تصفير في الكبوت.

[عندليب ملهم]

السلام عليكم
اش حالكم يالربع ... عضو جديد مع اني متابع هذا المنتدى من عام فرعون:D
المهم انا عندي مشكلة تصفير في الكبوت من جهة السواق انا اسمعها وانا اسوق وعجزت اسوق وانا اسوق( كررها 10مرات وبسرعه) المهم الموتر ددسن غمارتين 2002 (ما تبون رقم الشاصي:D )!!
المهم هذا رابط باليوتيوب انا مسجله وحاطه والله عذّبني عذاب ماله عذاب يخلّي العالم والفيلسوف مجنون بيوم واحد :
http://m.youtube.com/watch?v=k4M2na7ncD0
ياليت تشوفون لي حل وبأسرع وقت :(

[hassan-55]

وعليكم السلام ورحمة الله

حياك الله

ممكن يحتاج وزن او تغيير جلد

الجلد الاماميه تقدر توزنها
الجلد الجانبيه ثابته

صوره للتوضيح

http://store1.up-00.com/2014-01/1388756917671.jpg


الله ييسر امرنا وامرك وامر كل مسلم..

[يالبى الهلا]

التصفير الله اعلم من العلامه في الكبوت تأكد هل هى ثابته

[عندليب ملهم]

hassan-55
اانا اذا رفعت الكبوت يطلع الصوت!
" يالبى الهلا "
العلامه ثابته!

[عندليب ملهم]

حتى مسكت المفصلات اللي تمسك الكبوت من جهة السواق
اذا مسكتها اختفى الصوت واذا تركتها طلع الصوت!

[hassan-55]

^^
زين انك عرفت مصدر الصوت اللي هو من المفصلات

رشها ببخاخ حق الصدا او قاز وخلها تنشف
وزيتها او شحهمها افضل
وممكن تكون مرتخيه حاول تشدها

[عندليب ملهم]

بس ارش عليها ببخاخ
من عند المسمارين اللي ماسكات الكبوت ولا المسمار اللي داخل (اللي ماسك المفصلات)؟!!

[عندليب ملهم]

وثانياً هذا حل مؤقت انا ابغاحل نهائي
فكرت اني اشتري كبوت جديد هل تعتقدون هذا الحل النهائي؟؟

[عندليب ملهم]

ياليت اللي حصلت لهم هالمشكله يفيدوننا..؟!

[عندليب ملهم]

يا عالم وين رحتوا؟؟!
لا يصير بتسحبون عليّ وترركوني بهالمشكله؟؟!:confused::confused::eek::eek:

[ريثان القصيم]

ابغى حل نهائي
؟؟

اخوي
اول شحم فصلات الكبوت وقفل الكبوت اذا ما نفع
ركب ورد للفصلات اللي جنب الغماره ثم رفع من ربلات الكبوت اللي بالاركان قدام اذا ما نفع
تروح لسمكري مضبوط ويازن لك الكبوت
نصيحه لا تغير كبوت ابد ابد حتى لو قال لك السمكري

اخوك
ريثان القصيم

[عندليب ملهم]

الله يجزاك خير يا "ريثان القصيم"
انا ابختصر السالفه وبدون تعب ابروح لسمكري بس اخاف اطيح لي بسمكري دبشه ثم اروح فيها!
ما تعرفلي سمكري مظبوط او خبير او ممتاز بالقصيم(بريده)؟

[يالبى الهلا]

لافضل تغير المفضلات جديده احسن وسعرها رخيصى

[عندليب ملهم]

يالبى الهلا
سبق وغيرت المفصلات نفس الصوت ما تغير شي!

[يالبى الهلا]

الافضل تاخذ لى ماء طويل وتشغل السيارة وتحدد الصوت بفحص شامل للمكينه بطريقة كشف الطبيب بالسماعه يكون الطرف اللي لاول حساس ولاخر الطرف الثاني باذنك وتسمع مصدر الصوت وين ممكن من السير ااوالبكرات او من الدينموا

[سقم المعادي 1]

متأكد ان الصوت من الكبوت لانه واضح مره و كأنه من الغماره

[عندليب ملهم]

الصوت يطلع حول (مفصلات الكبوت)من جهة السائق!

[فرار]

احتمال الكبوت يحتاج وزن مر على اي سمكري ويضبطه لك

[ريثان القصيم]

ما تعرفلي سمكري مظبوط او خبير او ممتاز بالقصيم(بريده)؟

شف ورشة الجطيلي بصناعية الرواف الشماليه وورشة الهويشل متخصصين تعديل الله يعينك على الزحمه والسعر
اخوك
ريثان القصيم

[عندليب ملهم]

عاد ابروح لهم الوقت ما يهم بس اللي يهم لا يسدحوني بمبلغ عالي! وراجع لكم بإذن الله!

[يالبى الهلا]

ان شاء الله يصلحون العطل وترجع ونفسيتك زي الفل لو اني ماانصحك بالورش الكبيره السمعه لانها تهبر هبر فلوس فلوس لو لكزس ممكن بس ددسن دور ورشه تمشئ حالك وتصلح العطل باقل مبلغ

[عندليب ملهم]

اعرف ورشة بالصناعية صناعية السليم
اول ما تعدا الكبري وانت ماشي مع طريق مشعل تلف يمين ثم ١٠٠متر ثم تلف يمين ثم تديور واول لفة على اليمين تدخلها وهي اول ورشة على يدك اليمين!
اذكرها زوينه يعني شغلهم زين بس الزحمه زحمه ! بس ما ادري عن السعر ابمرها وارد لكم!

[يالبى الهلا]

منظرينك عند باب المنتدى اخلص علينا هههههه

[عندليب ملهم]

ماش !
يسكرون الساعه ٩!!

[عاشق الددسن92]

عندي نفس المشكله واحس ان صوتها من وراى المسجل والمكيف لاكني ما اهتميت فيها لنها تجي وتروح