوا لي عندي كشته غدا الخميس للصمان مع الربع ..

[sgl2002]

افصل اصبع البطارية السالب ساعه ورجعها وشد عليها بس لاتكسرها وتاكد من السلك اللي طالع منها مربوط بالبدي انه مشدود وترجع الامور تمام

ولو مشيت بتانكي واحد مايضر


وهذي معروفه بالباترول افصل الاصبع وانساها شهور وترجع وعلى نفس الموال

[ميكا مكشات]

شغل السويتش وافصل الفيوزين اللي مكتوب عليها subtank وهذي تلقاها بعلبة الفيوز اللي يسار الدركسون وبعدين رجعها وشغل السيارة وخلاص تلقا اللمبة طفت

[التمسساح]

افصل اصبع السالب بس تراها بعد مده راح تشتغل اللمبه فصل الأصبع يعتبر مسكن ماهو حل

[سواق الشيخ]

كل الشكر والتقدير وخالص الموده
لكل من تكرم وساهم في مساعدتي جدا
إستفدت وطبقت تماما كل ماطرحتموه وأنحلت المشكله
ولله الحمد
وأسف جدا للتأخر في الرد لأسباب فنيه في جهازي
هكذا هم أعضاء مكشات الله يحفظهم جميعا
وجزاكم الله كل خير

[FAPioO]

اخوي احتمال ترجع لك ثانيه
معي نفس سيارتك ورجعت لي
عموماً نقول ان شاء الله ماترجع لاكن في حال رجعت عندك ورشة باترول بالصناعيه القديمه الي هي ورشة ابو صالح التركي يصلحها لك
لان الخلل في نفس ايسيات الطبلون وليس فيوز
ولا يتصلح الى بفك الطبلون وتصليحه ويكلفك ٥٠٠
ويضبط ولعد ترجع لك ابد